Monthly Archives: ஜனவரி 2011

சுவிஸ் வங்கியில் பணம் போட்டவர் லிஸ்ட் : “வ ிக்கிலீக்ஸ்’ வெளியிடும்?

large_168176.jpg

லண்டன் : சுவிட்சர்லாந்து வங்கி ஒன்றின் முன்னாள் பணியாளர் ஒருவர், சுவிஸ் வங்கிகள் சிலவற்றில் ஆசியா, அமெரிக்காவை சேர்ந்தவர்கள் யார் யார் எல்லாம் சட்ட விரோதமாக பணம் சேர்த்து வைத்துள்ளனர் என்பது உள்ளிட்ட பல்வேறு விவரங்களை "விக்கிலீக்ஸ்’ நிறுவனத்திடம் அளித்து விட்டதாக கூறி பரபரப்பை ஏற்படுத்தியுள்ளார். சுவிட்சர்லாந்தின் ஜூரிச் நகரில் இயங்கி வரும் ஜூலியஸ் பார் என்ற வங்கியில் பணியாற்றியவர் ருடால்ப் எல்மர். இவர் கடந்த சில நாட்களுக்கு முன், சுவிஸ் வங்கிகள் பற்றிய பல்வேறு ரகசிய ஆவணங்களை "விக்கிலீக்ஸ்’ நிறுவனத்திடம் ஒப்படைக்கப் போவதாக கூறியிருந்தார். அதன்படி, நேற்று லண்டனில் "பிரன்ட் லைன்’ கிளப்பில், அதன் உரிமையாளரும், "விக்கிலீக்ஸ்’ பிரதிநிதியும், ஜூலியன் அசாஞ்சின் நண்பருமான வாகன் ஸ்மித் முன்னிலையில், அந்த ரகசிய ஆவணங்களை ஒப்படைத்தார்.

அந்த ஆவணங்கள் அனைத்தும் இன்னும் ஓரிரு நாட்களில் "விக்கிலீக்ஸ்’ இணையதளத்தில் வெளியிடப்படும் என்று எதிர்பார்க்கப்படுகிறது. ஆசியா, அமெரிக்கா, பிரிட்டன் நாடுகளை சேர்ந்த கோடீஸ்வரர்கள், தொழிலதிபர்கள், அரசியல்வாதிகள் ஆகிய 40 பேர் சுவிஸ் வங்கிகள் சிலவற்றில் வரி ஏய்ப்பு செய்வதற்காக 2,000 கணக்குகளில் போட்டு வைத்துள்ள பணம் பற்றிய ஆவணங்களை "விக்கிலீக்ஸ்’ நிறுவனத்திடம் ஒப்படைத்ததாக எல்மர் நேற்று அளித்த பேட்டியில் கூறியுள்ளார். வங்கி விதிகளை மீறியதற்காக எல்மர், நாளை, சுவிட்சர்லாந்தில் வழக்கில் ஆஜராக உள்ளார்.

source:dinamalar

பின்னூட்டமொன்றை இடுக

Filed under Uncategorized

கம்ப்யூட்டர் கேள்வி-பதில்

கேள்வி: கூகுள் தளங்களில் தேடுகையில், சில வேளைகளில் நாம் ஏற்கனவே பார்த்த தளத்தைத் தேடுகிறோம். ஆனால் அதே தகவல் இருக்கும் பல தளங்கள் கொண்ட பட்டியல் தருவதால், நாம் தேடும் இணைய தளத்தைப் பெற நேரம் ஆகிறது. ஏற்கனவே பார்த்ததனால், அதனை கூகுள் மெமரியில் வைத்துத் தரும் வசதி உள்ளதா? -ஜி. கோயில் பிச்சை, தேவாரம்
பதில்: கூகுள் நிறுவனத்திற்கு நல்ல பயனுள்ள வேலை தந்திருக்கிறீர்கள். உங்கள் விருப்பத்தை நேரடியாக நிறைவேற்றும் வசதியை கூகுள் இன்னும் தரவில்லை. ஆனால் கூகுள் தளம் மூலம் சென்ற வாரம் சில தகவல்களுக்காக தேடலை மேற்கொண்ட போது, கூகுள் சைட் பிரிவியூ என்ற ஒரு வசதி இருப்பது
தென்பட்டது. தேடல் முடிவுகளை அடுத்து, ஒரு சிறிய லென்ஸ் போல ஐகான் ஒன்று இருந்தது. இதன் பெயர் சர்ச் பிரிவியூ அல்லது சைட் பிரிவியூ. இதன் மூலம் நமக்குக் காட்டப்படும் தளத்தின் முன்னோட்டக் காட்சியினை நாம் பார்க்க முடிகிறது. இதனால், நாம் அந்த தள விளக்கப் பகுதியில் கிளிக் செய்து, தளம் டவுண்லோட் ஆகி, பின்னர் அதனைப் பார்த்து, நாம் தேடுவது அதுதானா என்று அறிய நேரம், இன்டர்நெட் பேண்ட்வித் போன்றவற்றை வீணாக்காமல், தளம் என்னவென்று அறிய முடிகிறது. ஏற்கனவே தளத்தைப் பார்த்து ரசித்துப் பின்னர் அது எங்கே என்று தெரியாமல் தேடுபவர்களுக்கு இந்த வசதி மிகவும் உதவியாக இருக்கும். முன்னோட்டக் காட்சியைப் பார்த்தவுடன், இது தான் தேடப்படும் தளமா என்று முடிவு செய்து திறந்து பார்க்கலாம். அருகில் உள்ள படத்தில் தினமலர் குறித்து தேடிப் பார்த்த பிரிவியூ காட்சியைக் காணலாம்.

கேள்வி: நோட்பேடில் உள்ள டெக்ஸ்ட் பைலை பிரிண்ட் எடுக்க முயற்சிக்கையில், அச்செடுக்க வசதியாக, அதன் மார்ஜின் போன்றவற்றை மாற்றி அமைக்க முடியுமா? ஹெடர் மற்றும் புட்டர் செட் செய்திட வழி உண்டா? -கே. அய்யப்பராஜ், சிவகாசி.
பதில்: இந்த வசதி உள்ளது. மார்ஜின் செட் செய்து, உங்கள் ஹெடர் மற்றும் புட்டர்களை மாற்றலாம். நோட்பேடில் பைல் திறந்து, பின்னர் ஊடிடூஞு/கச்ஞ்ஞு குஞுtதணீ செல்லவும். இங்கு மார்ஜின் போன்றவற்றை நீங்கள் விரும்பும் வகையில் செட் செய்து கொள்ளலாம். இதில் ஹெடர் மற்றும் புட்டர் பாக்ஸ்களில் உள்ள “&f” “Page &p” பார்த்து குழப்பம் அடைய வேண்டாம். – இது பைல் பெயரை அச்சிடுமாறு கூறுகிறது. பைலுக்குப் பெயர் இல்லை என்றால் அப்படியே விட்டுவிடும். d என்று கொடுத்தால் தேதி அச்சிடப்படும். t என்பது நேரத்தை, நம் கம்ப்யூட்டர் கடிகாரத்திலிருந்து பெற்று அச்சிடும். p பக்க எண்ணை அச்சிடும். ஹெடர் மற்றும் புட்டரில் உள்ளவற்றை இடது, வலது மற்றும் நடு என அமைக்க வேண்டுமா? டூ, ணூ, ஞி எனத் தரவும். ஹெடர் மற்றும் புட்டரில் உங்கள் டெக்ஸ்ட்டையும் தரலாம். என்ன! இந்த சின்ன நோட்பேடில் இவ்வளவா என்று பார்க்கிறீர்களா!

கேள்வி: இன்டர்நெட் சைட் ஒன்றைப் பார்த்துக் கொண்டிருக்கையில், அதில் பலூன் டிப் என்று எழுதப்பட்டிருந்தது. அதன் பின் அதனையே பாப் அப் டெஸ்கிரிப்ஷன் என்று போட்டிருந்தது. ஏன் இரண்டு பெயர்? என்ன வித்தியாசம்? -கே. மாலதி, கோயம்புத்தூர்.
பதில்: நீங்கள் குழப்பம் அடைந்த மாதிரி எனக்கும் அனுபவம் ஏற்பட்டது? பலூன் டிப், பாப் அப் டிப், டெஸ்கிரிப்ஷன் டிப், டூல் டிப் எனப் பல சொற்றொடர்களை ஒரே மாதிரியான கம்ப்யூட்டர் வசதிக்கு இடப்படுகிறது. இவை அனைத்தையும் ஸ்கிரீன் டிப் என அழைக்கலாம். ஐகான் ஒன்றில், மவுஸ் கர்சரைக் கொண்டு செல்கையில் இந்த ஸ்கிரீன் டிப் கிடைக்கிறது. அது அந்த ஐகான் குறித்தோ அல்லது ஐகான் காட்டும் புரோகிராம் குறித்தோ இருக்கலாம். மிக விளக்கமாகவோ அல்லது சிறிய அளவில் தனி குறிப்பாகவோ இருக்கலாம்.
நோட்டிபிகேஷன் ஏரியா வில் உள்ள ஐகான்களில் கர்சர் செல்கையில் தரப் படும் டிப்ஸ்களுக்கு பலூன் அல்லது பப்பிள் டிப்ஸ் என்று சொல்கின்றனர். இதில் இரண்டு வகை உள்ளன. ஒரு வகை, அந்த ஐகான் காட்டும் புரோகிராமில் என்ன நடந்து கொண்டிருக்கிறது என்று காட்டும். நெட்வொர்க் செயல்பாடு, வால்யூம் நிலை போன்றவை இதில் அடங்கும். இன்னொரு வகை என்ன புரோகிராமினை அந்த ஐகான் காட்டுகிறது என்று அறிவிக்கும். டெஸ்கிரிப்ஷன் டிப்ஸ் என்பது இந்த ஸ்கிரீன் டிப்கள் அதிகமான தகவலைத் தரும்போது பெறும் பெயர்களாகும். வேர்ட் டாகுமெண்ட் மற்றும் பாடல் பைல்களைக் காட்டுகையில் இந்த டிப் கிடைக்கும். ஸ்டார்ட் மெனுவில் வலது மூலையில் கிடைக்கும் டிப்களை, டூல் டிப் என அழைக்கின்றனர். அவை உங்கள் மவுஸ் கர்சர் எந்த போல்டர் அருகே செல்கின்றன என்று காட்டும்.

கேள்வி: இன்டர்நெட் தளங்களைப் பார்க்கையில் பலவிதமான பிழைச் செய்திகள் கிடைக்கின்றன. பொதுவாக இல்லாமல் எர்ரர் கோட் என்றெல்லாம் வருகிறது. இதற்கான தீர்வுகள் எங்கே கிடைக்கும்? -சா. இளவழகன், பாண்டிச்சேரி. பதில்: இது போன்ற புதுவிதமான எர்ரர் கோட் வருகையில், தளத்தினை மூடி, இன்டர்நெட் இணைப்பினை மீண்டும் உயிர்ப்பித்து, அதே தளத்தைப் பெற்று, மீண்டும் எர்ரர் வருகிறதா எனப் பார்க்கவும். பொதுவாக, இந்த தளங்கள் இயங்கிக் கொண்டிருக்கும் மற்ற தளங்கள் அல்லது புரோகிராம்களுடன் ஏற்படும் குறியீடு மோதல்களால் ஏற்படுபவை. தீர்வுகள் இப்போது இன்டர்நெட்டில் கிடைக்கின்றன. இந்த பிழைச் செய்திகளை அப்படியே காப்பி செய்து, பின்னர் தேடல் இஞ்சின் ஒன்றைத் திறந்து அதில் பேஸ்ட் செய்து என்டர் தட்டவும். உடனே இதே போன்ற பிழைச் செய்தி குறித்து ஏற்கனவே தகவல் மற்றும்
விளக்கங்கள் குறித்து எழுதப்பட்ட தளங்கள் கிடைக்கும். அதில் கூறப்பட்டவை பார்த்து மேற்கொண்டு செயல்படலாம்.

கேள்வி: எனக்கு ஏற்பட்ட சிக்கல் குறித்து என் நண்பர் எழுதுகையில் ‘gpedit.msc’ என்ற பைலைத் திறந்து பார்த்தால், தீர்வு இருக்கலாம் என்று எழுதி உள்ளார். இந்த பைலைத் திறந்து பார்க்கலாமா? -தி. கண்ணப்பன், காரைக்கால்.
பதில்: உங்கள் சிக்கல் என்ன என்று எழுதவில்லையே! உங்கள் சந்தேகம் ‘gpedit.msc’ ’ பைலத் திறந்து பார்க்கலாமா? என்பது தான், இல்லையா? தாராளமாக. ஸ்டார்ட் அழுத்தி வரும் மெனுவில் ரன் கட்டத்தில் இதனை டைப் செய்து என்டர் அழுத்த இந்த பைல் கிடைக்கும். இதில் விண்டோஸ் சிஸ்டம் இயங்கும் பல பிரிவுகள் கிடைக்கும். இதில் சிஸ்டம் இயங்கும் விதத்தினை மாற்றி அமைக்கலாம். எடுத்துக்காட்டாக, நீங்கள் பைல்களை அழிக்கையில், அழிக்கப்படும் பைல் ரீசைக்கிள் பின்னுக்குச் செல்லக் கூடாது என விரும்பினால், இந்த பைலைத் திறந்து, செட்டிங் மாற்றலாம். ஆனால் ஒன்றைக் கவனத்தில் கொள்ள வேண்டும். ஏதாவது எக்குத் தப்பாக எதனையாவது
மாற்றிவிட்டால், கம்ப்யூட்டர் இயங்குவது சிரமப்படலாம். எனவே உங்கள் உள் எச்சரிக்கை சரியானதுதான். கவனத்துடன் பைலைத் திறந்து பாருங்கள்.

கேள்வி: முன்பு ஒருமுறை சிஸ்டம் பற்றி இன்பர்மேஷன் பெற சிஸ்டம் இன்போ (Systeminfo என டைப் செய்து பெறலாம் என்று எழுதியிருந்தீர்கள். நிறைய தகவல்கள் கிடைக்கின்றன. இவற்றை எப்படி ஸ்டோர் செய்வது? -நி.
முத்துகிருஷ்ணன், விழுப்புரம்.
பதில்: நல்ல கேள்வி. அப்போதே இதனை எப்படி சேவ் செய்து வைப்பது எனவும் சொல்லி இருக்கலாம். எழுதினேன் என்று நினைவு. பரவாயில்லை. இதோ அதற்கான வழி. கமாண்ட் ப்ராம்ப்டில்‘systeminfo> info.txt’ என டைப் செய்திடுங்கள். info.txt என்ற பெயரில் அனைத்து தகவல்களும் சேவ் செய்யப்படும். பொறுமையாக அனைத்து தகவல்களையும் படித்துத் தெரிந்து செயல்படலாம்.

கேள்வி: பலர் பிரவுசரை மாற்ற அறிவுரை கூறியும், இன்னும் இன்டர்நெட் எக்ஸ்புளோரர் பதிப்பு 6ஐத்தான் பயன்படுத்துகிறேன். பழகிவிட்டதால், இந்த பிரச்னை. இதில் ஏற்படும் தற்காலிக பைல்களை, பிரவுசரே அழிக்கும் வகையில் செட் செய்திட முடியுமா?
-டி. சிவக்குமார், மதுரை.
பதில்: ஏன் குற்ற உணர்ச்சியுடன் கடிதம் எழுதி உள்ளீர்கள். பிரவுசரை மாற்றி, புதிய இன்டர்நெட் எக்ஸ்புளோரரைப் பயன்படுத்தலாம். இருப்பினும் உங்கள் கேள்விக்கு பதில் தருகிறேன். தற்காலிகப் பைல்களை இன்டர்நெட் எக்ஸ்புளோரர் 6 அழிக்கும். அதற்கான செட்டிங்ஸ் இதோ. பிரவுசரைத் திறக்கவும். பின்னர், Tools / Internet Options… and Advanced எனச் செல்லவும். இதில் கீழாக செக்யூரிட்டி ஏரியா (Security area) என்ற பகுதிக்குச் செல்லவும். Empty Temporary Internet Files folder when browser is closed என்ற இடத்தில் டிக் அடையாளதைதை ஏற்படுத்தவும்.

கேள்வி: என்னுடைய கம்ப்யூட்டரில் மட்டும், இன்டர்நெட் இணைப்பு
ஏற்படுத்துகையில், இணைப்பு உள்ளது என்பதைக் காட்டும் ஐகான்
காட்டப்படவில்லை. நெட்வொர்க் கார்டில் எல்.இ.டி. விளக்கும் தெரியவில்லை. இது எதனால்? வைரஸ் புகுந்ததன் விளைவா?
-மா. நிர்மலா ராஜன், தாம்பரம்.
பதில்: டெஸ்க்டாப்பில் My Network Places மீது ரைட் கிளிக் செய்திடவும். பின்னர் கிடைக்கும் மெனுவில் Properties தேர்ந்தெடுக்கவும். இங்கு உங்கள் லேன் அல்லது டயல் அப் அல்லது பிராட்பேண்ட் ஐகான் மீது ரைட் கிளிக் செய்து கிடைக்கும் மெனுவில் Properties தேர்ந்தெடுக்கவும். இங்கு Show icon in notification area when connected என்ற பெட்டியில் கர்சர் கொண்டு கிளிக் செய்திடவும். இப்போது டாஸ்க் பாரின் வலது பக்கம், இன்டர்நெட்
இணைப்பிற்கான ஐகான் சிறிய விளக்குடன் காட்டப்படும்.

source:dinamalar

பின்னூட்டமொன்றை இடுக

Filed under Uncategorized

தாயின் குரல் மூலம் செயற்படுத்தப்படும் க ுழந்தையின் மூளை

baby.jpgகுழந்தையின் மொழியை கற்றுக்கொள்ளும் மூளையின் பாகம் தாயின் குரல் மூலமே செயற்படுத்தப்படுகின்றது என ஆராய்ச்சியாளர்கள் கண்டுபிடித்துள்ளனர்.

மொன்ட்ரியல் பல்கலைக்கழகத்தினைச் சேர்ந்த ஆராய்ச்சியாளர்களே இவ்வாய்வினை மேற்கொண்டிருந்தனர்.

இவர்களின் ஆய்வின்படி குழந்தைகளின் மூளையின் மொழியை கற்கும் பகுதியானது தாயின் குரலுக்கு மட்டுமே துலங்களைக் காட்டுவதாகவும் மற்றையவர்களின் குரலுக்கு அவ்வாறு காட்டுவதில்லை எனவும் தெரிவிக்கப்படுகின்றது.

இவ்வாய்விற்கு பல குழந்தைகளை உட்படுத்தியதாகவும் அவை உறங்கும்போது அவற்றின் தலைகளுக்கு இலக்ட்ரோட் வழங்கியுள்ளனர்.

இதன் போது குழந்தைகளின் தாய்க்கு அவர்களை ‘ ஹலோ ‘ என மெதுவாக அழைக்கும் படி கூறியுள்ளன.

இதனைத்தொடர்ந்து வேறு பெண்களுக்கும் குழந்தைகளை அவ்வாறு அழைக்கும் படி கூறியுள்ளனர்.

குழந்தையின் தாய் அழைத்த போது குழந்தையின் மூளையின் இடதுபகுதி அதாவது மொழியினை செயற்படுத்தும் பகுதியின் மாற்றங்களை அவதானித்ததாகவும். மற்றையவர்கள் அழைத்தபோது குரல்களை அடையாளங்கண்டு கொள்ளும் மூளையின் வலது பகுதியிலேயே மாற்றங்கள் ஏற்பட்டதாகவும் தெரிவிக்கப்படுகின்றது

source:

பின்னூட்டமொன்றை இடுக

Filed under Uncategorized

3 ஜி கருவி மூலம் டூவீலரில் விபத்துகளை குற ைக்கலாம்: மாணவரின் அரிய கண்டுபிடிப்பு

டூவீலரில் 3 ஜி கருவி மூலம் 80 சத விபத்துகளை குறைக்கலாம்: மாணவரின் அரிய கண்டுபிடிப்பு

large_164251.jpg

விருதுநகர்: விருதுநகரில் நடந்த, 37வது மாநில அளவிலான ஜவகர்லால் நேரு அறிவியல் கண்காட்சியில் இடம் பெற்ற மானாமதுரை மாணவர் மணிகண்டனின் புதிய கண்டுபிடிப்பான "3 ஜி’ வாகன கட்டுப்பாட்டு கருவியால், 80 சதவீத விபத்துகளை குறைக்க முடியும்.

உலகில், ஆண்டுக்கு 12 லட்சம் பேர் சாலை விபத்துகளில் உயிரிழக்கின்றனர். டூவீலர்களால் 75 சதவீத விபத்துகள் அதிகரித்துள்ளன. இதை கட்டுப்படுத்தும் விதமாக, சிவகங்கை மாவட்டம், மானாமதுரை ஓ.வி.சி., மெட்ரிக் பள்ளி மாணவர் வி.ஆர். மணிகண்டன், ஜி.எஸ்.எம்., தொழில்நுட்பத்திலான கருவி மூலம், "3 ஜி’ வாகன கட்டுப்பாட்டு கருவியை கண்டுபிடித்துள்ளார். ஆர்.டி.ஓ., அலுவலகத்தில் டூவீலரை பதிவு செய்யும் போது, அதில் இந்த டிவைஸ் பொருத்தலாம். இதன் விலை 2,200 ரூபாய். இதை பொருத்திய பின், இதற்காக தனி எண் தரப்படும்.வாகனம் திருடு போனால் அதற்குரிய எண்ணை, மொபைல் போன் மூலம் அழைத்தால் வாகனம் நின்று விடும். அதிலிருந்து எச்சரிக்கை ஒலி எழும்பும். வாகனம் இருக்கும் இடத்தை எஸ்.எம்.எஸ்., மூலம் தெரிவிக்கும். மேலும், "ஹெல்மெட்’ அணிந்த பின்பே வாகனத்தை இயக்க முடியும். வாகனம் விபத்துக்குள்ளாகும் போது, சம்பந்தப்பட்ட மொபைல் எண்ணிற்கு இந்த இடத்தில் வாகனம் விபத்துக்குள்ளாகியுள்ளது என எஸ்.எம்.எஸ்., தரும்.சைடு ஸ்டாண்ட் போட்டிருக்கும் போது, டூவீலரை இயக்க முடியாது. குறிப்பிட்ட இடங்களில் இத்தனை கிலோ மீட்டர் வேகத்தில் செல்ல வேண்டும் என்பதை கண்டுபிடிக்கும். "பிரேக் ஷூ’ தேய்ந்து விட்டால், வாகன ஓட்டிகளுக்கு எச்சரிக்கை செய்யும்.

இரவு நேரங்களில் மட்டுமே முகப்பு விளக்குகள் எரியும். பகலில் "ஆன்’ செய்தாலும் எரியாது. "எப்.சி.’ எடுக்க வேண்டிய தேதியை, அறிவுறுத்தும். திருட்டு வாகனங்களோ, ரோடுகளில் தவறு செய்யும் வாகனங்கள் 200 மீட்டரில் வரும் போதே, நெடுஞ்சாலை கண்காணிப்பு போலீசாருக்கு தகவல் தெரிவிக்கும். வாகன "பயோ டேட்டா’ வழங்கும் விதமாக "3 ஜி’ கட்டுப்பாட்டு கருவியை கண்டுபிடித்துள்ள மணிகண்டனுக்கு, விருதுநகரில் நடந்த மாநில அறிவியல் கண்காட்சியில் முதல் பரிசு வழங்கப்பட்டது.

இதுகுறித்து மணிகண்டன் கூறியதாவது: நான் கண்டுபிடித்துள்ள கருவிகளை டூவீலரில் பொருத்தும் போது, ஹெல்மெட் அணியாமல் ஏற்படும் பலியை 95 சதவீதம், விபத்து நடந்த இடத்தை தெரிவிப்பதன் மூலம் பலியை 75 சதவீதம், வேக கட்டுப்பாடு மூலம் 85 சதவீதம், பிரேக் ஷூ, இண்டிகேட்டர், முகப்பு விளக்கு கட்டுப்பாடு, சைடு ஸ்டாண்டு ஆகியவற்றால் ஏற்படும் விபத்துகளை 95 சதவீதம் குறைக்க முடியும். டூவீலர்களால் ஏற்படும் விபத்துகளில் 80 சதவீதத்தை கட்டுப்படுத்த முடியும். இதற்கான தொகை மிகக் குறைவு தான். ஆர்.டி.ஓ., அலுவலகங்களில் வாகனங்களுக்கு, "ஸ்மார்ட் கார்டு’ வழங்குவதற்கு பதிலாக ஜி.எஸ்.எம்., கருவிகளை பயன்படுத்தலாம்.இவ்வாறு மணிகண்டன் கூறினார்

source:dinamalar

பின்னூட்டமொன்றை இடுக

Filed under Uncategorized

மாணவிகள் இறுக்கமான ஜீன்ஸ் அணிய தடை;

ஈரானில் மாணவிகள் இறுக்கமான ஜீன்ஸ் அணிய தடை; உடலில் பச்சை குத்தக் கூடாது
ஈரானில் மாணவிகள் இறுக்கமான ஜீன்ஸ் அணிய தடை; உடலில் பச்சை குத்தக் கூடாது
டெக்ரான், ஜன 12-

ஈரானில் மாணவிகள் இறுக்கமான ஜீன்ஸ் அணிய தடை விதிக்கப்பட்டுள்ளது. முஸ்லிம் நாடான ஈரானில் கல்லூரி மாணவிகள் உடை கட்டுப்பாடுகள் அமல்படுத்தப்பட்டுள்ளது. இஸ்லாமிய முறைப்படி ஆடைகள் அணிய வேண்டும் என்று உத்தரவிடப்பட்டுள்ளது. அதன்படி பல்கலைக் கழகங்களில் படிக்கும் மாணவிகள் இறுக்கமான ஜீன்ஸ் பேண்ட் அணிந்து வரக் கூடாது.

நீளமான நகம் வளர்த்து அவற்றில் சாயம் பூசக் கூடாது. மிகவும் பிரகாசமான வண்ண ஆடைகளை அணியவோ, உடலில் பச்சை குத்தவோ கூடாது என்று அந்நாட்டு அரசு உத்தரவு பிறப்பித்துள்ளது.

மாணவிகளுக்கு மட்டு மின்றி மாணவர்களுக்கும் கட்டுப்பாடுகள் விதிக்கப்பட்டுள்ளன. அதன்படி அவர்கள் தங்கள் தலை முடிகளில் சாயம் பூசக் கூடாது. கண் இமைகளை சரி செய்யக் கூடாது. மாணவிகளை கவரும் வகையில் இறுக்கமான ஆடைகள், சட்டைகள் மற்றும் கையில்லா சட்டைகள், நகைகள் அணியவும் தடை விதிக்கப்பட்டுள்ளது.

இவை தவிர பெண்களுக்கான உடை கட்டுப்பாடுகளும் தற்போது அறிவிக்கப்பட்டுள்ளது. தலையில் துணியின்றி தொப்பி அணிய கூடாது. மேலும் உடல் தெரியும்படி இறுக்கமான மற்றும் குட்டையான ஜீன்ஸ் அணிய கூடாது. நீளமான நகம் வளர்க்கவோ, இறுக்கான ஓவர் கோட் அணியவோ, கண்ணை பறிக்கும் உடைகளை அணியவோ கூடாது. காதுகளில் வளையங்கள் மட்டும் அணியலாம். அவை தவிர ஆடம்பர நகைகளை அணியவும் தடை விதிக்கப்பட்டுள்ளது.

மேற்கத்திய நாடுகளின் கலாசாரம் பரவுதலை தடுக்க ஈரானில் கடந்த 1979-ம் ஆண்டு இஸ்லாமிய சட்டம் நடை முறைப்படுத்தப்பட்டது. இது குறித்து பிரசாரம் செய்யப்பட்டும் வருகிறது. இந்த நிலையில் தற்போது மேலும் சில கட்டுப்பாடுகள் விதிக்கப்பட்டுள்ளது

source:maalaimalar

பின்னூட்டமொன்றை இடுக

Filed under Uncategorized

கம்ப்யூட்டர் கேள்வி-பதில்

E_1294571208.jpeg
கேள்வி: என்ன காரணத்தினாலோ, என்னுடைய கம்ப்யூட்டரில் ஆட்டோ பிளே வேலை செய்யவில்லை. இதனை எப்படி சரி செய்வது? மேலும், என் யு.எஸ்.பி. போர்ட்டில், பிளாஷ் ட்ரைவினைச் செருகியவுடன் அதனைக் கம்ப்யூட்டர் காட்டுகிறது. ஆனால் அதில் உள்ள பைல்களை என்னால் அணுக முடியவில்லை. இதற்குக் காரணம் என்ன? -பா. தாமரைக் கண்ணன், விழுப்புரம்.
பதில்: இதற்கு மிக எளிமையான ஒரு காரணம் உங்கள் கம்ப்யூட்டரில், ஆட்டோ பிளே இயங்கக் கூடாது என செட் செய்யப்பட்டிருக்கலாம். இது மற்ற விஷயங்களை செட் செய்கையில், தவறுதலாகக் கூட ஏற்பட்டிருக் கலாம். பொதுவாக அனைத்து விண்டோஸ் இயக்கங்களிலும், இதனைச் சரி செய்திடும் வழிகள் ஒரே மாதிரியாகத்தான் உள்ளன. உங்கள் சிஸ்டம் எக்ஸ்பி என எழுதி உள்ளதால், அதற்கான வழிகளை இங்கு தருகிறேன். 1. திரையின் இடது மூலையில் உள்ள ஸ்டார்ட் பட்டனைக் கிளிக் செய்திடவும். 2. மை கம்ப்யூட்டர் என்பதில் இருமுறை கிளிக் செய்திடுக. உங்கள் கம்ப்யூட்டரில் உள்ள பல ட்ரைவ்களுக்கான ஐகான்கள் இங்கு காட்டப்படும். 3.இதில் பிளாஷ் ட்ரைவின் ஐகானில் ரைட் கிளிக் செய்திடவும். இப்போது கீழ் விரி மெனு ஒன்று திறக்கப்படும். இங்கு Properties என்பதைத் தேர்ந்தெடுத்துக் கிளிக் செய்திடவும். 4.இந்நிலையில் புதிய விண்டோ ஒன்று காட்டப்படும். இதில் அந்த பிளாஷ் ட்ரைவின் பெயர் மேலாக இருக்கும். விண்டோவின் மேலாக ஐந்து டேப்கள் காட்டப்படும். இந்த டேப்களில்AutoPlay என்று உள்ள டேப்பில் கிளிக் செய்திடவும். இங்கு மியூசிக் பைல், படங்கள், வீடியோ பைல்கள், ஆடியோ வீடியோ பைல்கள், சிடி ஆகியவற்றிற்கான செட்டிங்ஸ் செய்திட இயலும். நீங்கள் எந்த வகை பைலுக்கான செட்டிங்ஸ் சரி செய்திட வேண்டும் என முடிவு செய்து, நீல நிற அம்புக் குறியில் கிளிக் செய்திடவும். பின்னர் கிடைக்கும் பட்டியலில், நீங்கள் செட் செய்திட விரும்பும் பைலைத் தேடி, அதில் செட்டிங்ஸ் மாற்ற வேண்டும். இந்த பைலுக்கான பெயர் இருக்கும் இடத்தில் என்ற லேபிளுடன் ஒரு பாக்ஸ் காணப்படும். இந்த பாக்ஸில் நீங்கள் விரும்பும் பல செயல்பாடுகளை செட் செய்திடலாம். இதில் விரும்பும் செயலை செட் செய்திட Actions Select an action to perform என்று இருப்பதன் பக்கத்தில் இருக்கும் சிறிய வட்டத்தில் செக் செய்திடவும். உடன் இந்த பாக்ஸ் உயிர் பெற்று, பல செயல்களைக் காட்டும். நீங்கள் முடிவு செய்த செயல் பாட்டினைத் தேர்ந்தெடுத்த பின், Apply என்று உள்ள பட்டனில் கிளிக் செய்திடவும். இதே பாக்ஸின் கீழாக உள்ள ஓகே கிளிக் செய்து வெளியேறவும். இப்போது ஆட்டோ பிளே உங்களுடைய பிளாஷ் ட்ரைவிற்கு இயக்கநிலையில் தரப்படுவதற்கான செட்டிங்ஸ் அமைக்கப் பட்டுவிட்டது. விண்டோஸ் அனைத்தையும் மூடி, மீண்டும் விண்டோஸ் இயக்கத்தை உயிர்ப்பிக்கவும்.

கேள்வி: பிடிஎப் பைல் ஒன்றில் சில பக்கங்களை மட்டும் பிரித்தெடுத்து, என் நண்பருக்கு அனுப்ப முயற்சி செய்த போது, அது என் அக்ரோபட் ரீடர் மற்றும் பி.டி.எப். எக்சேஞ் வியூவர் புரோகிராம்களில் செயல்படவில்லை. இதனை எப்படி மேற்கொள்வது என்ற விளக்கம் தரவும். -சோ.கரிகாலன், சென்னை
பதில்: நீங்கள் உங்கள் கம்ப்யூட்டரில் கொண்டிருக்கும், குறிப்பிட்ட புரோகிராம்கள் இரண்டுமே இலவச பதிப்புகளாக இருக்கும். இரண்டிற்கும் அக்ரோபர் ரீடர் புரோ மற்றும் எக்சேஞ் வியூவர் புரோ என மேம்படுத்தப்பட்ட புரோகிராம்கள் உள்ளன. இவற்றைக் கட்டணம் செலுத்திப் பெற்றால், நீங்கள் மேற்கொள்ள திட்டமிடும் பணிகளைச் செயல்படுத்தலாம்.

கேள்வி: யு-ட்யூப் வீடியோ ஒன்றைப் பார்க்கும் முன், அந்த வீடியோவினை எத்தனை பேர் ரசித்துப் பார்த்தனர் என்று எங்கேனும் அறிய முடியுமா? -சி.நரேந்திரன், பழனி.
பதில்: இது குறித்து நான் ஒரு சிறு குறிப்பாக எழுத எண்ணியிருந்தேன். நீங்கள் அதனைச் சார்ந்தே கேள்வி அனுப்பிவிட்டீர்கள். யு-ட்யூப் தளம் சென்று ஏதேனும் ஒரு வீடியோவினைக் கேட்டு வாங்குங்கள். அதன் இயக்கம் துவங்கியவுடன், அதன் கீழாகப் பார்க்கவும். இதுவரை இல்லாத ஒரு பட்டனைப் பார்க்கலாம். இந்த பட்டனின் பெயர்Show video statistics. இதில் கிளிக் செய்தால், ஒரு தகவல் கட்டடமே கிடைக்கிறது. கிடைக்கும் விண்டோவில், அந்த வீடியோவினை அப்லோட் செய்த பின்னர், எத்தனை பேர் பார்த்தார்கள் என்ற தகவல் மட்டுமின்றி, எந்த நாட்டிலிருந்து அதனை அதிகம் பேர் பார்த்தனர் என்ற தகவலும் கிடைக்கிறது. இந்த தகவல் எந்த வீடியோவிற்கும் கிடைக்கிறது. நீங்கள் அப்லோட் செய்த வீடியோவிற்கு மட்டுமல்ல. இங்கு இன்னொன்றையும் நரேந்திரனுக்குச் சொல்ல விரும்புகிறேன். நீங்கள் எத்தனை பேர் ரசித்துப் பார்த்தனர் என்று அறிய வாய்ப்பு உள்ளதா என்று கேட்டிருக்கிறீர்கள். பார்த்தவர்கள் எல்லாம் ரசித்தார்களா என்று பதிய அங்கு இடமில்லை.

கேள்வி: என் போட்டோக்களைப் போட்டு வைத்து பார்க்க பிகாசா தளத்தினைப் பயன்படுத்துகிறேன். சில நாட்களாக, விண்டோஸ் போட்டோ காலரியின் வழியே இவற்றைப் பார்க்கையில், ஒரு மாதிரியான பிரவுண் கலர் டின்ட் தெரிகிறது. இது ஏற்பட, ஆப்பரேட்டிங் சிஸ்டம் காரணமா, அல்லது வேறு அப்ளிகேஷன் காரணமா?
-டி. ஜெயசீலன், கோயம்புத்தூர்.
பதில்: போட்டோக்களைப் பார்க்கையில், பிரவுண் கலர் டின்ட் கிடைக்கிறது என எல்.சி.டி. மானிட்டர்களைப் பயன்படுத்துபவர்கள் பலர் கூறி வருகின்றனர்.இது விஸ்டா அல்லது விண்டோஸ் 7 பயன்படுத்தினால் வருகிறது. ஆனால் காரணம் மானிட்டர் தான். இதற்காக நாம் மீண்டும் பழைய சி.ஆர்.டி. மானிட்டருக்குத் திரும்ப முடியாது. கீழ்க்காணும் வழிகளைப் பயன்படுத்திப் பார்க்கவும். நீங்கள் விண்டோஸ் 7 பயன்படுத்துவதாக இருந்தால், கண்ட்ரோல் பேனல் செல்லவும். அங்கு View by என்பதில் கிளிக் செய்திடவும். மெனு ஒன்று கிடைக்கும். இதில் பார்ப்பதற்கு Small Icons என்பதனைத் தேர்ந்தெடுக்கவும். ஐகான்கள் சிறியதாக மாறியவுடன், அங்கு Color Management என ஒரு ஐகான் இருப்பதனைக் காணவும். இதனைக் கிளிக் செய்தால் விண்டோ ஒன்று கிடைக்கும். மேலாக பல டேப்கள் கிடைக்கும். Devices என்ற டேப்பினைத் தேர்ந்தெடுக்கவும். பின்னர் Device என்பதனை அடுத்து கிடைக்கும் கீழ் விரி மெனுவில் உங்கள் மானிட்டரைத் தேர்ந்தெடுக்கவும். இதனைத் தேர்ந்தெடுத்த பின்னர் Use my settings for this device. என்ற பாக்ஸில் டிக் செய்திடவும். அடுத்து, இடது கீழாக இருக்கின்ற, Add என்ற பட்டனில் கிளிக் செய்திடவும். உடன் பல புரபைல் (profile) இருக்கின்ற ஒரு விண்டோ கிடைக்கும். இதில் SRGB IEC619662.1 என்று இருக்கும் புரபைலைத் தேர்ந்தெடுத்து கிளிக் செய்து, ஓகே தட்டி வெளியேறவும். இதனை டிபால்ட் (Default) ஆக, மாறா நிலையில் அமைக்க, Color Management விண்டோவின் வலது பக்கம் உள்ள Set as Default Profile என்ற பட்டனைத் தேர்ந்தெடுத்து கிளிக் செய்திடவும்.

கேள்வி: ஆன்லைனில் டிக்ஷனரி இருக்கிறது. யு-ட்யூப் வீடியோ தளம் உள்ளது. எங்கேனும் சொல்லுக்கு ஆசிரியர் பொருள் விளக்கும் வகையில் வீடியோ டிக்ஷனரி உள்ளதா? -சந்தனா பாரதி, சென்னை.
பதில்: ஆஹா! என்ன ஆசை. உங்கள் விருப்பங்களை நிறைவேற்ற ஏதேனும் டிக்ஷனரி உள்ளதா என்று ஏறத்தாழ 40 நிமிடங்கள் இணைய வெளியில் தேடி, இறுதியில் கண்டுபிடித்தேன். இந்த தள முகவரி http://www.wordia.com. இந்த தளத்திற்குச் செல்லுங்கள். இங்கு Search the visual Dictionary என்று இருக்கும் இடத்தில், நீங்கள் தேடும் சொல்லை டைப் செய்திடுங்கள். அடுத்து பக்கத்தில் கிடைக்கும் திரையில், அதற்கான பொருளும், விளக்கமும் வீடியோவில் கிடைக்கும். மேலும் சொல்லுக்கான கேம்ஸ் வசதியும் தரப்பட்டுள்ளது. தினந்தோறும் ஒரு சொல்லுக்கான வீடியோ ஒன்று Latest word என்று காட்டப்படுகிறது. கூடுதலாக, Top Videos என்பதில் கிளிக் செய்தால், பிரபலமான டிக்ஷனரி வீடியோ காட்டப்படுகிறது. சற்றுப் புதுமையான ஆன்லைன் டிக்ஷனரி இது. இதில் ஒரு லட்சத்திற்கும் மேலாக சொற்கள் இருப்பதாக இதில் குறிப்பு உள்ளது. மேலும் வேறு மொழிகளுக்கு இதே போல் டிக்ஷனரி தயாரிக்க விரும்புபவர்கள், இந்த தளம் அமைத்தவர்களைத் தொடர்பு கொள்ளுமாறு கேட்டுக் கொள்ளப் பட்டுள்ளது. அருமையான தகவலைத் தேடிப் பிடித்துத் தரும் வகையில் கேள்வி கேட்ட சந்தான பாரதிக்கு நன்றி.

கேள்வி: கிரே மார்க்கட் கம்ப்யூட்டர் எனப்படும் அசெம்பிள்டு கம்ப்யூட்டரை ஏன் வாங்கக் கூடாது என்று சொல்கிறீர்கள். பலர் அப்படித்தானே வாங்குகிறார்கள். விலையும் குறைவாக இருக்கிறதே? -டி.எஸ். பரசுராமன், திண்டுக்கல்.
பதில்: பல காரணங்கள் உள்ளன. சரியான வாரண்டி கிடைக்காது. ரிப்பேர் வருகையில் தனி நபர் உங்களுக்கு உதவ மாட்டார். இணைக்கப்படும் ஹார்ட் டிஸ்க், ப்ராசசர் மற்றும் பிற சாதனங்கள் தரமற்றதாக, போலியாக இருக்கும். இதனால் விரைவிலேயே இவை தங்கள் திறனை இழக்கும். உங்களுக்கு அசெம்பிள் செய்து கொடுக்கும் நபர் என்னதான் உறுதி அளித்தாலும் அவர் அந்த சாதனங்களை வாங்குவதில், ஏமாற்றப்படவில்லை என்பதற்கு என்ன உத்தரவாதம்? மேலும் இதற்கு வரி இருக்காது. அப்படியே நீங்கள் செலுத்துவதாக பில்லில் இருந்தாலும், அது அரசுக்குப் போய்ச் சேராது. மிஞ்சி மிஞ்சிப் போனால் ரூ.5,000 வரை நீங்கள் மிச்சம் செய்திடலாம். ஆனால் பின்னர் வரும் பழுது பார்ப்பிற்கு நீங்கள் ரூ.8,000 முதல் ரூ.10,000 வரை செலவழிக்க வேண்டும். எனவே அசெம்பிள்டு கம்ப்யூட்டரை வாங்குவது குறித்து நன்கு சிந்திக்கவும்.

source:dinamalar

பின்னூட்டமொன்றை இடுக

Filed under Uncategorized

கம்ப்யூட்டர் பைல் வகைகள்

E_1292826689.jpeg

கம்ப்யூட்டரில் பல வகை பைல்கள் உருவாக்கப்பட்டு பயன்படுத்தப்படுகின்றன. ஒரு சிலவற்றையே நாம் அடிக்கடி பயன்படுத்துகிறோம். இதனால் தான் நம் நண்பர்கள் இமெயில் மூலமாக ஏதெனும் ஒரு பைல் அனுப்புகையிலும் வெப் தளங்களில் இருந்து ஒரு பைலை இறக்கிய சூழ்நிலையிலும் அந்த பைல் வகை என்ன? அது எதற்குப் பயன்படுகிறது? எந்த அப்ளிகேஷனில் அவற்றைத் திறந்து பயன்படுத்தலாம் போன்ற கேள்விகளுக்குப் பதில் இன்றி தேடுகிறோம். இங்கு சில முக்கிய பைல் வகைகள் அவற்றின் துணைப் பெயர் களுடன் தரப்படுகின்றன. பொதுவாக அவற்றைத் திறக்கும் அப்ளிகேஷன் பெயரும் உடன் தரப்படுகிறது.
.avi வீடியோ பைல். விண்டோஸ் மீடியா பிளேயர்
.bmp பட பைல். பெயின்ட் மற்றும் அடோப் போட்டோ ஷாப் போன்ற படங்களைக் கையாளும் அப்ளிகேஷன்களில் திறந்து பயன்படுத்தலாம்.
.cfg கான்பிகரேஷன் பைல். இதனைத் திறந்து பயன்படுத்தக் கூடாது.
.dat டேட்டா அடங்கிய தகவல் பைல். டேட்டாவினைக் கையாளும் எந்த ஒரு அப்ளிகேஷனிலும் இதனைத் திறக்கலாம்.
.doc டாகுமெண்ட் பைல். வேர்ட் தொகுப்பில் திறந்து பயன்படுத்தலாம்.
.exe எக்ஸிகியூட்டபிள் பைல். புரோகிராம் ஒன்றின் முதன்மையான பைல். இதில் டபுள் கிளிக் செய்தால் அந்த புரோகிராம் இயங்கும்.
.gif பட பைல். பெயின்ட் மற்றும் அடோப் போட்டோ ஷாப் போன்ற படங்களைக் கையாளும் அப்ளிகேஷன்களில் திறந்து பயன்படுத்தலாம்.
.htm இணைய தளத்தில் வைக்கப்படும் டாகுமெண்ட். இன்டர்நெட் எக்ஸ்புளோரர் உட்பட எந்த பிரவுசரிலும் இதனைத் திறந்து பயன்படுத்தலாம்.
.html இணைய தளத்தில் வைக்கப்படும் டாகுமெண்ட். இன்டர்நெட் எக்ஸ்புளோரர் உட்பட எந்த பிரவுசரிலும் இதனைத் திறந்து பயன்படுத்தலாம்.
.ini – டெக்ஸ்ட் கான்பிகர் செய்யக் கூடிய பைல். நோட்பேடில் திறக்கலாம்.
.jpeg/jpg பட பைல். பெயின்ட் மற்றும் அடோப் போட்டோ ஷாப் போன்ற படங்களைக் கையாளும் அப்ளிகேஷன்களில் திறந்து பயன்படுத்தலாம்.
.mov மூவி பைல். குயிக் டைம் அப்ளிகேஷனில் திறக்கலாம்.
.mpeg/mpg வீடியோ பைல். குயிக் டைம் மற்றும் விண் ஆம்ப் புரோகிராம்களில் திறக்கலாம்.
.mp3 ஆடியோ பைல் விண்டோஸ் மீடியா பிளேயர் மற்றும் விண் ஆம்ப் போன்ற அப்ளிகேஷன்களில் திறக்கலாம்.
.pdf போர்ட்டபிள் டாகுமெண்ட் பைல். அடோப் ரீடர் போன்ற பி.டி.எப். பைல்களைத் திறக்கும் எந்த சாப்ட்வேர் புரோகிராமிலும் திறக்கலாம்.
.pps ஸ்லைட் ÷ஷா பிரசன்டேஷன் பைல். பவர் பாய்ண்ட் புரோகிராமில் திறக்கலாம்.
.ppt – ஸ்லைட் ÷ஷா பிரசன்டேஷன் பைல். பவர் பாய்ண்ட் புரோகிராமில் திறக்கலாம்.
.sys சிஸ்டம் பைல். திறக்க வேண்டாமே.
.txt டெக்ஸ்ட் பைல். நோட்பேடில் திறக்கலாம்.
.wav ஆடியோ பைல். விண்டோஸ் மீடியா பிளேயர் மற்றும் விண் ஆம்ப் போன்ற ஆடியோ புரோகிராம் களில் திறந்து பயன்படுத்தலாம்.
.xls ஸ்ப்ரெட் ஷீட் பைல். எக்ஸெல் தொகுப்பில் பயன்படுத்தலாம்.
.zip சுருக்கப்பட்ட பைல். விண்ஸிப் புரோகிராம் பைல்களை விரித்துக் கொடுக்கும்.

source:dinamalar

பின்னூட்டமொன்றை இடுக

Filed under Uncategorized

வித்தியாசமான விழாவில் சீன அறிஞருக்கு நோப ல் பரிசு

ஆஸ்லோ : சீனாவின் கடும் எதிர்ப்புக்கும், கோபத்துக்கும் இடையில் நேற்று நார்வே தலைநகர் ஆஸ்லோவில், சீன அறிஞர் லியு ஷியாபோவுக்கு(54) நோபல் பரிசு வழங்கப்பட்டது. சிறையில் இருக்கும் அவரைக் குறிப்பிடும் விதத்தில், மேடையில் வைக்கப்பட்டிருந்த காலியான நாற்காலி ஒன்றில் நோபல் விருது வைக்கப்பட்டது.

சீனாவைச் சேர்ந்த பேராசிரியரும், மனித உரிமைப் போராளியும், இலக்கியப் படைப்பாளியுமான லியு ஷியாபோவுக்கு, சர்வதேச மனித உரிமை நாளான நேற்று, நார்வே தலைநகர் ஆஸ்லோவில் நோபல் பரிசு வழங்கப்பட்டது. விழாவில் கலந்து கொள்ள, மொத்தம் 66 நாடுகளுக்கு நோபல் பரிசு கமிட்டி அழைப்பு விடுத்திருந்தது. லியுவுக்கு நோபல் பரிசு அறிவிக்கப்பட்டதில் இருந்தே அதை கடுமையாக எதிர்த்து வரும் சீனா, இவ்விழாவில் கலந்து கொண்டால் கடுமையான விளைவுகளை சந்திக்க வேண்டி வரும் என எச்சரிக்கை விடுத்திருந்தது. சீன எச்சரிக்கையையும் மீறி, இந்நிகழ்ச்சியில் இந்தியா, அமெரிக்கா, பிரிட்டன், பிரான்ஸ் உள்ளிட்ட 45 நாடுகள் கலந்து கொண்டன. ஆனால், ரஷ்யா, பாகிஸ்தான், ஆப்கானிஸ்தான் உள்ளிட்ட 21 நாடுகள் கலந்து கொள்ளவில்லை. “இவ்விழா, சீன – இந்திய உறவு தொடர்பானதல்ல. இது நோபல் அறக்கட்டளையால் ஏற்பாடு செய்யப்பட்டுள்ள விழா. இவ்விழாவில் கலந்து கொள்ளும் முடிவு ஏற்கனவே எடுக்கப்பட்டு விட்டது’ என்று இந்திய வெளியுறவு அமைச்சர் எஸ்.எம்.கிருஷ்ணா விளக்கம் அளித்திருந்தார்.

பல்வேறு நாடுகளின் தூதர்கள், சீனாவால் நாடு கடத்தப்பட்ட சீன பிரமுகர்கள், நார்வே நாட்டு பிரமுகர்கள் மற்றும் பல உயரதிகாரிகள் ஆகியோர் கலந்து கொண்டனர். விழா மேடையில் முக்கியப் பிரமுகர்களுக்கான நாற்காலிகள் போடப்பட்டிருந்தன. அவற்றோடு, லியுவை அடையாளப்படுத்தும் விதத்தில் ஒரு காலி நாற்காலியும் வைக்கப்பட்டது. “லியு நோபல் பரிசு பெறுகிறார்’ என்று நோபல் பரிசு கமிட்டி தலைவர் தோப்ஜோர்ன் ஜேக்லேண்ட் அறிவித்தவுடன், சபையில் எழுந்த கரவொலி அடங்க சில நிமிடங்களாயின.

*விழாவில் பேசிய ஜேக்லேண்ட் கூறியதாவது*: இந்தப் பரிசு, சீனாவுக்கு எதிரானதல்ல. யாரையும் புண்படுத்துவது என்பது கமிட்டியின் நோக்கமும் அல்ல. மனித உரிமைகளுக்காக அகிம்சை வழிப் போராட்டத்தின் சின்னமாக லியு விளங்குகிறார். அவர் எவ்விதத் தவறும் செய்யவில்லை. அவரை விடுவிக்க வேண்டும். விமர்சனத்தை எதிர்கொள்ளும் பக்குவத்திற்கு சீனா வர வேண்டும். லியுவை சீனா விடுவிக்காததில் இருந்தே இந்தப் பரிசு அவருக்குப் பொருத்தமானது தான் என்பது வெளியாகியுள்ளது. இவ்வாறு ஜேக்லேண்ட் கூறினார். பின், நோபல் பரிசை லியுவுக்கான நாற்காலியில் ஜேக்லேண்ட் வைத்தார்.

*சீனாவின் சிம்ம சொப்பனம்*

** *1954, டிசம்பர் 28ம் தேதி, சாங்சுன் என்ற நகரில் பிறந்தார் லியு ஷியாபோ. லியு என்பது குடும்பப் பெயர்.

*** இவர் 1988ல் சீன இலக்கியத்தில் பிஎச்.டி., பட்டம் பெற்றார்.

** *சீனத் தத்துவ அறிஞரான லி ஜிஹோ பற்றி இவர் எழுதிய முதல் புத்தகம், இவரை பிரபலப்படுத்தியது.

** *1988, 89ம் ஆண்டுகளில், கொலம்பியா, ஆஸ்லோ, ஹவாய் பல்கலைகளில் சிறப்பு வருகைப் பேராசிரியராக பணியாற்றினார்.

** *1989ல் தியானன்மென் சதுக்கப் போராட்டம் துவங்கிய காலத்தில் அமெரிக்காவில் இருந்த இவர், உடனே சீனாவுக்குத் திரும்பி போராட்டத்தில் கலந்து கொண்டார்.

*** அரசுக்கு எதிராகச் செயல்பட்டதாக மூன்றாண்டுகள் சிறைத் தண்டனை பெற்றார்.

** *1996ல் மீண்டும் மூன்றாண்டு சிறை. இம்முறை, சீனாவின் மிகக் கொடூரமான “மறுகற்பித்தல்’ சிறைக்கு அனுப்பப்பட்டார். இதே ஆண்டில் தான் லியு ஷியாவை மணந்தார்.

*** சர்வதேச மனித உரிமை பிரகடனத்தின் 60வது ஆண்டு நாளான, 2008, டிசம்பர் 10ம் தேதி, சீனாவின் கம்யூனிச ரீதியிலான ஒரு கட்சி ஆட்சி முறையை நீக்கிவிட்டு, ஜனநாயக முறையிலான பல கட்சி ஆட்சி முறையை அமல்படுத்த வேண்டும் எனக் கோரி, “சார்ட்டர் 08′ என்ற புதிய அரசியல் சாசனத்துக்கான அறிக்கையை வெளியிட்டார்.

** *இதில், சீனப் பிரபலங்கள் 300 பேர் கையெழுத்திட்டனர். அதிகாரப்பூர்வமாக இந்த அறிக்கையை வெளியிடுவதற்கு இரண்டு நாள் முன்பு, 2008, டிசம்பர் 8ம் தேதி லியு கைது செய்யப்பட்டார். தொடர்ந்து தனிமைச் சிறையில் வைக்கப்பட்டார்.

** *விசாரணை தொடர்ந்தது. 2009, டிசம்பர் 25ல் லியுவுக்கு 11 ஆண்டுகள் சிறைத் தண்டனை விதிக்கப்பட்டது.

** *கடந்த 2010, அக்டோபர் 8ம் தேதி நோபல் பரிசு கமிட்டி, லியுவுக்கு நோபல் பரிசு வழங்கப்படும் என அறிவித்தது.

source:dinamalar

பின்னூட்டமொன்றை இடுக

Filed under Uncategorized

கம்ப்யூட்டர் சிஸ்டம் எது ?

நண்பர் ஒருவரிடம் இருந்து கம்ப்யூட்டர் வாங்கிய மேட்டுப் பாளையம் வாசகர் ஒருவர், அதில் விண்டோஸ் எக்ஸ்பி உள்ளது என்றும், அதன் பதிப்பு மற்றும் அதில் அப்டேட் செய்யப்பட்ட சர்வீஸ் பேக் குறித்து நண்பருக்குத் தெரியவில்லை என்றும் கூறி, அதனை எப்படித் தெரிந்து கொள்வது எவ்வாறு என்றும் கேட்டுள்ளார். இதே சந்தேகத்தினைப் பல வாசகர்கள் வெவ்வேறு சூழ்நிலையில் நமக்கு எழுதி உள்ளனர்.

இது சற்று சிக்கலான நிலை தான். கம்ப்யூட்டர் ஒன்றின் அடிப்படையான விஷயம் அதன் சிஸ்டம் தான். அந்த சிஸ்டமும் எந்த பதிப்பு என்று அறிய முடியாமல் இருப்பது துரதிர்ஷ்டம் ஆகும். சிஸ்டத்தின் எந்த பதிப்பு மற்றும் சர்வீஸ் பேக் தெரிந்தால் தான், அதில் என்ன என்ன புரோகிராம்களைப் பதியலாம் என்று நம்மால் ஒரு முடிவிற்கு வர முடியும். இதனை கம்ப்யூட்டரை இயக்கி நம்மால் தெரிந்து கொள்ள முடியும்.

விண்டோஸ் கீயை அழுத்தி, உடன் ‘R’ கீயை அழுத்துங்கள். இது உங்கள் கர்சரை ரன் கட்டத்தில் கொண்டு நிறுத்தும். அதில் ‘winver’ என டைப் செய்து என்டர் தட்டவும். உடனே சிறிய விண்டோ ஒன்றில், சிஸ்டத்தின் பெயர் பெரிய எழுத்தில்,மைக்ரோசாப்ட் இலச்சினை யுடன் காட்டப்படும். கீழாக அதன் பதிப்பு எண் தரப்படும். இணைந்த வாறே பில்ட் எண் மற்றும் சர்வீஸ் பேக் எண் அடைப்புக் குறிகளுக்குள் காட்டப்படும். கீழாக, யாருக்கு, எந்த நிறுனத்தின் பெயரில், விண்டோஸ் எக்ஸ்பி ஆப்பரேட்டிங் சிஸ்டம் பயன்படுத்த உரிமம் தரப்பட்டுள்ளது என்ற விபரமும் காட்டப்படும். இது விஸ்டா, விண்டோஸ் 7 போன்ற சிஸ்டங்களில் சிறிது மாற்றத்துடன் தெரியும். இதே தகவலை வேறு வழியிலும் பெறலாம்.My Computer ஐகானில் ரைட் கிளிக் செய்திடவும். கிடைக்கும் மெனுவில் Properties கிளிக் செய்திடவும். இனி கிடைக்கும் விண்டோவில் உள்ள டேப்களில், ஜெனரல் டேப்பில் கிளிக் செய்தால், அதில் கம்ப்யூட்டர் சிஸ்டம் குறித்த தகவல் கிடைக்கும். ஆனால், இந்த விண்டோ தகவல்கள் தரும் வகை சற்று வித்தியாசமாக இருக்கும். அடிப்படையில் அவை ஒன்றுதான். இதே போல விஸ்டா மற்றும் விண்டோஸ் 7 தொகுப்புகள் உள்ள கம்ப்யூட்டரில், ஸ்டார்ட் பட்டன் கிளிக் செய்து, கம்ப்யூட்டர் என்பதில் ரைட்கிளிக் செய்திடவும். பின்னர் கிடைக்கும் மெனுவில் ப்ராப்பர்ட்டீஸ் தேர்ந்தெடுத்தால், அதில் சிஸ்டம் குறித்த தகவல்கள் கிடைக்கும். இரண்டு வழிகளிலும் சிஸ்டம் சார்ந்த தகவல்கள் கிடைக்கும்

source:dinamalar

பின்னூட்டமொன்றை இடுக

Filed under Uncategorized

வேர்ட் 2007ல் ஷார்ட்கட் கீகளின் தனித் தோற்ற ம்

ஆபீஸ் 2007ல் உள்ள வேர்ட் தொகுப்பில் கிடைக்கும் ஷார்ட் கட் கீ தொகுப்புகள், முன்பு வந்த வேர்ட் 2003 மற்றும் வேர்ட் 2000 ஆகியதொகுப்புகளில் உள்ளது போலவே இருக்கின்றன. ஆனால் இதில் ஒரு சிறப்பான தோற்றம் உள்ளது. முந்தைய வேர்ட் தொகுப்புகளில், நீங்கள் ஷார்ட் கட் கீ தொகுப்புகளை நன்கு அறிந்திருக்க வேண்டும். எடுத்துக் காட்டாக, கண்ட்ரோல்+பி (Ctrl+B) அழுத்தினால் எழுத்துக்களை போல்ட் செய்திட, கண்ட்ரோல் + சி (Ctrl+C)அழுத்தினால் காப்பி செய்திட என்பவற்றை மனதில் வைத்துப் பயன்படுத்துவோம். வேர்ட் 2007 பதிப்பில் இந்த மனப்பாட வேலை எல்லாம் தேவை இல்லை. இவை அனைத்தும் வேகமாகத் திரையில் காட்டப்படுகின்றன. ஆல்ட் மற்றும் பிற தொகுப்பு முன் கீயினை அழுத்துகையில் இந்த எழுத்துக்கான கீயுடன் இணைந்த மற்ற எழுத்துக்களின் இணைப்புடன் அவற்றில் மேற்கொள்ளப்படும் செயல் முறையும் காட்டப்படுகின்றன. எடுத்துக் காட்டாக, ஆல்ட் (Alt) கீயினை அழுத்தினால், டூல்பார் பட்டன்களுக்கு மேலாக இந்த செயல்முறைகள் தோன்றும்.
AltF = Office Button
Alt1 = Save
Alt2 = Undo
Alt3 = Redo
AltH = Home
AltN = Insert tab
AltP = Page Layout tab
AltS = References tab
AltM = Mailings tab
AltR =Review tab
AltV =View tab
AltL = Developer tab
இதே போல மற்ற கீகளுக்குமான செயல்முறைகளை, அந்த அந்த கீ அழுத்திக் காணலாம்.

source:dinamalar

பின்னூட்டமொன்றை இடுக

Filed under Uncategorized