Category Archives: பஞ்சாப்

ஸ்ரீசாந்தை கன்னத்தில் ஹர்பஜன் அறைந்தது எப்போது?விளைவு பரபரப்பு தகவல்!!!!!!!

ஸ்ரீசாந்தை கன்னத்தில் அறைந்த ஹர்பஜன் நீக்கம்
ஐபிஎல் அதிரடி

 
 
    மொகாலி, ஏப். 27: ஸ்ரீசாந்த் கன்னத்தில் அறைந்த ஹர்பஜனுக்கு ஐபிஎல் போட்டியில் விளையாட தற்காலிகமாகத் தடை விதிக்கப்பட்டுள்ளது.

ஐபிஎல் போட்டியில் நேற்று முன்தினம் மும்பை, பஞ்சாப் அணிகள் மோதின. இந்த ஆட்டத்தில் பஞ்சாப் அணி வெற்றி பெற்றது. மும்பை கேப்டன் ஹர்பஜனுடன் கைகுலுக் கிய ஸ்ரீசாந்த், அப்போது அவரை கிண்டல் செய்தார். இதனால் ஆத்திரமடைந்த ஹர்பஜன், ஸ்ரீசாந்தை கன்னத்தில் அறைந்தார்.

நாளை விசாரணை: இந்த சம்பவம் குறித்து ஹர்பஜனிடம் நாளை விசாரணை நடக்கிறது. ஐசிசி விதிகளின்படி நடக்கும் இந்த விசாரணையை போட்டி நடுவர் பரூக் இன்ஜினியர் நடத்துகிறார். டெல்லியில் நடக்கவுள்ள இந்த விசாரணை யில் இரு அணி நிர்வாகிகளும் கலந்து கொள்ள வேண்டும் எனவும் உத்தரவிடப்பட்டுள்ளது.

விசாரணை அறிக்கை ஐபிஎல் சேர்மன் லலித் மோடியிடம் சமர்ப்பிக்கப்படும். அதன் அடிப்படையில் ஹர்பஜனுக்கு தடை விதிப்பது குறித்து இறுதி முடிவு எடுக்கப்படும்.

இந்நிலையில், ஐபிஎல் போட்டியில் இருந்து ஹர் பஜன் சஸ்பெண்ட் செய்யப்பட்டுள்ளதாக கிரிக்கெட் வாரியம் நேற்று அறிவித்தது. இதையடுத்து, ஐதராபாத் அணியுடன் மும்பை இந்தியன்ஸ் அணி இன்று மோதும் லீக் ஆட்டத்தில் ஹர்பஜன் விளையாட முடியாத நிலை ஏற்பட்டுள்ளது.
 

பின்னூட்டமொன்றை இடுக

Filed under ஐபிஎல், கிரிகெட், பஞ்சாப், மும்பை, ஸ்ரீசாந், ஹர்பஜன்

பஞ்சாப் அணியின் உரிமையாளர் நடிகை பிரீத்தி ஜிந்தா

ஹர்பஜன்சிங்குக்கு கிரிக்கெட் வாரியம் நோட்டீஸ்

மொகாலி, ஏப். 26-

ஐ.பி.எல். 20 ஓவர் கிரிக்கெட் போட்டியில் மொகாலியில் நேற்று நடந்த ஆட்டத்தில் யுவராஜ்சிங்கின் பஞ்சாப் அணி 66 ரன்னில் மும்பை இந்தியன்ஸ் அணியை தோற்கடித்தது. பஞ்சாப் பெற்ற முதல் வெற்றியாகும். அதே நேரத்தில் மும்பை அணி தொடர்ந்து 3-வது தோல்வியை சந்தித்தது.

வெற்றியை பஞ்சாப் அணி வீரர்கள் கொண்டாடி னார்கள். அப்போது அந்த அணி வீரர் ஸ்ரீசந்த் மட் டும் கண்ணீர் விட்டு கதறி அழுதார். இது டெலிவிஷ னில் தெரிந்தது. அவர் எதற்காக அழுதார் என்பது புரியவில்லை. அவரை மும்பை இந்தியன்ஸ் அணி யின் தற்காலிக கேப்டன் ஹர்பஜன்சிங் கன்னத் தில் அறைந்துள்ளார். இதற் காகத் தான் ஸ்ரீசந்த் அழுதார் என்பது பின்னர் தெரிந்தது. அவரை பஞ்சாப் அணியின் உரிமையாளர் நடிகை பிரீத்தி ஜிந்தா மற்றும் வீரர்கள் ஆறு தல்படுத்தினர்.

ஹர்பஜன்சிங்கை பார்த்து அதிர்ஷ்டம் இல்லை என்று ஸ்ரீசந்த் கூறி அவரை வெறுப் பேற்றி உள்ளதாக தெரிகி றது. இது தொடர்பாக இரு வருக்கும் இடையே வாக்குவாதம் ஏற்பட்டதாகவும் கூறப்படுகிறது.

ஹர்பஜன்சிங்கின் இந்த செயலை பஞ்சாப் அணியின் கேப்டன் யுவராஜ், பயிற்சியாளர் டாம்மோடி ஆகியோர் கண்டித்து உள்ளனர். இதை யாரும் ஏற்றுக் கொள்ள மாட்டார்கள் என்று மோடி கூறியுள்ளார். யுவராஜ்சிங் கூறும்போது, இது ஒரு மோசமான நிகழ்ச்சி. இது எனக்கு அதிர்ச்சியை ஏற் படுத்தியது. ஹர்பஜன்சிங் செயலை யாரும் ஏற்றுக் கொள்ள முடியாது என் றார்.

இதற்கிடையே தனது செயலுக்கு வருத்தம் தெரி வித்து ஸ்ரீசந்திடம் நேரடியாக சென்று ஹர்பஜன்சிங் மன்னிப்பு கேட்டுள்ளார்.

இந்த சம்பவம் தொடர் பாக புகார் எதுவும் தெரி விக்க விரும்பவில்லை என்று ஸ்ரீசந்த் தெரிவித்தார். ஹர்பஜன்சிங் கூறும்போது, `எங்கள் குடும்பத்துக்குள் நடந்த சிறு நிகழ்வு. எங்க ளுக்குள் பிரச்சினை முடிந்து விட்டது. இதற்குமேல் சொல் வதற்கு ஒன்றும் இல்லை' என்றார்.

இந்த நிலையில் இந்த சம்பவம் தொடர்பாக விளக்கம் கேட்டு ஹர்பஜன்சிங்குக்கு இந்திய கிரிக்கெட் கட்டுப் பாட்டு வாரியம் நோட்டீஸ் அனுப்பி உள்ளது. ஒடுக்கமின்மை மற்றும் வீரர்களுக்கான நடத்தை விதியை மீறியது தொடர்பாக அவரிடம் விளக்கம் கேட்கப் பட்டுள்ளது. 28-ந் தேதிக்குள் இதற்கு பதில் அனுப்ப வேண்டும் என்று அவருக்கு கிரிக்கெட் வாரியம் உத்தரவிட்டுள்ளது.

இந்த சம்பவம் தொடர்பாக ஹர்பஜன்சிங்குக்கு சில போட்டிகளில் ஆட தடை விதிக்கப்படலாம் என்று தெரிகிறது.

இந்திய அணியில் இடம் பெற்றுள்ள ஹர்பஜன்சிங்கும், ஸ்ரீசந்தும் உண்மையிலேயே நல்ல நண்பர்கள் என்பது குறிப்பிடத்தக்கது.
 

பின்னூட்டமொன்றை இடுக

Filed under நடிகை பிரீத்தி ஜிந், பஞ்சாப், ஸ்ரீசந்த், ஹர்பஜன்சிங்