Category Archives: பாகிஸ்தானில்

"பாகிஸ்தானில் இந்துக்கள் வாழ்வது கடினம்’-தினமணி பத்திரிக்கை

கராச்சி, ஏப். 26: பாகிஸ்தானில் இந்துக்கள் வாழ்வது கடினம் என்று சகஊழியர்களால் அடித்துக் கொல்லப்பட்ட இந்து இளைஞரின் சகோதரி கூறியுள்ளார்.

கராச்சி நகரைச் சேர்ந்தவர் ஜெகதீஷ் குமார் (22). அங்குள்ள தோல் தொழிற்சாலையில் பணியாற்றி வந்த அவர், சில நாள்களுக்கு முன் சக ஊழியர்களால் அடித்துக் கொல்லப்பட்டார்.

முஸ்லிம் மதத்துக்கு ஏதிராக ஜெகதீஷ் குமார் பேசியதாகவும், அதனால் ஆத்திரமடைந்த சகஊழியர்கள் அவரை அடித்துக் கொன்று விட்டதாகவும் போலீஸôர் கூறுகின்றனர்.

இந்த கொடூர சம்பவம் பாகிஸ்தானில் வாழும் இந்துக்களிடம் அச்சத்தை ஏற்படுத்தியுள்ளது.

"பாகிஸ்தானில் இந்துக்கள் வாழ்க்கை நடத்துவது கடினம்' என்று கொலையான ஜெகதீஷ் குமாரின் சகோதரி ராமேஸ்வரி நாளிதழ் ஒன்றுக்கு அளித்த பேட்டியில் கூறியுள்ளார்.

"எனது சகோதரருக்கு முஸ்லிம் மதத்தைப் பற்றி துளி அளவுகூட தெரியாது. அவர், அந்த மதம் குறித்து சகஊழியர்களோடு எப்படி வாக்குவாதம் செய்திருக்க முடியும்.

முஸ்லிம் மதம் பற்றி அவதூறாக பேசியதால்தான் அவரை சகஊழியர்கள் அடித்துக் கொன்று விட்டதாக கூறுகிறார்கள். இதை எங்கள் குடும்பத்தினர் நம்பத் தயாராக இல்லை. கொலைக்கான உண்மையான காரணம் வேறு.

எனது சகோதரரின் மரணத்துக்கு நாங்கள் நஷ்டஈடு கோரவில்லை. அரசிடமிருந்து எந்த நிதியுதவியையும் எதிர்பார்க்கவில்லை. நாங்கள் எதிர்பார்ப்பது நீதி, நியாயத்தை மட்டுமே' என்று அவர் மேலும் தெரிவித்தார்.

இந்த கொலை வழக்கில் போலீஸôர் மெத்தனப் போக்குடன் நடந்து கொள்வதாக இந்து கூட்டமைப்புகள் குற்றம் சாட்டியுள்ளன. இந்த வழக்கு தொடர்பாக இதுவரை 3 பேர் கைது செய்யப்பட்டுள்ளனர். அவர்களிடம் தொடர்ந்து விசாரணை நடத்தப்பட்டு வருகிறது என்று போலீஸôர் தெரிவித்துள்ளனர்
 
 

பின்னூட்டமொன்றை இடுக

Filed under இந்துக்கள், இஸ்லாம், தினமணி பத்திரிக்கை, பாகிஸ்தானில்

பழி தீர்ப்பதற்காக கொடூரம் பெண் குழந்தைகளுக்கு திருமணம்

பழி தீர்ப்பதற்காக கொடூரம் பெண் குழந்தைகளுக்கு திருமணம்

இஸ்லாமாபாத் :தந்தை இன்னொரு திருமணம் செய்து கொண்டதால், குடும்பப்பகை ஏற்பட்டது. இதற்கு பழி தீர்ப்பதற்காக, அவரது இரு பெண் குழந்தைகள், சித்தியின் சகோதரர்களுக்கு, திருமணம் செய்து வைக்கப்பட்ட கொடுமை பாகிஸ்தானில் அரங்கேறியது.

பாகிஸ்தானில், பஞ்சாப் மாகாணத்தை சேர்ந்தவர் நவாஸ். இவரது மனைவி அன்வர் பீவி. இவர்களுக்கு இரண்டு பெண் குழந்தைகள் உள்ளனர். தனது மனைவியின், ஒன்று விட்ட சகோதரியை திடீரென்று திருமணம் செய்து கொண்டார் நவாஸ். இதனால், கிராம பஞ்சாயத்து கூட்டப்பட்டது. கிராம வழக்கப்படி, இது போன்ற செயலில் ஈடுபடுவோரின், சிறிய குழந்தைகளுக்கு திருமணம் செய்து வைக்கப்படும். இதன் அடிப்படையில், நவாசின் ஒன்பது வயது மற்றும் ஏழு வயது பெண் குழந்தைகளுக்கு, சித்தியின் சகோதரர்கள் கலித் மற்றும் முகமது யாசின் ஆகியோருக்கு திருமணம் செய்து வைக்க, பஞ்சாயத்து கூட்டத்தில் உத்தரவிடப்பட்டது. பஞ்சாயத்துக் கூட்டத்திலேயே, திருமணமும் செய்து வைக்கப்பட்டது.திருமணத்துக்குப் பின், பெண் குழந்தைகளை அழைத்துச் செல்ல மணமகன்கள் முயன்றனர். இதை, அன்வர் பீவியின் குடும்பத்தார் தடுத்து நிறுத்திவிட்டனர். இப்பிரச்னையை, இப்போது போலீசார் விசாரித்து வருகின்றனர்.

http://www.dinamalar.com/2008MAR31/world12.asp

பின்னூட்டமொன்றை இடுக

Filed under குழந்தைகளுக்கு திரு, பஞ்சாயத்து கூட்டத்த, பாகிஸ்தானில்