Monthly Archives: மார்ச் 2011

இருக்கும் இடத்தில் இருந்து எட்டு அடி நகர ்ந்த ஜப்பான்

கடந்த வெள்ளிக்கிழமை ஜப்பானில் நடைபெற்ற பாரிய நில நடுக்கத்தை அடுத்து அந் நாடு சுமார் 8 அடி நகர்ந்துள்ளதாக அறியப்படுகிறது. அதாவது பூகோளத்தில் யப்பான் நாடு இவ்வளவு காலம் எங்கே இருந்ததோ, அவ்விடத்தில் இருந்து சுமார் 8 அடி(2.4) மீட்டர் நகர்த்தப்பட்டுள்ளது என தற்போது கண்டுபிடிக்கப்பட்டுள்ளது (அதாவது முழு நாடும்). அமெரிக்க செயற்கைக்கோள்கள் எடுத்து அனுப்பிய புகைப்படங்களைப் பார்த்த ஆராட்சியாளர்கள் அதிர்ச்சிக்கு உள்ளாகியுள்ளனர். அதில் ஜப்பான் நாடு 8 அடி விலகிப் போய் உள்ளது தெளிவாகக் காணப்படுவதாக தெரிவிக்கப்படுகிறது. ஆசியக் கண்டத்தின் அடிப்பகுதியும், பசுபிக் கண்டத்தின் அடிப்பகுதியும் கடலுக்கு அடியில் முட்டி மோதியதால் இந்த நில நடுக்கம் தோன்றியதாக அறியப்படுகிறது.

சுமார் 4 நிமிடம் இந்த நிலநடுக்கம் நீடித்துள்ளது. இதன் காரணமாக கடலுக்கு அடியில் உள்ள நீர் கொந்தளித்து, அது கடலுக்கு அடியில் அலையாகச் சென்றுள்ளது. அவை பல மைல்கள் செல்லக்கூடியவையாக உள்ளதோடு, அந்த கடலுக்கு அடியில் செல்லும் அலை, கரையை அடையும் போது அதன் வேகம் அப்படியே கல் பாறைகள் மற்றும் கடல் கரைகளில் மோதி பேரலையாக உருவெடுப்பதையே சுணமி என்கிறோம். கடந்த வெள்ளி ஏற்பட்ட நிலநடுக்கமும் அதனைத் தொடர்ந்து ஏற்பட்ட சுணாமியும், ஜப்பானுக்குள் சுமார் 10 கி.மீட்டார் தூரம்வரை சென்று தாக்கியுள்ளது. ஆனால் ஆபத்தை முன்கூட்டியே அறிந்த ஜப்பானியர்கள் தமது உயிரைப் பாதுகாத்துக்கொண்டதால், பெரும் உயிர்ச்சேதம் தகவிர்க்கப்பட்டது.

நடந்த பூகம்பத்தால், பூகோளரீதியாக ஜப்பான் நாடு நகர்ந்துள்ளதும், அதனால் ஏதாவது பாதிப்பு ஏற்படுமா என்ற விபரங்களையும் ஆராட்சியாளர்கள் திரட்டி வருகின்றனர்.

source:athirvu

Advertisements

பின்னூட்டமொன்றை இடுக

Filed under Uncategorized

பிடிவாரன்ட் பிறப்பிக்கப்பட்ட அமெரிக்க ச ாமியார் திடீர் மாயம்

large_201949.jpg

வாஷிங்டன்:அமெரிக்காவில், இளம் பெண்களை பாலியல் பலாத்காரம் செய்த சாமியாருக்கு, பிடிவாரன்ட் பிறப்பிக்கப்பட்டுள்ளது. ஆனால், அவர் திடீரென மாயமானார்.அமெரிக்காவின் ஆஸ்டின் நகரில் 200 ஏக்கர் பரப்பளவில் "பர்சனா தாம்’ என்ற ஆசிரமம் உள்ளது. 90ம் ஆண்டில் நிறுவப்பட்ட இந்த ஆசிரமத்தில், ஏராளமான இந்தியர்கள் தங்கியுள்ளனர். இந்த ஆசிரமத்தின் நிறுவனர் பிரகாஷானந்த் சரஸ்வதி. தற்போது 80 வயதாகும் பிரகாஷானந்த் மீது ஆசிரமத்தில் தங்கியிருந்த ஷியாமா ரோஸ்(30) உள்ளிட்ட இரண்டு பெண்கள் கற்பழிப்பு புகார் செய்தனர். தங்களை 12 வயது முதல் பாலியல் ரீதியாக இந்த சாமியார் கொடுமைப்படுத்தியதாக, இந்த பெண்கள் 2008ம் ஆண்டு புகார் செய்தனர். 45 கோடி ரூபாய் ஜாமீன் பத்திரத்தின்படி, இவர் விடுவிக்கப்பட்டார்.
இந்நிலையில், 31 வயதான கேத்தி டோனிசென் என்ற பெண், தன்னிடம் சாமியார் தகாத முறையில் நடந்து கொண்டதாக புகார் கூறினார். இதையடுத்து, பிரகாஷானந்த் மீது மற்றொரு வழக்கு பதிவு செய்யப்பட்டுள்ளது. இந்த வழக்கு தொடர்பாக, நேற்று முன்தினம் பிரகாஷானந்த் ஆஜராகவில்லை. எனவே, அவருக்கு கோர்ட் பிடிவாரன்ட் பிறப்பித்துள்ளது. மீண்டும் 45 கோடி ரூபாய் ஜாமீன் பத்திரத்தை தாக்கல் செய்யும்படி கோர்ட் உத்தரவிட்டுள்ளது. இவர் மீதான குற்றச்சாட்டு உறுதிப்படுத்தப்பட்டுள்ளதால், 20 ஆண்டுகள் வரை சிறை தண்டனை கிடைக்கும் என, எதிர்ப்பார்க்கப்படுகிறது.
இந்நிலையில், சாமியார் பிரகாஷானந்த் உடல் நலம் குன்றி இருந்ததாகவும், அவர் தற்போது, எங்கிருக்கிறார் என்பது தெரியவில்லை என்றும், அவர் சார்பில் ஆஜரான வக்கீல்கள் தெரிவித்துள்ளனர். பிரகாஷானந்தின் பாஸ்போர்ட் கோர்ட்டில் சமர்ப்பிக்கப்பட்டுள்ளதால், அவர் வெளிநாடு தப்பித்து செல்வதற்கு வழியில்லை என்று தெளிவாக்கினர்

source:dinamalar

பின்னூட்டமொன்றை இடுக

Filed under Uncategorized

தி.மு.க.,வை காங்., காலில் விழவைத்த ஜெயலலிதா ., !

large_202693.jpg

தி.மு.க.,வை காங்., காலில் விழவைத்த ஜெ., ராஜதந்திரம்!

அ.தி.மு.க., தலைமையிலான அணியில், ம.தி.மு.க., மார்க்சிஸ்ட், இந்திய கம்யூனிஸ்ட், புதிய தமிழகம், மனிதநேய மக்கள், நாடாளும் மக்கள் கட்சி என, ஒரு பெரும் பட்டியல், ஆரம்ப நிலையிலேயே இடம் பெற்றது. இது வரை தனியாவர்த்தனம் செய்து வந்த தே.மு.தி.க.,வையும் தன் வலையில் வீழ்த்தியது அ.தி.மு.க., ஒருபுறம் தனது அணியை பலமாக்கிவிட்டு, எதிர்ப்பக்கம், தி.மு.க., அணியில் குழப்பத்தை ஏற்படுத்தி, அதில் மீன் பிடிக்க ஆரம்பித்தது அ.தி.மு.க., குழப்பத்தில் இருந்த பா.ம.க.,வை, தங்கள் பக்கம் இழுக்க அ.தி.மு.க., முயற்சிக்கிறது என்ற தகவலை பரப்பியது. பயந்துபோன தி.மு.க., தடாலடியாக, பா.ம.க.,வுக்கு, 31 தொகுதிகளைக் கொடுக்க வேண்டியதாகிவிட்டது; அது இப்போது 30 ஆகிவிட்டது. அடுத்ததாய், கொங்கு மண்டலத்தில் கொ.மு.க.,விடம், பேச்சை தொடர்ந்தபடியே அ.தி.மு.க., இழுக்க, அவர்களுக்கும் ஏழு தொகுதிகளை காவு கொடுத்தது தி.மு.க.,

தி.மு.க., – காங்கிரஸ் இடையே 10 நாட்களுக்கும் மேலாக, எண் விளையாட்டு நடந்து வந்த நிலையில், இதை தனக்கு சாதகமாக அ.தி.மு.க., பயன்படுத்தியது. தங்களது கூட்டணியில் காங்கிரஸ் இடம் பெற வாய்ப்புள்ளது என்ற தோற்றத்தை உருவாக்கி வைத்தது. இதற்காக, தனது பழைய கூட்டாளிகளான, ம.தி.மு.க, மற்றும் கம்யூனிஸ்ட் கட்சிகளுக்கு தொகுதி பங்கீட்டை முடிக்காமல் காலம் தாழ்த்தியது. "அப்படியும் நடந்து விடுமோ’ என்ற பயம் ஆளுங்கட்சியில் பரவியது. சாதாரண நாளிலேயே, "தி.மு.க.,வை அழிப்பதே லட்சியம்’ என கங்கணம் கட்டி செயல்படும் ஜெயலலிதாவோடு, காங்கிரஸ் கூட்டணி சேருமானால், தங்களின் நிலை என்ன என்ற அச்சம் அக்கட்சியை ஆட்டிவைத்தது. நிபந்தனை மேல் நிபந்தனை விதித்து காங்கிரஸ் கடுப்பேற்றிய நிலையில், தி.மு.க., தனது இயல்பைவிட்டு இறங்க வேண்டிய நிலை ஏற்பட்டது. மத்திய அமைச்சரவையில் இருந்து விலகுவதாக தீர்மானம் போட்டுவிட்டு, நள்ளிரவில் சந்தித்து பேசி காங்கிரசுடன் சமாதான உடன்படிக்கை செய்யும் நிலை தற்போது தி.மு.க.,விற்கு ஏற்பட அ.தி.மு.க.,வின் ராஜதந்திரமே காரணமாக அமைந்தது என்கின்றனர் கூட்டணிக் கட்சி தோழர்கள்.

இது தொடர்பாக, கம்யூனிஸ்ட் கட்சியின் முக்கிய நிர்வாகி ஒருவர் கூறியதாவது: அ.தி.மு.க., அணியில் காங்கிரஸ் இடம் பெற்றுவிடுமோ என்ற அச்சம் எங்களுக்கும் கூட ஆரம்பத்தில் ஏற்பட்டது. தி.மு.க., அணியை குழப்ப நடத்தும் நாடகம் என்பதை, சரியான நேரத்தில் எங்களுக்கு தெரியப்படுத்திவிட்டனர். அதனால் தான், டில்லியில் பிரகாஷ் காரத் பேசும் போது, "அ.தி.மு.க., கூட்டணியில் தொடர்வதில் மாற்றமிருக்காது’ என, வெளிப்படையாக தெரிவித்தார். இதே போல, ம.தி.மு.க.,வுக்கும் தகவல் போனதால், அவர்களும் பொறுமை காத்தனர். இப்போது, தி.மு.க., – காங்கிரஸ் கூட்டணி நாடகம் முடிந்துவிட்டது. எங்களது அணி உறுதிப்பட்டுவிட்டது. இவ்வாறு அவர் தெரிவித்தார்.

மொத்தத்தில், தேர்தல் கூட்டணி விஷயத்தில் தனது, "ராஜதந்திர’ நடவடிக்கையால், "பொருந்தாக் கூட்டணி’ என்ற பெயரோடு, தி.மு.க., – காங்கிரஸ் கூட்டணியை ஜெயலலிதா உருவாக்கி, முதல் வெற்றியை பெற்றுள்ளார் என்கின்றனர் அரசியல் பார்வையாளர்கள்

source:dinamalar

பின்னூட்டமொன்றை இடுக

Filed under Uncategorized

கம்ப்யூட்டர் கேள்வி – பதில்

E_1298791370.jpeg

கேள்வி: எனக்கு பல நண்பர்கள் தங்களிடம் உள்ள வேர்ட் 2010 தொகுப்பில் தயாரிக்கப்பட்ட வேர்ட் பைல்களை (.docx) அனுப்புகிறார்கள். என்னிடம் வேர்ட் 2003 தான் உள்ளது. அவர்களிடம் .ஞீணிஞி பார்மட்டில் அனுப்புங்கள் என்று கேட்பது சரியல்ல. இந்த பைலின் பார்மட்டை எப்படி மாற்றுவது?
-டி. தண்டபாணி, தேனி.
பதில்: உங்கள் நிலைமை எனக்குப் புரிகிறது. உதவியாக அனுப்பும் பைலை, இந்த பார்மட்டில் தான் அனுப்பு என்று கேட்க சங்கடமாகத்தான் இருக்கும். கவலைப்படாதீர்கள், மாற்றுவதற்கு எளிதான வழி உள்ளது. http://www.doc. investintech.com/ என்ற முகவரியில் உள்ள தளம் செல்லவும். சென்றவுடன், நீங்கள் பார்மட் மாற்ற வேண்டிய பைலை அப்லோட் செய்திடவும். உடன் பைல் பார்மட் மாற்றப்பட்டு உங்களுக்கு டவுண்லோட் செய்திடும் வகையில் தரப்படும். வேகமாகவும் எளிதாகவும் நடக்கும். எந்த கட்டணமும் இல்லை. நம்மைப் பற்றியோ, நம் இமெயில் முகவரி குறித்தோ (இது போன்ற வசதிகள் தரும் மற்ற தளங்களைப் போல) தகவல் கேட்பதில்லை. நீங்கள் மாற்ற விரும்பும் பைலின் அளவைப் பொறுத்து மாற்று வதற்கு நேரம் எடுத்துக் கொள்ளப்படும். இருந்தாலும் வேகமாகவே மாற்றம் நடைபெறுகிறது. இந்த தளத்தில் இன்னும் சில பார்மட் மாற்றங்களுக்கும் உதவி தரப்படுகிறது. என்ன என்ன மாற்றங்கள் என அறிய, தளம் சென்று பார்க்கவும்.

கேள்வி: ஜிமெயில் அக்கவுண்ட் வைத்துப் பயன்படுத்தி வருகிறேன். நிறைய அஞ்சல்கள் நெருக்கமாகப் பட்டியலிடுவதால், எந்த மெயிலில் கர்சர் நிற்கிறது என்று தெரிய வில்லை. கர்சருக்கு வண்ணம் கொடுக்க முடியுமா?
-இரா. செண்பகமூர்த்தி, மேலூர்.
பதில்: இந்த பிரச்னை எனக்கும் வெகு நாட்களாக இருந்தது. கர்சரை வண்ணத் தில் கொண்டு வர முடியாது. ஆனால் கர்சர் எந்த மெசேஜில் இருக்கிறதோ, அந்த வரியை, வண்ணத்தில் கொண்டு வர முடியும். இதே போல இன்னும் சில வசதிகளைத் தரும் Better Gmail2 என்னும் சிறிய தொகுப்பினை, இறக்கிப் பதிந்து கொள்ளவும். இதில் சில ஆட் ஆன் தொகுப்பு வசதிகளும் கிடைக்கின்றன. உங்கள் கர்சர் இருக்கும் மெயில் வரியை வண்ணத்தில் காட்டுவதுடன், இன்னும் எத்தனை மெயில்களைப் படிக்கவில்லை என்பதையும், மெயில்களில் இணைக்கப்பட்டுள்ள பைல்களின் பெயர்களையும் காட்டும்.

கேள்வி: இன்டர்நெட் தளங்களின் பெயர்களை அமைக்கையில், பெயரை மட்டும் அமைத்து கண்ட்ரோல் மற்றும் என்டர் தட்ட.com என்ற துணைப்பெயருடன் உள்ள தள முகவரி அமைக்கப்படுகிறது. .net என்ற துணைப் பெயர் கொண்ட தளப் பெயரினை அமைக்க சுருக்கு வழி உள்ளதா?
-டி.வினிதா சுரேஷ், மேட்டுப் பாளையம்.
பதில்: அமைக்கலாமே. .net போல மற்றவற்றில் முடியும் தளங்களின் பெயர்களை அமைக்கவும் சுருக்கு வழிகள் உள்ளன. “www” and “.net” என அமைய ஷிப்ட் + என்டர் தட்டவும். அடுத்து “www” and “.org” என அமைய கண்ட்ரோல்+ஷிப்ட்+என்டர் தட்டவும்.

கேள்வி: சில இணைய தளங்களின் மொத்த பக்கத்தினையும் அப்படியே பிரிண்ட் ஷாட் செய்திட முடியவில்லை. பகுதி, பகுதியாகத் தான் கிடைக்கிறது. இதற்கு சுருக்கு வழி அல்லது ஷார்ட் கட் கீ தொகுப்பு உள்ளதா?
-ஜே. அமனுல்லா, கம்பம்.
பதில்: நீங்கள் கேட்பது பிரிண்ட் ஸ்கிரீன் ஷாட் என நினைக்கிறேன். எந்த பிரவுசரும் இதற்கான வசதியைத் தன்னி டம் வைத்துள்ளதாகத் தெரியவில்லை. அப்படியே பிரிண்ட் ஸ்கிரீன் கொடுத்தால், திரையில் தெரியும் பகுதி மட்டுமே பைலாகக் கிடைக்கும். முழுமையாகக் கிடைக்க ஒரு தேர்ட் பார்ட்டி சாப்ட்வேர் புரோகிராம் துணையைத்தான் நாட வேண்டும். ஒவ்வொரு பிரவுசருக்குமான இத்தகைய புரோகிராம் இணையத்தில் கிடைக்கிறது. Screengrab for Firefox பயர்பாக்ஸ் பிரவுசருக்கும், IE Screenshot இன்டர்நெட் எக்ஸ்புளோரருக்கு, Talon குரோம் பிரவுசருக்கும் இணையத்தில் கிடைக்கின்றன. இந்த புரோகிராம்கள் எங்கு உள்ளன என்று ஒரு சர்ச் இஞ்சின் மூலம் தேடி அறிந்து பயன்படுத்தவும்.

கேள்வி: என் பாஸ் நான் தயாரிக்கும் டாகுமெண்ட்களில், திடீரென டேபிள் கேட்பார். பின் அதனையே டெக்ஸ்ட்டாக வேண்டும் என்பார். இது போல மாற்றச் சொல்கையில், நேரம் செலவழித்து பார்மட்டிங் அல்லது டைப் செய்திட வேண்டிய துள்ளது. இதற்கு சுருக்கு வழி உள்ளதா?
-பெயர் தராத வாசகி, புதுச்சேரி.
பதில்: கவலைப்பட வேண்டாம். உங்கள் விருப்பத்தினை நிறைவேற்ற வேர்ட் ஒரு வழி வைத்துள்ளது. வேர்ட் டாகுமெண்ட்டில் டேபிள் ஒன்றை அழகாக உருவாக்கி அதில் டேட்டாக் களையும் டைப் செய்த பின்னர் அதில் உள்ள சொற்களையும் பிற டேட்டா வினையும் டெக்ஸ்ட்டாக கட்டங்கள் ஏதுமின்றி மாற்றலாம்.
இதற்கு சம்பந்தப்பட்ட டேபிளை முதலில் தேர்ந்தெடுத்துக் கொள்ளவும். பின்னர் Table மெனுவில் இருந்து Convert என்னும் கட்டளையைத் தேர்ந்தெடுக்கவும். இப்போது கிடைக்கும் சப் மெனுவில் “Convert Table to Text” என்ற பிரிவில் கிளிக் செய்திடவும். இதில் தேவையான ஆப்ஷன்ஸ் தேர்ந்தெடுத்த பின் ஓகே கிளிக் செய்து விண்டோவை மூடினால் டேபிள் டேட்டாக்கள் டெக்ஸ்ட்டாக மாறி இருப்பதனைப் பார்க்கலாம். உங்கள் நேரமும் உழைப்பும் வீணாகாமல் இருப்பதனையும் உணரலாம்.

கேள்வி: நான் தினந்தோறும் எக்ஸெல் புரோகிராமினைப் பயன்படுத்தி என் அலுவலக வேலைகளைப் பார்க்கிறேன். இதில் உள்ள டிபால்ட் செல் அகலம் என் வேலைகளுக்குப் போதவில்லை. சற்று கூடுதல் அகலத்துடன் செல் இருக்க என்ன வழிகளைக் கையாள வேண்டும்?
-டி. தாமோதரன், மதுரை.
பதில்: அநேகமாக இது பலரின் பிரச்னையாக இருக்கும் என்று எண்ணுகிறேன். செல் அகலத்தினை அவரவர் விருப்பப்படி மாற்றி, அதனையே டிபால்ட் எனப்படும் மாறா நிலையில் வைத்துக் கொள்ளலாம். இதற்கு Format மெனு சென்று Column என்ற பிரிவைத் தேர்ந்தெடுக்கவும். இது ஒரு துணை மெனுவினைக் காட்டும். இதில் Standard என்ற ஆப்ஷனைத் தேர்ந்தெடுக்கவும். உடன் Standard Width என்ற டயலாக் பாக்ஸ் காட்டப்படும். இதில் எந்த அகலத்தில் செல்கள் அமைய வேண்டுமோ அதனை அமைக்கவும். பின் ஓகே கிளிக் செய்து வெளியேறவும்.
இவ்வாறு செய்தவுடன் உங்கள் ஒர்க் ஷீட்டின் செல்கள் அனைத்தும் நீங்கள் குறிப்பிட்ட அளவிற்கு அட்ஜஸ்ட் செய்யப்படும். ஆனால் இதற்கு முன் நீங்கள் ஏதேனும் ஒரு செல்லின் அகலத்தினை நீங்களாக மாற்றி வைத்திருந்தால், அது அப்படியே அதே அகலத்தில் இருக்கும்.

கேள்வி: என் வீட்டு விசேஷங்களின் வீடியோ பைல்கள் என்னிடம் உள்ளன. இவற்றில் என் நண்பர்கள் வந்து சென்ற அளவிலான காட்சிகளை மட்டும் கட் செய்து, தனி பைலாக அவர்களுக்கு அனுப்ப விரும்புகிறேன். இதற்கான புரோகிராம் ஏதேனும் இலவசமாகக் கிடைக்குமா?
-ஆர். தங்க பாண்டியன், காரைக்கால்.
பதில்: இதற்கான புரோகிராம்கள் சில இணையத்தில் கிடைக்கின்றன. முற்றிலும் இலவசமாகவும், இயக்க எளிதாகவும் உள்ள புரோகிராம் ஒன்றைச் சொல்கிறேன்.
வீடியோ கட்டர் என்ற புரோகிராம் இலவசமாக http://www.freevideocutter. com/ என்ற முகவரியில் உள்ள தளத்தில் கிடைக்கிறது. இந்த புரோகிராமினை டவுண்லோட் செய்து, இன்ஸ்டால் செய்திடவும். பின்னர், புரோகிராமினை இயக்கியவுடன், “Open Video” என்ற கட்டளையைக் கிளிக் செய்து கொள்ளுங்கள். நீங்கள் விரும்பும் வீடியோ பைலை இப்போது தேர்ந்தெடுக்கவும். வீடியோ கட்டர் புரோகிராம் அந்த வீடியோவின் பார்மட், பிட் ரேட், பிளே ஆக எடுத்துக் கொள்ளும் நேரம் ஆகியவற்றைப் படித்தறிந்து, வீடியோ தம்ப்நெயில் படங்களை ஸ்லைடுகளாக உருவாக்கும். ட்ரேக் பாரில் இடது பக்கம் எந்த ஸ்லைடிலிருந்து கட் செய்திட வேண்டும் என்பதனைக் குறிக்கவும். வலது பக்கம் முடிந்திடும் ஸ்லைடைத் தேர்ந்தெடுக்கவும். பின் சேவ் செய்திட விரும்பும் பார்மட்டைத் தேர்ந்தெடுக்கவும். பின் சேவ் வீடியோ கட்டளை கொடுக்கவும். MPEG4, DivX, MP3, FLV, WMV என்ற பார்மட்கள் அனைத்தையும் இது கையாள்கிறது. நீங்கள் பதிய விரும்பும் பார்மட்டினையும் இதில் முடிவு செய்திடலாம். பின் நீங்கள் குறிப்பிடும் பைல் பெயரில், தேர்ந்தெடுத்த பார்மட்டில் வெட்டப்பட்ட வீடியோ காட்சி பைலாகக் கிடைக்கும். ஆடியோ மட்டும் வேண்டும் என்றாலும், அதனை எம்பி3 பைலாக சேவ் செய்திடலாம்.

கேள்வி: வைரஸ் குறித்துப் படிக்கையில் ரெப்ளிகேஷன் என்று ஒரு சொல்லைக் கையாள்கின்றனர். இது எதனைக் குறிக்கிறது. வைரஸ் எழுதப் பயன்படுத்தும் முறையா? அல்லது பாதிப்பு ஏற்படுத்தும் தன்மையினையா?
-ஆர். ஜெயப்பிரகாஷ், பாண்டிச்சேரி.
பதில்: பெர்சனல் கம்ப்யூட்டர் ஒன்றை ஒரு வைரஸ் பாதித்தவுடன், அது தன்னையே காப்பி செய்து கொள்ளும் பணியில் இறங்கும். இதைத் தான் ரெப்ளிகேஷன் (Replication) என்று அழைக்கின்றனர். பின்னர், அந்தக் கம்ப்யூட்டரின் மற்ற பாகங்களையும் இது பாதிக்கும்; இமெயில் முகவரிகள் மூலமாக மற்ற கம்ப்யூட்டர் களையும் பாதிக்கும். அடுத்த கம்ப்யூட்டரை அடைந்தவுடன் இதே வேலையை மேற்கொள்ளும். இவ்வாறு சில நிமிடங்களில் நூற்றுக் கணக்கான கம்ப்யூட்டர்களில் பரவி கெடுதல் வேலையை நடத்தும். தன்னைத்தானே காப்பி செய்திடும் வேலையை இந்தச் சொல் குறிக்கிறது.

source:dinamalar

பின்னூட்டமொன்றை இடுக

Filed under Uncategorized

ஆபத்தை முன்கூட்டியே கண்டறியும் கருவி அறி முகம்

ஆபத்தை முன்கூட்டியே கண்டறியும் உபகரணம் அறிமுகம்

300car_3.jpgபாதசாரிகள் மற்றும் முன்னால் வரும் வாகனங்களை இணங்கண்டு கொள்வதுடன் அவை மோதலாம் என்ற நிலையில் அது தொடர்பில் எச்சரிக்கை சமிக்ஞை எழுப்புவது மட்டுமல்லாமல், உடனடியாக தானியங்கி முறையில் நிறுத்திக் கொள்ளவும் கூடிய உபகரணமொன்றினை கார் தயாரிப்பு நிறுவனமான வொல்வோ உருவாக்கியுள்ளது.

இதனை தனது கார்களில் அந்நிறுவனம் பொருத்தியுள்ளது. இதன்போது மேற்கொள்ளப்பட்ட பரிசோதனை நடவடிக்கைகளும் வெற்றியடைந்துள்ளன.

ராடார் மற்றும் கமரா தொழில்நுட்பங்களை பயன்படுத்தி இக்காரானது முன்னால் வரும் வாகனங்கள் மற்றும் பாதசாரிகளை இணங்கண்டு கொள்கின்றது.

அவற்றின் மீது கார் மோதலாம் என்ற நிலையில் எச்சரிக்கை சமிக்ஞை எழுப்படும். அதை சாரதி பொருட்படுத்தாத நிலையில் கார் தானாக நிறுத்தப்படும்.

எனினும் இவ்வுபகரணமானது இரவிலும் மோசமான காலநிலையின் போதும் இயங்காது என வொல்வோ தெரிவிக்கின்றது

source:pathivu

—-
http://thamilislam.tk

பின்னூட்டமொன்றை இடுக

Filed under Uncategorized