Monthly Archives: ஜூலை 2011

அதிசய இயந்திரம் செய்து வைக்கும் திருமணம ் (காணொளி, பட இணைப்பு)

பிரித்தானியாவில் அறிமுகம் ஆகி உள்ளது காதலர்களுக்கு திருமணம் செய்து வைக்கின்ற இயந்திரம்.

காதல் ஜோடிகள் இதன் வாய்க்குள் ஒரு டொலர் அல்லது அல்லது பவுண்டு போட்டால் போதுமானது. இயங்க ஆரம்பித்து விடும்.

உங்களுடன் உரையாடும். உங்களுக்கு அறிவுறுத்தல்கள் கொடுக்கும்.

அதன் அறிவுறுத்தல்களின்படி நீங்கள் நடந்து கொள்ள வேண்டும்.

ஒரு ஜோடி பிளாஸ்ரிக் மோதிரத்தை உங்களுக்கு கொடுக்கும்.

திருமணத்தின் நிறைவில் உங்களுக்கு திருமண பதிவு சான்றிதழ்களும் வழங்கும்.

இத்திருமணம் ஒரு புதுமையான அனுபவம் என்பதால் இளைஞர்கள், யுவதிகள் மத்தியில் இயந்திரம் அதீத பிரபலமும், அமோக வரவேற்பும் பெறும் என்பதில் ஐயம் இல்லை.

conceptshed நிறுவனம் இந்த இயந்திரத்தை கண்டுபிடித்து உள்ளது.

(Visited 55 times, 1 visits today)

Advertisements

பின்னூட்டமொன்றை இடுக

Filed under Uncategorized

வெட்கமே இல்லாமல் பெட்ரூமுக்கு கூப்பிடு வது, ……….

பட்டாம்பூச்சிகளின் கதை (2)

ஹாய் வாசகர்களே…
"பட்டாம்பூச்சி’க்கு இத்தனை, "ரெஸ்பான்ஸ்’ இருக்கும் என்று எதிர்பார்க்கவே இல்லை. இந்த வாரம், எங்கள் ஊர்க்காரி மாதங்கி – பெயர் மாற்றியுள்ளேன்; அவளைப் பற்றி சொல்லப் போறேன்…

இவள், பெற்றோருக்கு ஒரே பெண். அதனால், இவள் நினைத்ததெல்லாம் பெற்றோர் செய்து கொடுப்பர் என்றுதானே நினைக்கிறீங்க… அதுதான் இல்லை. தாயார் சரியான கஞ்சம்; பணத்தை சேர்த்து, சேர்த்து தங்கமாக்கினாள்.
என்ன செய்வது? எங்கள் மாவட்டத்து பெண்களுக்கு நிறைய பணம், நகைகள் வரதட்சணையாக கொடுக்க வேண்டும். நடுத்தர குடும்பம்தான் மாதங்கியுடையது; வீட்டில், அவள் அம்மா வைத்ததுதான் சட்டம். ஐம்பது சவரன் என்றால், சாதாரண மாப்பிள்ளை; 70 – 100 சவரன் என்றால் தான் பணக்கார மாப்பிள்ளை கிடைக்கும். மகளை, பெரிய கோடீஸ்வரனுக்கு கட்டிக் கொடுக்க வேண்டும் என்பதற்காகவே, காசு சேர்க்க ஆரம்பித்தாள் அம்மாக்காரி.
வாழ்க்கையில் சுடிதார் போட்டதே கிடையாது மாதங்கி. காரணம், ரெடிமேடு டிரெஸ் விலை அதிகம் என்பது தான். மாதங்கிக்கு, தீபாவளிக்கு மட்டும் ஒரு டிரெஸ் எடுப்பார்; அதுவும் சாதாரண டிரெஸ் தான்.
மாதங்கியின் அம்மா, முழு, நூறு ரூபாய் நோட்டு கையில் கிடைத்தால் மாற்றவே மாட்டாள்; மாற்றினால், செலவாகி விடும் என்ற பயம். யார் வீட்டில் இருந்து பத்திரிகை வைத்தாலும், "கிப்ட்’ கொடுக்கணுமே என்பதற்காக, முக்கிய உறவினர்கள் தவிர, யார் வீட்டு கல்யாணத்திற்கும் போக மாட்டாள்.
வீட்டு வேலை எல்லாம் இருவருமே செய்வர். வீட்டில் விளையும் காய்களை வைத்தே ஓட்டி விடுவர். ஒரு முட்டையை சமைத்து, மூன்று பேரும் பார்த்துக் கொண்டே சாப்பிடுவர். இப்படி சேர்த்த காசுகள் அனைத்துமே சவரன்களாகின.
அத்தை மகன் ஒருவன், மாதங்கியை மிகவும் விரும்பினான்; ராணி மாதிரி வைத்துக் கொள்ள ஆசைப்பட்டான். ஆனால், அம்மாக்காரிக்கு, புருஷன் வீட்டு ஆட்களை பிடிக்கவே பிடிக்காது.
"ஆ… உனக்கெல்லாம் என் பெண்ணை கொடுப்பேனா… நல்ல பணக்காரனுக்குத்தான் கொடுப்பேன்…’ என்பாள் தாயார். அவள் ஆசைப்பட்டது போலவே பணக்கார இடம் வந்தது. மாமியார், மெத்த படித்த கோடீஸ்வரி; நான்கு பங்களாக்கள் உண்டு!
மகிழ்ச்சியுடன் பெண்ணை திருமணம் செய்து கொடுத்தனர். மாப்பிள்ளை வீடு, இவர்கள் வசதிக்கு ஏணி வைத்தாலும் எட்டாது. உறவினர் கூட்டம், மாதங்கிக்கு அடித்த அதிர்ஷ்டத்தை கண்டு வாயில் விரலை வைத்தது. அழகிய பங்களாவில் காலடி எடுத்து வைத்தாள் மாதங்கி. கூடவே, தாயாரின் துர்போதனைகளும் அவள் இதயத்தை ஆட்கொண்டன.
"மகளே… நீ போகிற வீடு பணக்கார வீடு. நீ பணத்தை பார்க்காதவள் என்று கேவலமாக நினைத்துக் கொள்ளப் போகின்றனர். எனவே, ராணி மாதிரி நடந்துக்கோ. வீட்டு வேலைகளைச் செய்யாதே. மாமனார், மாமியார், நாத்தனார் எல்லாருமே பொல்லாதவர்களாக தான் இருப்பர். உங்கப்பா எப்படி என் பேச்சை கேட்கிறாரோ, அப்படியே மாப்பிள்ளையும் உன் பேச்சை கேட்கும்படி அடிமையாக்கு…’ என, தூபம் போட்டாள்.
புகுந்த வீட்டில், 9:00 மணிக்கு எழுந்து, ஹாலுக்கு வந்து, கால், மேல் கால் போட்டு அமர்த்தலாக உட்கார்ந்து, "டிவி’ பார்த்தாள் மாதங்கி.
இவ்வளவு நாட்களும் வேலைக்காரி கையால் காபி குடித்தோம். இனியாவது, மருமகள் கையால் குடிப்போம் என நினைத்த மாமனாருக்கு அதிர்ச்சி. "அம்மா மாதங்கி… உன் கையால் காபி கொடும்மா!’ என்றார் மாமனார்.
"நான் என்ன உங்கள் வீட்டு வேலைக்காரியா, உங்களுக்கெல்லாம் காபி கொடுப்பதற்கு? நான் ராணி மாதிரி வளர்ந்தவள்…’ என்றாள் மாதங்கி.
எப்பவும் மாடியை விட்டு இறங்க மாட்டாள்; கிச்சன் பக்கம் எட்டிக் கூட பார்க்க மாட்டாள். சமையல்காரி தான் சமைக்கணும். ராணி மாதிரி வந்து சாப்பிடுவதோடு, "இது குறை… இது நொள்ளை, நொட்டை!’ என, சமையலைக் குறை சொல்வாள்.
இதே மாதங்கி, தன் தாய் வீட்டில், "லோ லோ’ன்னு சமையல் செய்வாள். அம்மா பேச்சைக் கேட்டதால் வந்த வினை. இப்படி ஒவ்வொரு விஷயத்திலும் மாமியார், மாமனார், கணவனை நோகடித்திருக்கிறாள்.
கணவரை சும்மா நச்சரிப்பது, "அங்க என்ன பேச்சு… உங்க அம்மாகிட்ட என்ன பேசினீங்க. இப்படி கையை ஆட்டினீங்களே, அதன் அர்த்தம் என்ன? உங்கப்பா கூட கார்டனில் நின்று என்ன பேசினீங்க… எங்க போனீங்க?’ என, "டார்ச்சர்’ செய்வாள். மகனிடம், மாமனார் – மாமியார், ஏதாவது தூபம் போட்டு விடுவரோ என்ற பயம் தான்.
"நமக்கிருக்கும் பணத்துக்கு, இன்னும் பணக்காரி மருமகளாக வந்தால், வீட்டை கவனிக்க மாட்டாள். எனவே, நடுத்தர குடும்பத்து பெண்ணை எடுத்தால், அவள் நம்மையும் கவனிப்பாள்; புருஷனுக்கும் அடங்கி நடப்பாள்; குடும்ப கவுரவத்தை கட்டி காப்பாள்…’ என நினைத்துதான், மாதங்கியை தேர்ந்தெடுத்தனர். ஆனால், அவர்களது கனவு சரிந்ததும், வெறுத்துப் போயினர் மாப்பிள்ளை வீட்டார்.
புகுந்த வீட்டினருக்கு, இவர்கள் வீட்டு வசதி நன்கு தெரியும். இருந்தும், இவளது அதிகப்படியான திமிர்தனம், மாமியாரை எரிச்சல் படுத்தியது. கணவனை அடக்கி ஆள நினைத்தாள் மாதங்கி. அவனோ, கோடிகளில் புரள்பவன். "போடீ…’ என்றான். விளைவு… மூன்று மாதத்திலேயே பிறந்த வீட்டிற்கு வந்தாள்.
அம்மாக்காரி என்ன செய்திருக்க வேண்டும்… மகளுக்கு நல்ல வார்த்தை கூறி, கணவன் வீட்டுக்கு அனுப்பியிருக்க வேண்டும்; ஆனால், இவள்தானே இதற்கெல்லாம் காரணம்!
"வாடீ என் செல்லமே… அவர்களுக்கென்ன இவ்ளோ திமிர்… நீ நம்ப வீட்லயே இரு…’ என்றாள்.
"மாப்பிள்ளை நம் வீட்டோடு வந்து விடுவார்…’ என்று நினைத்தாள். இப்படியே ஒருவருக்கொருவர், "ஈகோ’ பிரச்னை பெரிதாகியது. அப்புறம் என்ன… டைவர்ஸ் தான்.
இன்று, வேறு திருமணம் செய்து, "ஜாம் ஜாம்’ என இருக்கிறான் அவளது மாஜி கணவன்.
மாதங்கியின் தாயார், "நாங்கள் மட்டும் என்ன இளிச்சவாயர்களா…’ என்று, ஒரு மாப்பிள்ளை பார்த்து மறுமணம் செய்து வைத்தாள். இன்று, அந்த இரண்டாவது கணவனோ , மாதங்கியை, "ஏய் எச்ச நாயே… உன் முதல் புருஷன் உன்னை எப்படி தொடுவான்…’ என்பது போன்ற, காது கூசும் அளவிற்கு பேசி கொடுமைப் படுத்துகிறான்.
புகுந்த வீட்டில், மச்சினன், மாமியார் யார் இருந்தாலும், வெட்கமே இல்லாமல் பெட்ரூமுக்கு கூப்பிடுவது, வர மறுத்தால், "எச்ச நாய்க்கு வெட்கம் என்னடி வேண்டி கிடக்கு… நீ என்ன பத்தினியா… வாடீ…’ என, கேவலமாக பேசுவதுமாக இருக்கிறான்.
மாதங்கி உண்மையிலேயே நல்ல பெண். தனக்கு கிடைத்த மகாராணி போன்ற வாழ்க்கையை, அம்மா பேச்சை கேட்டு கெடுத்துக் கொண்டதை எண்ணி, தினமும் கண்ணீர் வடிக்கிறாள். தன் ஒரே மகளின் வாழ்க்கையை பாழாக்கி விட்டோமே என்ற வருத்தத்தில், படுத்த படுக்கையாகி விட்டாள் மாதங்கியின் அம்மா.
பெண்ணை பெற்ற தாய்மார்களே… நீங்கள் உங்கள் செல்ல மகள்களுக்கு நல்ல அறிவுரை கொடுங்க அல்லது உங்க திருவாயை மூடிக் கொண்டிருப்பதே சாலச் சிறந்தது!
— தொடரும்.

– ஜெபராணி ஐசக்

source:dinamalar

பின்னூட்டமொன்றை இடுக

Filed under Uncategorized

இளைஞர் பட்டாளமே, “ஜொள்’ விட்டுத் திரியும் ராஷ்மி

பட்டாம்பூச்சிகளின் கதை (1)

சில வாரங்களுக்கு முன், வார இதழ் ஒன்றில், சிறுகதை படித்தேன். கதாநாயகி, தன் கணவன் மீது உயிரையே வைத்திருக்கிறாள்; அவனுக்காகவே வாழ்கிறாள். அப்படியிருந்தும், நாயகன் இன்னொருத்தியின் மீது ஆசை கொண்டு, அவளையும், "வைத்து’க் கொள்ள அனுமதி கேட்கிறான். நாயகியோ, தான் விலகி விடுவதாக சொல்கிறாள். கடைசியில் நாயகன், தன் காதலியால் ஏமாற்றப்பட்டு, மனைவியிடம் சரணடைகிறான்; அவளோ, இவனை ஏற்றுக் கொள்ள மறுக்கிறாள்.
இந்தக் கதை என் உள்ளத்தில் பெரிய பாதிப்பை ஏற்படுத்தியது; காரணம், நான் ஒரு ராட்சஷி. என் கணவர் மட்டும் இப்படிச் செய்தால், குழவிக் கல்லை தலையில் போட்டு கொன்று இருப்பேன்.
உண்மைச் சம்பவங்கள் தான் கதைகளாக உருவாகின்றன. நான் ஒரு இளம் தாய். நான் சந்தித்த இளம் தாய்மார்களின் வாழ்க்கையை உங்களுடன் பகிர்ந்து கொள்வது, பல பெண்களுக்கு பயனுள்ளதாக இருக்கும் என நம்புகிறேன்.
தொடர்ந்து சில வாரங்கள் எழுதப் போகிறேன்… திருமணமாகாத பெண்கள், இளம் தாய்மார், வளர்ந்த பிள்ளைகளுடைய அன்னையர், முதிர் கன்னியர், இளவயதில் கணவரை இழந்தோர் என, சமூகத்தின் அனைத்து மட்டங்களில் உள்ள பெண்களும் படித்து கருத்துக்களை எழுதுங்கள்…
உங்களது கதையை பகிர்ந்து கொள்வதென்றாலும், என் பெயரிட்டு, வாரமலர் இதழுக்கு அனுப்புங்கள்.
– என்றென்றும் உங்களுடன்,
ஜெபராணி ஐசக்.

என் தோழியின் பெயர் ராஷ்மி; அவள் பெயரை மாற்றியுள்ளேன். கிராமத்தில், வசதியான குடும்பத்தில் பிறந்தவள். நிறம், உடற்கட்டு, உயரம் என, எதிலும் குறைவில்லை.
கிராமத்திலேயே, "மாடர்னா டிரெஸ்’ பண்ணுவாள். இரு சக்கர வாகனத்தில் அவள் கல்லூரிக்கு செல்லும் போது, இளைஞர் பட்டாளமே, "ஜொள்’ விட்டுத் திரியும். ராஷ்மியை, "மடக்கு’வதில் நடந்த போட்டியில், நண்பர்களாக இருந்த பலர் எதிரிகளாயினர்.
"ஏய் ராஷ்… நம்ப மாணவர் யூனியன் சேர்மன் உன்னை பிடித்தே தீருவேன்னு ஒத்தக் கால்ல நிக்கிறான் டீ…’ – தோழி.
"அவன் கிடக்கிறான் கருங்குரங்கு… என்னோட கற்பனையே வேறு. நல்ல கலரா, சல்மான், ஷாருக் ரேஞ்சில இருக்கணும்…’ இப்படிச் சொல்வாளே தவிர, யாரையும், "லவ்’ பண்ணவில்லை. இளைஞர் கூட்டமே இவள் பின்னால் அலைவதில் ஏக பெருமை அவளுக்கு!
"என்ன இப்படி… நடிகை மாதிரி பொண்ண வளக்குற… பேன்ட், டீ – ஷர்ட், ஸ்கர்ட் போட்டுக்கிட்டு திரியிறா உம் மக… கொஞ்சமாவது அடக்கம் வேணாமா… இவ போயி ஒரு இடத்துல குப்ப கொட்ட வேணாம்!’ என்ற உறவினர்களின் வசை பாடல்களை பெற்றோர் கண்டு கொள்ளவில்லை.
"அழகு ராணியாக, மாடர்ன் மங்கையாக வலம் வரும் மகள், படிப்பு, விளையாட்டு, நடனம், ஓவியம் என்று, எல்லாவற்றிலும் பிச்சு உதறுகிறாள். எதற்காக அவளை கண்டிக்கணும். என்ன… நம்ம பொண்ணுக்கு கொஞ்சம் திமிரு ஜாஸ்தி… வீட்டு வேலைகள் எதுவுமே கத்துக்க மாட்டேங்கறா… எடுத்தெறிஞ்சி பேசுறா… இது, அழகா இருக்கிற எல்லா பொண்ணுங்களுக்கும் இருக்கும் குணம்தானே விடு… எல்லாருக்கும் நம்ப பொண்ண கண்டு பொறாமை…’ என்பார் தகப்பனார்.
"பொண்ணுக்கு ஏத்த மாதிரி ராஜகுமாரன் வேணுமே!’ என, தேடி, தேடி பிடித்தனர் ஒரு மாப்பிள்ளையை. அழகான, சிவப்பு நிறத்தில், சுருள் சுருள் முடியுடன், இந்தி கதாநாயகன் போல், செல்வ செழிப்புடன் உள்ள ஒரு பிள்ளையை சென்னையில் கண்டதும், தெய்வ அனுக்கிரகம் என்று மகிழ்ந்தனர் பெற்றோர்.
"சென்னையிலுள்ள பெரும்பாலான இளம் பெண்களின் நடவடிக்கைகள் சரியில்லை; கிராமத்து பெண் தான் வேண்டும்!’ என, நினைத்த அபிஷேக் – இவரது பெயரையும் மாற்றியுள்ளேன்; பார்த்தவுடன் ராஷ்மியின் அழகில் மயங்கினான். தடபுடலாக நடந்த நிச்சயதார்த்த விழா, கிராமத்தையே அதிர வைத்தது. காக்ரா சோளியில், மணப்பெண் ராஷ்மி ஒரு கலக்கு கலக்கினாள்; திருமண நாள் நிச்சயிக்கப்பட்டது. இடைப்பட்ட நாட்களில், அபிஷேக் வருவதும், ராஷ்மியை வெளியே அழைத்துக் செல்வதும், மொபைல் போனில், "கடலை’ போடுவதுமாக இருந்தான்.
"ஆகா… நான் மிகவும் கொடுத்து வைத்தவள்; சாமி எனக்கு இப்படி ஒரு வாழ்க்கையை கொடுத்துட்டார்… என் கனவு பலித்தது!’ என மகிழ்ந்தாள் ராஷ்மி.
உலகத்துக்கு பொறுக்குமா…
யாரோ ஒரு விஷமி, இவளை ஒருதலையாக காதலித்து ஏமாந்து போனவன், அபிஷேக்குடன் தொடர்பு கொண்டு, " ராஷ்மி, நிறைய பேருடன் சுத்தினாள்… மிகவும் கெட்டவள்… நடத்தை சரியில்லை!’ என்று, "பற்ற’ வைத்து விட்டான்… அவ்ளோதான்!
நிலைகுலைந்து போன அபிஷேக், "மோசமான உன்னை என்னால் மணக்க முடியாது; திருமணத்தை நிறுத்துங்கள்!’ என்று கத்தினான். அதிர்ச்சியடைந்த ராஷ்மி, கெஞ்சி, கதறி அழுதிருக்கிறாள்; சமாதானம் அடையவில்லை அபிஷேக். இரண்டு, மூன்று பேர் இப்படி போன் செய்யவும், மிகுந்த சந்தேகம் வந்துவிட்டது அவனுக்கு. ஆனாலும், பணக்கார மாப்பிள்ளையை இழக்க மனதில்லாத பெற்றோரும், ராஷ்மியும், அவன் கால்களில் விழுந்து அழுதனர். தப்பே செய்யாத ராஷ்மி, "நான் தப்பு செய்து விட்டேன்… என்னை மன்னிச்சிடுங்க!’ என்று சொல்லும்படி கட்டாயப்படுத்தி இருக்கிறான் அபிஷேக்.
திருமண வரவேற்பும், சினிமா பட ரேஞ்சுக்கு, தடபுடலாக சென்னையில் நடத்தியிருக்கிறான் அபிஷேக்.
"இவளுக்கு வந்த வாழ்வை பாரு!’ என, உற்றார், நண்பர்கள் வெந்து மடிந்தனர்.
ஆரம்பித்தது திருமண வாழ்க்கை —
முதலிரவில் இருந்தே, சந்தேகப் பேய் அபிஷேக்கை ஆட்டிப் படைத்தது. "நீ சுத்தமானவள் இல்லை… நீ ஏற்கனவே கெட்டுப் போனவள்!’ என்றான் அபிஷேக்.
"இல்லைங்க… நான் ஒரு நீச்சல் வீராங்கனை; அதனால்தான் அப்படி இருக்கு. "ஸ்போர்ட்ஸ்’சில் ஈடுபடும் பெண்களுக்கு எல்லாம், "அப்படி’ ஆவது இயற்கை தான்!’ என்றாள் ராஷ்மி.
தினம் தினம் சண்டை; சந்தேகம். டிரைவர், காய்கறிக்காரன் முதல், ராஷ்மியை தொடர்புபடுத்தி சந்தேகம். மனைவி நின்றால், உட்கார்ந்தால், சிரித்தால் கூட சந்தேகம். இவை அனைத்தையும் தாங்கியபடி ராஷ்மி வாழ்கிறாள். விவாகரத்து செய்தால், பெற்றோர் தாங்க மாட்டார்கள்.
கர்ப்பமான ராஷ்மி, "கடவுளே… என் குழந்தையை அவரோட ஜாடையில் கொடுத்து விடு… இல்லையென்றால், எனக்கு வாழ்க்கையே இல்லை!’ என்று கதறி அழுது, ஆண் குழந்தை பிறந்தது.
அபிஷேக் மாதிரி இருந்தும், அவனால் ஒத்துக் கொள்ள முடியவில்லை. "இது, என் குழந்தை இல்லை…’ என்று, காதால் கேட்க முடியாத சொற்களில் அர்ச்சனை செய்தான்; அடுத்தும் கர்ப்பமானாள். நாட்களை எண்ணிப் பார்த்து, "இதுவும் என் குழந்தை இல்லை… இதோட அப்பா யாரு?’ என்று, தினம், தினம் அடி, உதை, சண்டை.
ஆனால், பெண் குழந்தையோ, தேவதை போன்று, அவ்வளவு அழகு. குழந்தைகளுக்காக, இந்த சித்ரவதைகளை சுமந்து, பட்டாம் பூச்சியாய் திரிந்த ராஷ்மி, இன்று ஒரே, "அழுவாச்சியா’ இருக்கிறாள்.
சில தினங்களில், "ஏய்… இன்று நம் வீட்டில் பார்ட்டி… கையில்லாத சோளி, விலை உயர்ந்த சேலை கட்டிக்கோ… பார்லர் போய், தலைமுடி, புருவங்களை அழகு பண்ணிக்கோ!’ என்பான் அபிஷேக்.
பார்ட்டி முடியும்; இரவு வரும். "ஏய் கச்சடா… உன்ன கல்யாணம் பண்ணி என் லைப்பே போச்சுடீ… கிராமத்து நாயே… பிச்சக்காரி… என்னடீ இங்கிலீஷ் பேசுற… உன்னோட உச்சரிப்பு சரியில்லை… சிட்டி பொண்ணுங்க மாதிரி நடந்துக்க தெரியல… என்னோட நண்பர்கள்ட்ட உன்ன அறிமுகம் செய்யவே அவமானமா இருக்கு! என் நண்பர்களை காமப் பார்வை பார்த்து, ஜொள்விட்டயேடீ… நீ திருந்தவே மாட்ட… உன்ன விவாகரத்து பண்றேன்… நீ ஓடிப் போ!’ என, இதுபோன்று, இரவு முழுவதும் ஒரே கொடுமை தான்.
இது, அவ்வப்போது நடக்கும் நிகழ்ச்சியாகி விட்டது, ராஷ்மியின் வாழ்வில்!
"நான், எல்லாவற்றையும் தாங்கிப் போவதால், உன்னை மன்னிச்சி ஏத்துகிட்டு இருக்கிறேன். வேறு ஆளாக இருந்தால், உன்னை வெட்டிடுவான்…’ – இப்படி தினமும், "டார்சர்’ கொடுப்பான் அபிஷேக்.
இவ்வளவையும் தாங்கியபடி, அரண்மனை வீட்டில் இருந்து, தேவதை போன்ற குழந்தைகளை அழைத்துக் கொண்டு, அழுதபடியே ஸ்கூலுக்கு வருவாள்.
"என் குழந்தைகளுக்காக, இந்த அவமானங்களை தாங்கிக்கிறேன். வசதி குறைவாக இருந்தாலும், தெருவில் போகும் அன்பான ஜோடிகளை பார்க்க ஆசையா இருக்கு… என் பின்னால் அலைந்தவர்கள் எத்தனை பேர்… இன்று நான் அனுபவிக்கும் அவமானம் எத்தனை!’ என, வாழ்ந்தும், வாழாவெட்டியாக உள்ள என் தோழி, நொந்து நூலாகிக் கிடக்கிறாள்.
பெற்றோரே… கணவனாக வரப் போகிறவனுக்கு, இப்படி ஒரு சந்தேகம் வந்து விட்டால், குடும்ப கவுரவம், கல்யாணம் நடக்கும் முன் ஏற்பட்டுவிட்ட செலவுகள், பணக்கார வரன் என்றெல்லாம் எண்ணி, பெண்ணின் வாழ்வை பாழடித்து விடாதீர்.
"இந்தக் கல்யாணம் வேண்டாம்!’ என்று அபிஷேக் எவ்வளவோ சொல்லியும், ராஷ்மியின் பெற்றோர், குடும்ப கவுரவம் கருதி, பிடிவாதமாக, கட்டிக் கொடுத்ததால், அவள் மீது தவறு இல்லாவிட்டாலும், அவன் சந்தேகப்படுகிறான். இதனால், அபிஷேக் – ராஷ்மி இருவரின் பெற்றோருக்கு மட்டுமல்ல, யாருக்குமே நிம்மதி இல்லை.
இந்த சந்தேகம், சண்டைகள், பிள்ளைகள் வளர்ந்தும், அவர்கள் மனதிலும் தாயை பற்றிய நல்ல எண்ணத்தை கொடுக்காது; அவர்கள் ராஷ்மியை மதிக்கவே மாட்டார்கள்.
வேண்டாமே இதுபோன்ற விபரீதக் கல்யாணம்.
— தொடரும்.
ஜெபராணி ஐசக்
source :dinamalar

பின்னூட்டமொன்றை இடுக

Filed under Uncategorized

”அந்த” மாதிரி பெண்கள்

தமிழகத்திலும் தலைதூக்குமா தாலிபானிஸம்?!……

ஜூலை 1-ம் தேதி… காலை நேரம். நாகை மாவட்டத்தைச் சேர்ந்த இஸ்லாமிய அமைப்புகளின் முக்கியப் பிரதிநிதிகள் மயிலாடு​துறை போலீஸ் ஸ்டேஷன் முன் திரண்டு இருந்தனர். எஸ்.பி., டி.எஸ்.பி-க்கள், இன்ஸ்பெக்டர்களும் அங்கு கூடியிருக்க, இஸ்லாமியப் பெருமக்கள் முகங்களில் கடுமையான கோபம்!

ஏன்?

‘பாப்புலர் ஃபிரண்ட் ஆஃப் இந்தியா’ அமைப்பின் மயிலாடுதுறை மாவட்டப் பொறுப்பாளர் ஷபீக் அமீது, ”குத்தாலம் பகுதியில் எங்கள் மதத்தைச் சேர்ந்த சிலர், ‘இங்கு உள்ள ஒரு வீட்டில் விபசாரப் பெண்கள் கூடுகிறார்கள், அவர்களால் மதத்துக்கே கெட்ட பெயர் ஏற்படுகிறது. மற்றவர்களுக்கும் பெரும் இடைஞ்சலாக இருக்கிறது’ என்று ஐக்கிய ஜமாத்துக்குத் தகவல் கொடுத்தனர். ஐக்கிய ஜமாத்தினர் உடனே அந்த வீட்டுக்குப் போய், அங்கு இருந்த பெண்களை அழைத்து வந்து, மயிலாடுதுறையில் உள்ள மன்சூர் கைலி சென்டரில் வைத்து விசாரித்து அறிவுரை சொன்னார்கள்.

இதை யாரோ தப்பாக போலீஸில் தகவல் சொல்லிவிட, அவர்கள் எங்கள் இளைஞர்களையும், கைலி சென்டர் உரிமையாளர் அப்துல் ரஹூப்பையும் போலீஸ் ஸ்டேஷனுக்குக் கொண்டுசென்றனர். அதற்காக நியாயம் கேட்டுத்தான் இங்கே கூடி இருக்கிறோம்…” என்றார்.

”தவறு செய்தவர்களை அறிவுரை கூறித் திருத்த வேண்டிய போலீஸ், நல்லவர்​களைக் குற்றவாளி​களாக சித்திரிக்கிறது. எங்கள் இளைஞர்​​களையும் 60 வயது முதியவரான கைலி சென்டர் உரிமையாளர் அப்துல் ரஹூப்​பையும் கடுமையாகத் தாக்கி இருக்கிறார்​கள். எங்கள் ஆட்களைத் தாக்கியவர்கள் மீது நடவடிக்கை எடுக்க வேண்டும். மேலும் விபசாரத்தில் ஈடுபட்டவர்களையும், அதில் சம்பந்தப்பட்ட பிரமுகர்கள் மீதும் நடவடிக்கை எடுக்க வேண்டும். இல்லை என்றால், போராட்டத்தில் இறங்கு​வோம்…” என்றார் முக்கியப் பிரமுகர்களை ஒருங்கிணைக்கும் ஷபியுல்லா.

போலீஸார் நம்மிடம், ”குத்தாலத்தில் உள்ள ஹமீது என்பவன் ஒரு விபசார புரோக்கர். அவனதுவீட்டில் பல ஊர்களில் இருந்தும் பெண்கள் கூடுகிறார்கள். அவர்களுக்கு பானு என்பவள்தான் தலைவி. இரண்டு, மூன்று மாவட்டங்களில் உள்ள முக்கியப் பிரமுகர்கள் பலருக்கும் இவர்கள்தான் பெண்களை அனுப்புகிறார்கள். இதைக் கேள்விப்பட்ட இஸ்லாமிய இளைஞர்கள் சிலர், 30-ம் தேதி காலையில் ஒரு வேனில் குத்தாலம் போயிருக்கிறார்கள். வீட்டில் இருந்த ஹமீது மற்றும் ஆறு பெண்களை அடித்துக் கடத்தி வந்து, மயிலாடுதுறையில் ஒரு வீட்டில்வைத்து கடுமையாகத் தாக்கி இருக்கிறார்கள். அடுத்து, மன்சூர் கைலி சென்டருக்கு கூட்டி வந்து தனி அறையில் வைத்து, பைப்பாலும், குச்சியாலும் பெண்களைக் கடுமையாகத் தாக்கி இருக்கிறார்கள். வழக்கமாக ரோந்து போகும் போலீஸாருக்கு இந்தத் தகவல் தெரிய வரவே, எங்களுக்குத் தகவல் சொன்னார்கள். நாங்கள் சென்று அந்தப் பெண்களையும் ஹமீதையும் மீட்டு மருத்துவ​மனையில் சேர்த்ததோடு, தாக்குதலில் ஈடுபட்ட​வர்களை ஸ்டேஷனுக்கு அழைத்து வந்தோம்…” என்று நடந்த சம்பவங்களைச் சொன்னார்கள்.

மயிலாடுதுறை அரசு மருத்துவமனையில் சிகிச்சையில் இருந்த ஹமீதிடம் பேசினோம். ”எனக்குப் பழக்கமான பெண்கள் சிலர் என் வீட்டில் ஃபாத்தியா ஓதுறதுக்காக வந்திருந்தாங்க. ஓதிக்கொண்டு இருந்த நேரத்தில், அங்கு வந்த இளைஞர்கள் சிலர், எங்களை அடித்து இப்படிச் செய்துவிட்டார்கள்!” என்றார்.

சிகிச்சையில் இருந்த பானு என்பவர், ”நான் சேலை வியாபாரம் செய்கிறேன். இந்தப் பெண் கவரிங் நகை விற்கிறார். இப்படி ஒவ்வொருத்தரும் ஒரு வியாபாரம் செய்றோம். ஹமீது வீட்டில் அன்னிக்கு ஃபாத்தியா ஓதத்தான் போனோம். எங்களைத் தப்பா நினைச்சு, சிலர் அடிஅடின்னு அடிச்சாங்க. ஆறு பேரில் ஒரு இந்துப் பெண்ணும் இருந்துச்சு. அதை அடிச்சு, ‘நான் இனிமே இப்படிப் பண்ண மாட்டேன்’னு எழுதி வாங்கிட்டு விரட்டிட்டாங்க. இன்னொரு முஸ்லிம் பொண்ணை அவங்க அண்ணன் வந்து அழைச்சுட்டுப் போயிட்டார். எங்க நாலு பேரையும்தான் போலீஸ் வந்து மீட்டுச்சு…” என்றார் மிரட்சியோடு.

எஸ்.பி-யான சந்தோஷ்குமாரிடம் பேசினோம். ”விபசாரம் நடக்கிறது என்றால் அதை எங்களிடம் சொன்னால், நாங்கள் நடவடிக்கை எடுக்கப் போகிறோம். அதை விட்டுவிட்டு, ஆட்களை சேர்த்துக்கொண்டு வீடு புகுந்து தாக்கி, அடைத்துவைத்து சித்ரவதை செய்வதை எப்படி அனுமதிக்க முடியும்? அதனால், ஹமீதின் வாக்குமூலத்தின்படி புகார் எடுத்துக்கொள்ளப்பட்டு, அவர்களைத் தாக்கியவர்களைக் கைது செய்தோம்!” என்றார்.

ஹமீது மற்றும் பெண்கள் மீது விபசார வழக்கு எதுவும் போடப்படாதது இஸ்லாம் பிரமுகர்களைக் கோபப்படுத்தி இருக்கிறது. அதனால் அடுத்த கட்டப் போராட்டங்களை ஆலோசித்து வருகிறார்கள்.

இந்த விவகாரத்தில் தவறு யார் பக்கம்? உண்மையில் அங்கு விபசாரம் நடந்ததா? நடந்திருந்தால், விபசாரம் செய்தவர்களைக் கண்மூடித்தனமாகத் தாக்கியது இளைஞர்களா? விபசாரம் நடந்தும், இத்தனை நாட்களாகக் போலீஸ் ஏன் கண்டு கொள்ளவில்லை?

source:vikatan

பின்னூட்டமொன்றை இடுக

Filed under Uncategorized

சிக்க வைத்த சி.பி.ஐ., சிங்கிரி அடிக்கும் தய ாநிதி

புதுடில்லி:"2ஜி’ ஸ்பெக்ட்ரம் ஒதுக்கீட்டில் நடந்த முறைகேடு விவகாரத்தில், தயாநிதிக்கும் பங்கு உள்ளது என, சி.பி.ஐ., அம்பலப்படுத்தியுள்ளது. "2004ம் ஆண்டு, தயாநிதி, தொலைத் தொடர்புத் துறை அமைச்சராக இருந்தபோது, ஏர்செல் நிறுவனபங்குகளை மலேசியநிறுவனத்திற்கு விற்க, அதன் உரிமையாளர் சிவசங்கரனுக்கு நெருக்கடி கொடுத்துள்ளார். அதற்கான அடிப்படைமுகாந்திரம் உள்ளது’ என, சி.பி.ஐ., நேற்று சுப்ரீம் கோர்ட்டில் தாக்கல் செய்த விரிவானஅறிக்கையில் குறிப்பிட்டுள்ளது.

"2ஜி’ ஸ்பெக்ட்ரம் வழக்கில் இதுவரையில் நடந்துள்ள விசாரணை விவரங்கள் அடங்கிய 71 பக்கங்கள்கொண்ட அறிக்கையை, சி.பி.ஐ., நேற்று சுப்ரீம்கோர்ட்டில் தாக்கல் செய்தது.இந்த வழக்கு விசாரணையை கண்காணித்துவரும் நீதிபதிகள் ஜி.எஸ்.சிங்வி மற்றும் ஏ.கே.கங்குலி ஆகியோர் அடங்கிய "பெஞ்ச்’ முன், சி.பி.ஐ., மூத்த வழக்கறிஞர் கே.கே.வேணுகோபால், அந்த அறிக்கையை அளித்தார்.

அதில் அவர் கூறியிருந்ததாவது:கடந்த 2004 -2007 காலகட்டத்தில் மத்திய தொலைத் தொடர்புத் துறை அமைச்சராக தயாநிதி இருந்தார். அப்போது, ஏர்செல் தனது சேவையை விரிவாக்கம் செய்வதற்காக பல்வேறு இடங்களுக்கான உரிமம் கேட்டு தொலைத் தொடர்புத் துறை அமைச்சகத்துக்கு விண்ணப்பம் செய்தது.ஏர்செல் நிறுவனத்தோடு மேலும் இரு நிறுவனங்களும்உரிமம் கேட்டு விண்ணப்பித்தன. உரிமம் வழங்குவதற்காக, ஏர்செல் நிறுவனத்திடம், தேவையில்லாத, முக்கியத்துவம் இல்லாத கேள்விகள் கேட்கப்பட்டன. விசாரணைகள் நடத்தப்பட்டன.ஆனால், இந்த நடைமுறையை மற்ற இரு தொலைத்தொடர்பு நிறுவனங்களிடம், அமைச்சகம் மேற்கொள்ளவில்லை. அவர்களுக்கு உடனடியாக உரிமம் வழங்கப்பட்டுவிட்டது. அதே நேரம், ஏர்செல்லுக்கு உரிமம் வழங்குவதில் இழுத்தடிப்பு நடந்தது.

இவ்விவகாரத்தில் சி.பி.ஐ., யின் முதற்கட்ட விசாரணையில், தொலைத் தொடர்புத் துறையின் முன்னாள் அமைச்சர், ஏர்செல் நிறுவனத்திற்கு நிர்பந்தம் கொடுத்துள்ளார் என்பது தெரியவந்துள்ளது.மலேசியாவைச் சேர்ந்த மேக்சிஸ் நிறுவனத்திற்கு ஏர்செல் நிறுவனத்தின் பங்குகளைவிற்கும்படி, ஏர்செல்லின் அப்போதைய அதிபர் சிவசங்கரன் நெருக்கடிக்கு உள்ளாக்கப்பட்டிருக்கிறார்.அந்த நெருக்கடியின் விளைவாக, சிவசங்கரன், ஏர்செல் பங்குகளை மேக்சிஸ் நிறுவனத்திற்கு விற்ற பின்தான், அதாவது 2006, மார்ச் மாதத்திற்கு பின்தான், ஏர்செல் நிறுவனத்திற்கான உரிமங்கள் வழங்கும் நடவடிக்கைகள் துவங்கின. இறுதியில் மேக்சிஸ் நிறுவனத்திற்கு ஏர்செல் பங்குகளை விற்பதைத் தவிர அவருக்கு வேறு வழி தெரியவில்லை.

மேக்சிஸ் நிறுவனத்திற்கான, "இன்டென்ட்’ 2006 நவம்பரில் அளிக்கப்பட்டு, டிசம்பரில் உரிமம் வழங்கப்பட்டு விட்டது. இந்த பரிமாற்றத்தில் என்ன நடந்தது என்பது குறித்து தற்போது சி.பி.ஐ., விசாரித்து வருகிறது. அதேநேரம், சிங்கப்பூர் வங்கி மூலம், நடந்த இறுதிக் கட்ட பணப் பரிமாற்றங்கள் குறித்தும் விசாரித்து வருகிறது. வரும் 13ம் தேதி அந்த வங்கி விசாரணைக்கு அழைக்கப்பட்டுள்ளது.இவ்வாறு சி.பி.ஐ., தனது அறிக்கையில் தெரிவித்துள்ளது.

இந்நிலையில், தயாநிதி,முன்னாள் செயலர் நிருபேந்திர மிஸ்ரா, சி.பி.ஐ.,க்கு அளித்த விளக்கத்தில் ," தயாநிதி , தனது அண்ணன் கலாநிதி நிறுவனத்திற்கு சாதகமாக, ஏர்செல் நிறுவனத்தை குறிவைத்தார்’ என்று தெரிவித்துள்ளார். இவ்வழக்கை, வரும் 11ம் தேதிக்கு சுப்ரீம் கோர்ட் ஒத்தி வைத்துள்ளது.

* ஏர்செல் நிறுவனத்தை மலேசியாவின் மேக்சிஸ் நிறுவனம் கைப்பற்றியது.
* இதற்காக, ஏர்செல் நிறுவன தலைவர் சிவசங்கரனை தயாநிதி மாறன் மிரட்டினார் என்பது குற்றச்சாட்டு.
* ஏர்செல் நிறுவனம் கைமாறியதும், சன் குழுமம் நடத்தும் "சன் டி.டி.எச்’ நிறுவனத்தில் மேக்சிஸ் நிறுவனம் 600 கோடி ரூபாய் முதலீடு செய்தது.
* "2ஜி’ ஊழல் விசாரணையை, வரும் ஆகஸ்ட் 31ம் தேதிக்குள் முடித்துக்கொள்வதாக சி.பி.ஐ., தரப்பில் மூத்த வக்கீல் வேணுகோபால், சுப்ரீம் கோர்ட்டில் தெரிவித்தார்.
* கடந்த 2001 முதல் 2008 வரையில், ஸ்பெக்ட்ரம் ஒதுக்கீட்டில் நடந்த குளறுபடிகள் பற்றிய விசாரணை, செப்டம்பர் 30ம் தேதிக்குள் முடிந்து விடும் என்றும் தெரிவித்தார்

source:dinamalar

பின்னூட்டமொன்றை இடுக

Filed under Uncategorized

இரவுநேர உடையணிந்து கவர்ச்சிகரமாக ஸ்கைபி ல் பேசி பணத்தை கறந்த பெண்: திடுக்கிடும் தகவல ் !

ஸ்கைபில் பேசி ஏமாற்றி கோடிக்கணக்கில் பணத்தை கறந்த பெண்: திடுக்கிடும் தகவல் !

வெளிநாடுகளில் குறிப்பாக மேலைத்தேய நாடுகளில் வாழ்ந்து வருகின்ற இலங்கைத் தமிழர்களை ஏமாற்றி தாயகத்தைச் சேர்ந்த தமிழ் யுவதி ஒருவரால் பேஸ் புக் சமூக இணைப்பு இணையத் தளம் மூலமாக குறைந்தது ஒரு கோடியே நாற்பது இலட்சம் ரூபாய் பணம் மோசடி செய்யப்பட்டு உள்ளது என அறியப்படுகிறது. இப் பெண்ணின் பெயர் தர்ஷனா எனத் தெரிவிக்கப்படுகிறது. கொழும்பில் இருந்து முதலில் பேஸ் புக் மூலம் தொடர்புகளை ஏற்படுத்தும் இவர் பின்னர் ஸ்கைப் ஊடாக சுவிஸ் லண்டன் எனப் பல நாடுகளில் உள்ள தமிழர்களைத் தொடர்புகொண்டு தான் தாய் தந்தை இழந்தவர் என்றும் பிரித்தானியாவுக்கு மாணவர் விசாப் பெற முயற்சிப்பதாகத் தெரிவித்து, அதற்காக வங்கியில் பணத்தைப் போடால் தான் இலகுவாக விசாவைப் பெறமுடியும் எனக் கூறி பலர் தலையில் முழகாய் அரைத்துள்ளார். இவர் ஸ்கைப் ஊடாகப் பேசும்போது இரவுநேர உடையணிந்தும், மிகவும் கவர்ச்சிகரமாகவும் பேசுவதால், பலர் நம்பி பணத்தை வாரி இறைத்துள்ளனர்.

இவர் பல பெயர்களிலும் பேஸ் புக்கில் நடமாடுகின்றார். யது கார்த்தி என்கிற பெயரிலும் பேஸ் புக் கணக்கு வைத்து இருக்கின்றார். குறித்த பெண் தன் கைகளை தானே வெட்டி காயப்படுத்தி அதனை வெப் காம் கமரா மூலம் காட்டிக் கூட சிலரிடம் பணம் கேட்டுள்ளார். இதனை நம்பி பலர் இவருக்கு பணத்தைக் கொடுத்துள்ளனர். வங்கியில் பணத்தைப் போட்டுக் காட்டி, மாணவர் விசா கிடைத்தபின்னர் அப்பணத்தை திருப்பித் தருவேன் என்றும் இவர் கூறிய ஆசைவார்த்தைகளை நம்பிய பலர் இவரது வங்கிக் கணக்கில் பணத்தை இட்டுள்ளனர். பணம் கிடைத்தவுடன் குறித்த நபர்களுடனான தொடர்பை இவர் கட் பண்னிவிடுவார். ஸ்கைப் திரையில் தோன்றவும் மாட்டார் ! இதுவே இவரின் வாடிக்கை !


யுவதியின் மோசடி நடவடிக்கைகளுக்கு தமிழ் ஊடகவியலாளர் ஒருவர்தான் சூத்திரதாரி என்றும் கூறப்படுகிறது. இப் பெண்ணின் கணக்குக்கு வரும் பணத்தை உடனடியாக தனது கணக்குக்கும் மாற்றும் நபரும் இவரே எனத் தெரிவிக்கப்படுகிறது. இந்நபரின் பெயர் ஜெய்சன் என்றும் சொல்லப்படுகிறது.

கட்டிலில் படுத்திருந்து, கைகளை பிளேடால் வெட்டி, இரவு நேர உடையணிந்து, குளைந்து பேசி, இவ்வாறு வித்தியாசமான கோணங்களில் இவர் பணப்பறிப்பு கொடிகட்டிப் பறந்துள்ளது. தற்போதும் ஒரு நபர் இவர் கதையில் ஏமாந்து, கொழும்பில் உள்ள தனது உறவினர் ஒருவரூடாக இப் பெண்ணின் வங்கிக் கணக்கில் பணத்தைப் போடச் சொல்லியுள்ளார். குறிப்பிட்ட உறவினர் பணத்தை வங்கியில் போடச் சென்றவேளை அவர் அப்பெண்ணின் வங்கிக் கணக்கில் சுமார் 1கோடியே 40 லட்சம் காசு இடப்பட்டுள்ளது தெரியவந்துள்ளது. சந்தேகமுற்ற அவர் விடையத்தை பிரித்தானிய நபருக்கு தெரிவிக்க இப் பெண் குறித்து அவர் சில விசாரணைகளை நடத்தியுள்ளார். இதேவேளை இப் பெண்ணால் ஏற்கனவே ஏமாந்த மற்றுமொரு நபரையும் இவர் எதேச்சையாகச் சந்தித்துள்ளார்.

இவர்கள் கலந்துரையாடலில் வெளியான செய்திகளையே நீங்கள் தற்போது பார்க்கிறீர்கள். ஊரில் பல குடும்பங்கள் கஷ்டப்பட்டும், பல சிறுவர்கள் பெற்றோரை இழந்து தவிக்கும் நிலையில் அவர்களுக்கு உதவ சொற்பமான சிலரே முன்வருகின்றனர். ஆனால் அழகா இருந்தால் இல்லை கவர்ச்சி வார்த்தைபேசினால் மயங்கி உதவ பலர் இருக்கிறார்கள் போலும் !

source:athirvu

1 பின்னூட்டம்

Filed under Uncategorized

கம்ப்யூட்டர் கேள்வி பதில்

கேள்வி: விண்டோஸ் 7 மற்றும் இன்டர்நெட் எக்ஸ்புளோரர் பயன்படுத்துகிறேன். என் நிறுவனத் தள முகவரியை பிரவுசர் திறக்கும்போதே கிடைக்கும்படி அமைத்துள்ளேன். இன்னொரு என் தனிப்பட்ட விருப்ப தளத்தையும் அதே போல் மிக எளிதாக உடனே கிடைக்கும்படி அமைக்க முடியுமா?
-என். வெங்கடேஷ் குமார், சென்னை.
பதில்: விண்டோஸ் பதிப்பு எண் சொன்ன நீங்கள், இன்டர்நெட் எக்ஸ்புளோரர் எந்த பதிப்பு என்று சொல்லவில்லையே. இன்டர்நெட் எக்ஸ்புளோரர் பதிப்பு 9ல் இந்த வசதி தரப்பட்டுள்ளது. கம்ப்யூட்டர் மற்றும் இன்டர்நெட்டினை இயக்கி, நீங்கள் விரும்பும் உங்கள் தனிப்பட்ட தளம் செல்லவும். பின் அட்ரஸ் பாரில், அந்த தளத்தின் ஐகானை அப்படியே இழுத்து வந்து, விண்டோஸ் 7 டாஸ்க் பாரில் விட்டுவிடவும். அவ்வளவுதான்! உங்கள் விருப்பமான தளத்திற்கு ஒரு இன்ஸ்டண்ட் லிங்க் கிடைத்துவிட்டது. எவ்வளவு எளிது பார்த்தீர்களா!!

கேள்வி: இன்டர்நெட் பிரவுசிங் போது (என் சிஸ்டம் விண்டோஸ் எக்ஸ்பி) முழுத் திரையும் (எப் 11 மூலம்) கிடைக்கிறது. இதனால், நம் பிரவுசிங் வேலைக்கு நிறைய இடம் உள்ளது. கீழாக உள்ள டாஸ்க் பாரையும் எடுத்தால், முழுத் திரையும் கிடைக்குமே? இதற்கு என்ன செய்திட வேண்டும்?
-சா. கல்யாண்குமார், தேனி.
பதில்: தாரளமாக இதனையும் மறைக்கலாம். டாஸ்க்பார் நடுவே காலியாக உள்ள இடத்தில் ரைட் கிளிக் செய்திடவும். ப்ராப்பர்ட்டீஸ் என்பதில் கிளிக் செய்திடவும். டயலாக் பாக்ஸ் ஒன்று தரப்படும். இதில் ஐந்து ஆப்ஷன்ஸ் கிடைக்கும். இதில் Keep the taskbar on top of windows என்பது மூன்றாவ தாக இருக்கும். இதில் உள்ள டிக் அடையாளத்தின் மீது மவுஸ் கொண்டு கிளிக் செய்தால், இது நீக்கப் படும். இனி உங்களுக்கு மானிட்டரின் முழுத் திரையும், இணைய உலாவிற்குக் கிடைக்கும். டெஸ்க்டாப்பாக இருக்கும்போதுதான், டாஸ்க் பார் காட்டப்படும்.

கேள்வி: நான் தயாரிக்கும் டாகுமெண்ட்டில், வகைக்கேற்ப சில பொருள்களைக் குறிக்கும் சொற்களை, குறிப்பிட்ட வண்ணத்தில் ஹைலைட் செய்கிறேன். பின்னர் அதனை மாற்ற எண்ணுகிறேன். அப்போது டாகுமெண்ட் முழுவதும் ஒவ்வொன்றாக மாற்ற வேண்டிய துள்ளது. மொத்தமாக மாற்ற முடியுமா?
-க.மூர்த்தி, சிவகாசி.
பதில்: மொத்தமாக ஒரே ஸ்ட்ரோக்கில் மாற்றலாம். இதற்குக் குறிப்பிட்ட டாகுமெண்ட்டைத் திறந்து கொள்ளுங் கள். எந்த வண்ணத்தில் மாற்ற வேண்டும் என்று நினைக்கிறீர்களோ அதனை ஹைலைட் டூலைக் கொண்டு தேர்ந்தெடுக் கவும். உடன் கண்ட்ரோல் + எச் அழுத்துங்கள். இப்போது Find and Replace டயலாக் பாக்ஸ் கிடைக்கும். இதில் Replace டேப் தேர்ந்தெடுக்கப் பட்ட நிலையில் இருக்கும். இங்கே Replace With என்ற கட்டத்தில் கர்சரைக் கொண்டு சென்று வைக்கவும். பின்னர், அதன் கீழாக உள்ள Format | Highlight என்பதைத் தேர்ந்தெடுக்கவும். கர்சரை Replace With என்ற கட்டத்தில் வைத்தபடி Replace All என்பதில் கிளிக் செய்திடுங்கள். இப்போது அனைத்து ஹைலைட் செய்த சொற்களின் வண்ணங்களும் நீங்கள் தேர்ந்தெடுத்த வண்ணத்திற்கு மாறி இருக்கும்.

கேள்வி: சில வேளைகளில் டாகுமெண்ட்களைப் பிரிண்ட் எடுக்க முயற்சிக்கையில் The margins of section … are set outside the printable area of the page. Do you want to continue? in Word என்று எர்ரர் மெசேஜ் கிடைக்கிறது. இது எதனைக் குறிக்கிறது? இதற்கான தீர்வு என்ன?
-ந. இளங்கோவன், கோவை.
பதில்: பிரிண்டர்கள் பொதுவாக, தாள் ஒன்றின் முழு அளவில் ஒரு பக்கத்தினை அச்சடிக்காது. மார்ஜின் ஸ்பேஸ் என்று சொல்லப்படும் நான்கு பக்க இட வெளி கொடுத்து அச்சடிக்கும். மேற்காணும் செய்தி மைக்ரோசாப்ட் வேர்ட் தொகுப்பில் கிடைத்தால், No என்பதில் கிளிக் செய்து பின் அந்த டாகுமெண்ட்டின் பேஜ் செட் அப் சென்று பார்த்து மார்ஜின் மற்றும் பேப்பர் அளவை மாற்ற வேண்டும். அச்செடுப்பதற்கு முன் பிரிண்ட் பிரிவியூ பார்த்தால் எந்த அளவில் பிரிண்ட் ஆகும் எனத் தெரியும். அதற்கேற்ற வகையில் அளவைச் சரி செய்து பின் பிரிண்ட் கட்டளை கொடுக்க வேண்டும்.

கேள்வி: எக்ஸெல் ஒர்க்புக் தயாரித்து சேவ் செய்கையில், ஒர்க்புக்கின் பிரிவியூ காட்சியுடன் அதனை எப்படி சேவ் செய்வது? அந்த வசதி உள்ளதா?
-கே.சதீஷ் தேவன், கோவை.
பதில்: நல்ல கேள்வி. ஒர்க்புக் பைல் ஒன்றை Open dialog box மூலம் திறக்கையில், அந்த ஒர்க்புக்கின் முன் காட்சித் தோற்றத்தினைப் பார்க்கும் வகையில், சேவ் செய்திடும் வழிமுறை குறித்து கேட்கிறீர்கள். இந்த வழியை எக்ஸெல் கொண்டுள்ளது. முதலில் Open dialog boxல் எப்படி பிரிவியூ காட்சி பெற செட்டிங்ஸ் அமைப்பது எனப் பார்க்கலாம். இந்த பாக்ஸைத் திறந்தவுடன் உள்ள வியூ டூல்ஸ் அருகே கீழ் விரி அம்புக் குறியில் கிளிக் செய்திடவும். கிடைக்கும் மெனுவில் பிரிவியூ என்பதனைத் தேர்ந்தெடுத்து ஓகே கிளிக் செய்திடவும்.
பிரிவியூ அமைக்க வேண்டிய ஒர்க்புக்கினைத் திறந்து கொள்ளவும். பின்னர், பைல் மெனுவில் பைலுக்கான ப்ராப்பர்ட்டீஸ் கிளிக் செய்து பெறவும். (எக்ஸெல் 2007 பயன்படுத்தினால், Office button, Prepare, Properties என்று செல்லவும். இதில் Document Properties மற்றும் Advanced Properties என்று தேர்ந்தெடுக்க வேண்டும்.) கிடைக்கும் விண்டோவில், Summary என்ற டேப் தேந்தெடுக்கப் பட்டிருக்க வேண்டும். டயலாக் பாக்ஸின் கீழாக Save Preview Picture என்று இருப்பதில் டிக் அடையாளத்தினை ஏற்படுத்தவும். பின்னர் ஓகே கிளிக் செய்து டயலாக் பாக்ஸை மூடவும். அடுத்து இந்த ஒர்க்புக்கினைத் திறக்கும் போது உங்களுக்கு அதன் முன் காட்சித் தோற்றம் கிடைக்கும்.

கேள்வி: சமீபத்தில் நான் ஆப்பரா பிரவுசரை பதிந்து இயக்கிக் கொண்டு வருகிறேன். பல நல்ல அம்சங்களுடனும் வசதிகளுடன் இது உள்ளது. ஆனால் என் பழைய பயர்பாக்ஸ் பிரவுசரில் உள்ள புக்மார்க்குகளை இதற்கு மாற்ற முடியவில்லை. இதற்கு என்ன வழி?
-க.திருச்செல்வன், திருப்பூர்.
பதில்: இந்த கேள்விக்கு முடியாது என்ற பதிலைச் சொல்ல வருந்துகிறேன். ஆப்பரா பிரவுசர் புக் மார்க்குகளுக்காகத் தேடுகையில் .html பார்மட்டில் உள்ள புக்மார்க்குகளையே எதிர்பார்க்கு. ஏனென்றால், அது அந்த வகை புக்மார்க்குகளையே கையாளும் வகையில் அமைக்கப் பட்டுள்ளது. ஆனால், பயர்பாக்ஸ் பிரவுசர் .டீண்ணிண பார்மட்டில் புக்மார்க்குகளை உருவாக்கும். இந்த பிரச்னையைத் தீர்ப்பதற்கான வழியை இணையத்தில் தேடினேன்; கிடைக்கவில்லை. கிடைத் தவுடன் இந்த பக்கங்களில் தருகிறேன்.

கேள்வி: அபாண்டன்வேர் என்று ஒரு நூலில் படித்தேன். இந்த சொல் எதனைக் குறிக்கிறது?
-சி.வெங்கட் மோகன், திருத்தணி.
பதில்: நிறுவனம் ஒன்றினால் தயாரிக்கப் பட்டு, தற்போது மக்களுக்கு வழங்கப்படாமல் அல்லது விற்பனை செய்யப் படாமல் இருக்கும் சாப்ட்வேர் தொகுப்புகளை இவ்வாறு அழைப்பார்கள். அதனால் தரப்படும் பயன்கள் தற்போது இலவச மாகவோ, அல்லது மற்ற சாப்ட்வேர் தொகுப்புகளில் ஓர் அங்கமாகவோ இருக்கலாம். அதனால் அது ஒதுக்கப் பட்டிருக்கலாம்.

கேள்வி: எந்த பிரவுசரில் App Tab கிடைக்கிறது? இதன் பயன் என்ன? எப்படி பயன்படுத்தலாம்?
-எம்.கணேஷ், புதுச்சேரி.
பதில்: பயர்பாக்ஸ் பதிப்பு 4 பிரவுசரில் இந்த App Tab கிடைக்கிறது. நாம் அடிக்கடி பயன்படுத்தும் பல இணைய தளங்களை இதில் அடக்கி வைக்கலாம். இந்த டேப்பில் கிளிக் செய்தால், அவை அனைத்தும் திறக்கப்படும். இதனால் பிரவுசரில் இடம் மிச்சமாகிறது. இதனை செட் செய்திட ஏதேனும் ஒரு டேப்பில் ரைட் கிளிக் செய்திடவும். கிடைக்கும் மெனுவில் Pin as App Tab என்பதைத் தேர்ந் தெடுக்கவும். நீங்கள் திறந்துள்ள அந்த தளம் இந்த டேப்பில் சேர்க்கப்படும். இப்படியே இந்த சிறிய டேப்பில் பல தளங்களைச் சேர்க்கலாம். சேர்த்த தள முகவரியை நீக்க, மீண்டும் ரைட் கிளிக் செய்து Unpin Tab என்பதில் கிளிக் செய்தால் போதும். அந்த தளம் நீக்கப்படும்.

கேள்வி: அறிவியல் சார்ந்த பல சந்தேகங்களுக்கு மொத்தமாக விளக்கம் தரும் வகையில் ஏதேனும் ஓர் இணைய தளம் உள்ளதா? அதன் முகவரியையும் சார்ந்த தகவல்களையும் தரவும்.
– டி. கிறிஸ்டோபல் சிந்தியா, காரைக்கால்.
பதில்: நல்ல கேள்வி. இந்த கேள்வியின் பின்னணியில் தளம் ஒன்றைத் தேடியபோது சிக்கியது www.sciencedaily.com என்ற முகவரியில் உள்ள தளம். இதில் எந்த அறிவியல் வினாக்களுக்கும் தெளிவான தகவல்கள் தரப்படுகின்றன. பழைய அறிவியல் கோட்பாடுகள் முதல் இன்றைய நானோ தொழில் நுட்பம் வரையில் அனைத்திற்கும் தகவல்கள் கிடைக்கின்றன. சென்று பார்த்துக் குறித்துக் கொண்டு அடிக்கடி இதனைப் படித்துப் பார்க்கவும்.

source:dinamalar

பின்னூட்டமொன்றை இடுக

Filed under Uncategorized