Monthly Archives: செப்ரெம்பர் 2010

இந்த வார டவுண்லோட் – லேப்டாப் டச்பேட்

E_1284978053.jpeg

லேப்டாப்பில் கீ போர்டினைப் பயன்படுத்து பவர்களுக்கு அடிக்கடி எழும் பிரச்னை, அவர்கள் விரல் அல்லது கைகளின் அடிப்புறம், டச்பேடில் தாங்கள் அறியாமலே அழுத்தப்பட்டு, டெக்ஸ்ட் கர்சர் இழுத்துச் செல்லப்படுவதுதான். சில லேப்டாப்களில், டச்பேட் அருகேயே ஒரு சிறிய ஸ்விட்ச் தரப்பட்டு, அதனை இயக்கினால், டச்பேட் இயக்கம் நிறுத்து வகையில் அமைக்கப் பட்டிருக்கும். ஆனால் பல லேப்டாப் மாடல்களில் இந்த ஸ்விட்ச் தரப்பட்டி ருக்காது. இதற்கு சாப்ட்வேர் புரோகிராம்கள் தயாரிக்கப்பட்டு வழங்கப்படுகின்றன. அவை குறித்து ஏற்கனவே இந்த பகுதியில் எழுதப்பட்டுள்ளது. மேலும் ஒரு புரோகிராம் இணைய தளத்தில் அண்மையில் வெளியிடப்பட்டுள்ளது. அதன் பெயர் டச்பேட் பால் (Touchpad Pal) இது டச்பேடைத் தற்காலிகமாக நிறுத்திவைக்கும் பணியினைச் சிறப்பாக மேற்கொள்கிறது. இதனை இன்ஸ்டால் செய்து இயக்கிவிட்டால், டெக்ஸ்ட்டினை கீ போர்ட் மூலம் உள்ளிடுகையில், தானாகவே டச்பேடின் இயக்கத்தினை நிறுத்திவிடுகிறது. இதனால், டச்பேடில் நம்மை அறியாமலேயே விரல்கள் பட்டு, கர்சர் இழுத்தடிக்கப்படுவது நடைபெறுவதில்லை. இந்த மாற்றத்தினை, இந்த புரோகிராம், சிஸ்டம் ட்ரேயில் தெரிவிக்கிறது. டச்பால் புரோகிராமினை விண்டோஸ் 16 மற்றும் 32 பிட் சிஸ்டம் புரோகிராம்களில் இன்ஸ்டால் செய்து பயன்படுத்தலாம். விண்டோஸ் விஸ்டா மற்றும் விண்டோஸ் 7 தொகுப்புகளிலும் இயங்குகிறது. மெமரியில் 10 எம்பி இடத்தை மட்டுமே எடுத்துக் கொள்கிறது. இதனை இலவசமாகப் பெறhttp://tpp.desofto.com/ என்ற முகவரியில் உள்ள தளத்திற்குச் செல்லவும்

source:dinamalar

பின்னூட்டமொன்றை இடுக

Filed under Uncategorized

விண்வெளியில் உங்களின் “முகம்’ மிதக்க ஆசைய ா?

large_88299.jpg

விண்வெளியில் தங்கள் புகைப்படம் மிதக்க வேண்டும் என்று ஆசைப்படுபவர்களுக்காக, ஒரு புதிய திட்டத்தை அமெரிக்க விண்வெளி ஆய்வு நிறுவனமான "நாசா’ அறிவித்துள்ளது. இத்திட்டத்தின் கீழ், புகைப்படத்தை மட்டுமல்லாமல், பெயரையும் விண்வெளியில் மிதக்க விட முடியும்.

விண்வெளி வீரர்கள் போல, விண்வெளியில் பறக்க வேண்டும் என்று ஆசைப்படுபவர்களுக்காக, ஒரு "விண்வெளி சுற்றுலா’ திட்டத்தை வெளிநாடுகளில், பல்வேறு நிறுவனங்கள் அறிவித்துள்ளன. இந்த விண்வெளி சுற்றுலா திட்டம், வரும் 2012ம் ஆண்டு முதல் செயல்படுத்த தேவையான பணிகள் தற்போது நடந்து வருகின்றன. ஆனால், சாமான்யர்கள் இச்சுற்றுலாவில் தற்போது பங்கேற்க முடியாது. காரணம், இதற்கு நிர்ணயிக்கப்பட்டுள்ள அதிகமான கட்டணம் தான்.அமெரிக்காவைச் சேர்ந்த ஒரு நிறுவனம் விண்வெளிச் சுற்றுலாவிற்கு 90 லட்ச ரூபாய் கட்டணமாக அறிவித்துள்ளது. இதற்கு சம்மதித்து, கிட்டத்தட்ட 300 பேர் முன் பணம் கட்டியுள்ளனர்.

இந்நிலையில், விண்வெளிக்கு பறக்க முடியாவிட்டாலும் பரவாயில்லை, நமது முகமாவது பறந்தால் போதும் என்று நினைப்பவர்களுக்காக ஒரு புதிய திட்டத்தை அமெரிக்க விண்வெளி ஆய்வு நிறுவனமான நாசா அறிமுகப்படுத்தியுள்ளது."பேஸ் இன் ஸ்பேஸ்’ என்று பெயரிடப்பட்டுள்ள இத்திட்டத்தின் கீழ், ஒருவர் தனது புகைப்படத்தையோ அல்லது பெயரையோ விண்வெளியில் பறக்க விட முடியும். இத்திட்டத்திற்காக, "பேஸ் இன் ஸ்பேஸ்’ என்ற பெயரில் ஒரு இணையதளம் துவக்கப்பட்டுள்ளது. தங்களின் புகைப்படத்தை விண்வெளிக்கு அனுப்ப விரும்புபவர்கள், அதை இந்த இணையதளத்தில் "அப்லோடு’ செய்ய வேண்டும்.இவ்வாறு அனுப்பி வைக்கப்படும் புகைப்படங்கள் மற்றும் பெயர்களை, விண்வெளிக்கு கொண்டு செல்ல டிஸ்கவரி எஸ்.டி.எஸ்.,-133 மற்றும் எண்டோவர் எஸ்.டி.எஸ்., – 134 என்ற இரண்டு விண்வெளி ஓடங்கள் பயன்படுத்தப்படும்.

"பேஸ் இன் ஸ்பேஸ்’ திட்டம் குறித்து, திட்ட மேலாளர் ஜான்ஷான்னான் கூறுகையில், "இத்திட்டம் பொதுமக்களுக்காக கொண்டு வரப்பட்டுள்ளது. பொதுமக்களின் புகைப்படங்கள் மற்றும் பெயர்களை விண்வெளி வீரர்கள் கொண்டு சென்று, பூமியின் வட்டப்பாதையில் மிதக்க விடுவார்கள். விண்வெளியில் இருந்து ஓடம் திரும்பியதும், விண்வெளிக்கு சென்று வந்த கமாண்டரின் கையெழுத்துடன் ஒரு நினைவுச் சான்று இன்டர்நெட் மூலம் அனுப்பி வைக்கப்படும். இத்திட்டத்தின் மூலம், புகைப்படம் அனுப்பியவர் தனது புகைப்படம் விண்வெளியில் மிதந்து கொண்டிருக்கிறது என்ற இனிய நினைவுகளை பெற முடியும். அவர் மறைந்தாலும், அவரது புகைப்படம் நீண்ட காலத்திற்கு விண்வெளியில் மிதந்து கொண்டிருந்து, வரலாற்றில் அவரது உருவத்தை பதிய வைக்கும்’ என்றார்.

அதிக கட்டணம் செலுத்த முடியாதவர்கள், விண்வெளி சுற்றுலாவிற்கு ஏற்ற உடல்நிலை, வயது இல்லாதவர்கள், நாசாவின் இந்த "பேஸ் இன் பேஸ்’ திட்டத்தின் மூலம் தங்களின் விண்வெளி சுற்றுலா குறித்த ஆவலை ஓரளவிற்கு பூர்த்தி செய்து கொள்ளலாம். நாசாவின் இத்திட்டத்திற்கு அமெரிக்கா மட்டுமல்லாமல், உலகின் பல்வேறு நாடுகளில் இருந்தும் ஆதரவு பெருகி வருகிறது.

பொதுமக்களுக்கு இதுதான் முதல் முறை : விண்வெளியில் பெயர்களை மிதக்கவிடும் திட்டங்கள் சில ஏற்கனவே செயல்படுத்தப்பட்டுள்ளன. கடந்த 1977ம் ஆண்டு, தொடக்க கல்வி மாணவர்களின் கையெழுத்துக்கள், "விண்வெளியில் மாணவர்களின் கையெழுத்து’ என்று பெயரிடப்பட்ட ஒரு திட்டத்தின் மூலம் விண்வெளிக்கு எடுத்துச் செல்லப்பட்டன. "காசினி’ விண்வெளி ஓடத்தின் மூலம், சனி கிரகத்தின் வெளிவட்ட பாதையிலும், "போனிக்ஸ் மார்ச் லேண்டர்’ என்ற விண் ஓடத்தின் மூலம் செவ்வாய் கிரக வட்டப்பாதையிலும், மற்றொரு விண்கலம் மூலம் சந்திரனின் வெளிவட்ட பாதையிலும் இந்த கையெழுத்துக்கள் "டிவிடி’ டிஸ்க்குகள் மூலம் மிதக்கவிடப்பட்டன.

இந்த வகையில் "வாயேஜர் 1′ என்ற விண்கலம் மூலம், "போனோகிராப் ரிக்கார்டு’ முறையில் பதிவு செய்யப்பட்ட முத்தம், தாயின் அன்பான அரவணைப்பு, பூமியில் எழும் பல்வேறு வகையான சத்தங்கள் அடங்கிய டிஸ்க் விண்வெளியில் பறக்கவிடப்பட்டது. ஆனால், நாசா அறிமுகப்படுத்தியுள்ள "பேஸ் இன் பேஸ்’ என்ற திட்டம் தான், பொதுமக்களும் தங்கள் புகைப்படங்களை விண்ணில் மிதக்கவிடும் ஒரு வாய்ப்பை உருவாக்கியுள்ளது. விண்வெளி வரலாற்றில் இது முதன் முறை என்பது குறிப்பிடத்தக்கது.

source:dinamalar

பின்னூட்டமொன்றை இடுக

Filed under Uncategorized

கூடுதல் வசதிகள் தரும் இணையதளம்

ComputerWorkshop.jpg

இணையப் பயன்பாடு மற்றும் மொபைல் அப்ளிகேஷன்களுக்கான கூடுதல் வசதிகளைத் தரும் புரோகிராம்களைத் தருவதற்காகவே ஓர் தளம் இணையத்தில் இயங்குகிறது.Lab Pixies என்ற பெயரில் உள்ள இந்த தளத்தில், பேஸ்புக், மை ஸ்பேஸ், ஹை 5, ஆர்குட், ஆண்ட்ராய்ட், ஐ போன், ஐ கூகுள் என்பவற்றுக்கான கூடுதல் வசதி புரோகிராம் களையும் இந்த தளம் கொண்டுள்ளது. கேம்ஸ், செய்யவேண்டிய பணிகள் கொண்ட பட்டியல், காலண்டர், கடிகாரம் என வழக்கமான வசதிகளைத் தரும் புரோகிராம் களும் உள்ளன. இந்த தளத்தில் உள்ள என்பதில் கிளிக் செய்தால் இவை அனைத்தும் கொண்ட பட்டியல் வகைப்படுத்தப்பட்டு கிடைக்கிறது. எடுத்துக்காட்டாக, பேஸ்புக் தளத்தில் கூடுதல் வசதிகளைத் தரும் புரோகிராம்கள் பெற வேண்டுமென்றால் Facebook என்பதில் கிளிக் செய்தால் போதும். இங்கு கிடைக்கும் சில லிங்க்குகளை கிளிக் செய்தால், அவை உங்களை யு–ட்யூப் தளத்திற்கு எடுத்துச் சென்று, சில அப்ளிகேஷன்களை எப்படி இயக்குவதென்ற வீடியோக்களைக் காட்டும். இந்த தளத்தில் கிடைக்கும் அப்ளிகேஷன் புரோகிராம்கள் அனைத்தும் சின்னஞ்சிறு வசதிகளைத் தருவதாகவே உள்ளன. இவை பற்றி பெரிய அளவில் எதுவும் கூற முடியாதென்றாலும் நாம் கொண்டுள்ள சிறிய அளவிலான எதிர்பார்ப்புகளை நிறைவேற்றுகின்றன. சிறிய அளவிலான எரிச்சல்களைப் போக்குகின்றன. நாம் கம்ப்யூட்டரைத் திறந்து வீடியோக்கள், இமெயில், செய்திகள், சீதோஷ்ண நிலை தகவல்கள், கேம்ஸ் மற்றும் பல தகவல்களைத் தேடி அறிவதை நம் தினப்படி வேலைகளாக வைத்துள்ளோம். இவற்றை அறிய, அவற்றிற்கான ஐகான் அல்லது இலச்சினைகளைத் தேடி, கிளிக் செய்து, பின் மெனுவைத் தேர்ந்தெடுத்து எனப் பல கிளிக் செயல்களுக்குப் பின்னரே அறிய முடிகிறது. இந்த சிறிய புரோகிராம்கள் மூலம் ஒரே கிளிக்கில் இவற்றை அறிய முடிகிறது. 2005 ஆம் ஆண்டில் கூகுள் தளத்தில் கூடுதல் வசதிகளுக்காக இந்த தளம் ஐ கூகுள் (iGoogle) என்ற அப்ளிகேஷனை அறிமுகப்படுத்தியது. அதன் பின்னர் பல அப்ளிகேஷன் புரோகிராம்கள் உருவாக்கித் தரப்படுகின்றன. இந்த தளம் குறித்த சிறப்பு செய்தி என்னவென்றால், இதனை அண்மையில் கூகுள் நிறுவனம் விலைக்கு வாங்கி தனதாக்கிக் கொண்டது. எனவே நமக்குக் கூடுதல் வசதி அளிக்க, இனி அதிக புரோகிராம்களை இந்த தளத்தில் எதிர்பார்க்கலாம். இந்த தளத்தின் முகவரிhttp://www.labpixies.com/
source:dinamalar

பின்னூட்டமொன்றை இடுக

Filed under Uncategorized

வேர்ட் டிப்ஸ்

ComputerWorkshop.jpg

வேர்டில் எல்லைக் கோடு அச்சிட
வேர்ட் தொகுப்பில் ஆவணங்களைத் தயாரிக்கையில், பக்கங்கள் அழகாகக் காட்சி அளிக்க பார்டர்களை ஏற்படுத்தி அச்சடிக்கும் பழக்கம் பலரிடம் உள்ளது. ஆனால் நமக்கு வாசகர்களிடம் இருந்து வரும் கடிதங்களில் பலர், இந்த எல்லைக் கோடுகள் சில வேளைகளில், மேலே உள்ளவையோ, பக்கவாட்டில் உள்ளவையோ, அச்சிட மறுக்கின்றன என்று தெரிவித்து, அதனை எப்படி அச்சிடவைப்பது என்றும் கேட்டுள்ளனர்.
முதலில் இதற்கான காரணத்தைத் தெரிந்து கொள்வோம். இப்படிப்பட்ட நிகழ்வுகளுக்குக் காரணம், பார்டர் கோடுகளை மிகப் பெரிதாக அமைப்பதுதான். எல்லை மீறிச் செல்லும் இந்த பெரிய எல்லைக் கோடுகளை அச்சுப்பொறியால் அச்சிட இயலுவதில்லை. அனைத்து பிரிண்டர்களும், தாளின் ஓரங்களைச் சுற்றி “dead space” என்று ஓர் இடத்தைக் கொள்கின்றன. இந்த இடமானது பிரிண்டரால் பயன்படுத்த என பிரிண்டர் ஒதுக்கிக் கொள்கிறது. எனவே இதில் எதுவும் அச்சாகாது. ஒவ்வொரு பிரிண்டரும் ஒவ்வொரு வகையில் இந்த அச்சிடா இடத்தை வரையறை செய்துள்ளன. அது எவ்வளவு என்பதை பிரிண்டருடன் தரப்படும் குறிப்பேட்டில் இருந்து தெரிந்து கொள்ளலாம்.
எனவே நாம் இதனை உணர்ந்து நம் பார்டர் கோடுகளை அமைக்க வேண்டும். இதனை அமைத்திடும் வழிகளை வேர்ட் தருகிறது. நீங்கள் வேர்ட் 2007க்கு முன்னர் வந்த தொகுப்புகளைப் பயன்படுத்துபவராக இருந்தால், கீழ்க்குறித்துள்ளபடி செட்டிங்ஸ் அமைக்கவும்.
1. Format மெனுவிலிருந்து Borders and Shading என்பதைத் தேர்ந்தெடுக்கவும். வேர்ட் Borders and Shading டயலாக் பாக்ஸினைக் காட்டும்.
2.இந்த டயலாக் பாக்ஸில் Page Border டேப் தேர்ந்தெடுக்கவும்.
3. பின்னர் இதில் Options பட்டனில் கிளிக் செய்திடவும். இப்போது Border and Shading Options என்ற டயலாக் பாக்ஸ் கிடைக்கும்.
4. இதன் மூலம் மேல், கீழ், இடது மற்றும் வலது ஓரங்களை செட் செய்திடலாம். Dead SpaceUS அதிகமாக இருக்கும் வகையில் செட் செய்திடவும்.
5. அடுத்து இருமுறை ஓகே கிளிக் செய்து வெளியேறவும்.
நீங்கள் வேர்ட் 2007 தொகுப்பினைப் பயன்படுத்துபவராக இருந்தால், கீழ்க்குறிப்பிட்ட நடைமுறையைப் பின்பற்றவும்.
1. ரிப்பனில் Page Layout என்ற டேப் காட்டப்படுகிறதா என்று பார்த்து, அதனைத் தேர்ந்தெடுக்கவும்.
2. Page Background குரூப்பில் Page Borders என்ற பக்கத்தினைக் கிளிக் செய்திடவும். வேர்ட் இப்போது Borders and Shading டயலாக் பாக்ஸில், Page Border டேப்பினைக் காட்டும்.
3. அடுத்து ஆப்ஷன்ஸ் பட்டனைக் கிளிக் செய்திடவும். இப்போது வேர்ட் Border and Shading Options என்ற டயலாக் பாக்ஸைக் காட்டும்.
4.இந்த டயலாக் பாக்ஸில் உள்ள கண்ட்ரோல்களைப் பயன்படுத்தி, உங்களுக்கு பார்டர் எப்படி தோற்றமளிக்க வேண்டும் என்பதனை உறுதி செய்திடவும். வேர்டில் பாராகிராப் பார்டர் அமைப்பதற்கான கண்ட்ரோல் போலவே இவையும் செயல்படுகின்றன.
5. இவற்றின் மூலம் மேல், கீழ், இடது மற்றும் வலது ஓரங்களை செட் செய்திடலாம். Dead SpaceUS அதிகமாக இருக்கும் வகையில் செட் செய்திடவும்.
6. அடுத்து இருமுறை ஓகே கிளிக் செய்து வெளியேறவும்.
இனி நீங்கள் அச்சடிக்கையில், இன்னும் ஆவணத்தின் எல்லைக் கோடுகள் அச்சிடப் படவில்லை என்றால், நீங்கள் செட் செய்த பேஜ் பார்டர் செட்டிங்ஸ் மற்றும் பேஜ் மார்ஜின் செட்டிங்ஸ் இணைந்து ஒத்துப் போகவில்லை என்று பொருள். உங்களுடைய பேஜ் பார்டர் செட்டிங்ஸ் Dead SpaceUS அதிகமாக இருக்கும் வகையிலும், பேஜ் மார்ஜினுக்குக் குறைவாகவும் இருக்கும்படியும் செட் செய்யப்பட்டிருக்க வேண்டும். எடுத்துக்காட்டாக, உங்களுடைய பேஜ் பார்டர், கீழாக 36 புள்ளிகளில், அதாவது ஒன்றரை அங்குல இடத்தில் அச்சிட செட் செய்யப்பட்டிருந்தால், பக்கத்தின் கீழ்ப்பாகத்திற்கான பேஜ் மார்ஜின் இதனைக் காட்டிலும் அதிகமாக இருக்க வேண்டும். இதனை மீண்டும் சோதனை செய்து உறுதி செய்து பின் ஓகே கிளிக் செய்து அச்சிட்டுப் பார்க்கவும்.
திறக்கும் பைல் உன்னுடையதல்ல!
வேர்ட் தொகுப்பில் ஏதேனும் மாற்றங்களை ஏற்படுத்த முனைகையில், அல்லது அதனை பெயர் மாற்ற, அழிக்க முற்படுகையில்,இந்த ஆவணமானது இன்னொருவரால் பயன்படுத்தப்பட்டுக் கொண்டிருக்கிறது என்ற செய்தி கிடைக்கும். நாம் ஒருவர் தானே கம்ப்யூட்டரைப் பயன்படுத்திக் கொண்டிருக்கிறோம். இந்த பைலைத் தான் மூடிவிட்டோமே, பின் ஏன் இந்த செய்தி என நாம் திகைப்போம். இந்த எதிர்பாராத செய்தி, திகைப்பினை சந்திக்காமல் இருக்க சிலவற்றை நாம் புரிந்து கொள்ள வேண்டும்.
வேர்ட் எப்போதும் ஒரு டாகுமெண்ட் யாரால் பயன்படுத்தப்பட்டுக் கொண்டிருக்கப்படுகிறது, அல்லது மற்றவர் பயன்படுத்த முடியா நிலையில் வைக்கப்பட்டிருக்கிறது என்பதைத் தேடி அறிந்து கொண்ட பின்னரே செயல்படும். இதன் மூலம் டாகுமென்ட் ஒன்றில் இருவர் ஒரே நேரத்தில் எடிட் செய்து சிக்கல் ஏற்படும் சூழ்நிலை தடுக்கப்படுகிறது.
நீங்கள் முதன்முதலாக வேர்ட் தொகுப்பினைத் திறக்கிறீர்கள். டாகுமெண்ட் ஒன்றைத் திறக்க முயற்சிக்கிறீர்கள். அப்போது அந்த டாகுமெண்ட் “locked for editing by another user?” என்று செய்தி கிடைக்கிறது. வேர்ட் உங்களுக்கு படிக்க மட்டுமே அந்த டாகுமெண்ட்டைத் திறக்கிறது. ஆனால் உங்களுக்கோ அதனை எடிட் செய்திட வேண்டும் என்பது நோக்கம்.
இங்கு என்ன நடக்கிறது என்பதனை வேர்ட் எப்படி ஆவணங்களைத் திறக்கிறது என்பதனைப் பார்த்து புரிந்து கொள்ளலாம். நீங்கள் டாகுமெண்ட் ஒன்றைத் திறக்கையில், வேர்ட் அந்த டாகுமெண்ட்டிற்கான owner file ஒன்றைத் திறக்கிறது. அந்த பைல் நீங்கள் திறக்க இருக்கும் அதே பைல் பெயரில் திறக்கப்படுகிறது. அந்த பெயருக்கு முதலாக ஒரு டில்டே அடையாளம் (a tilde (~)) இருக்கும். இதனை அடுத்து ஒரு டாலர்(($)) அடையாளமும் இருக்கும். எடுத்துக் காட்டாக நீங்கள் திறக்க விரும்பும் கோப்பின் பெயர் BigBudget.doc என்றால், வேர்ட் ~$gBudget.doc என்ற பெயரில் இன்னொரு கோப்பிற்கு உரிமையுள்ளவருக்கென ஒரு பைலைத் திறக்கிறது.
இந்த உரிமையாளருக்கான பைல் மூலம் தான், வேர்ட் அப்போது அந்த டாகுமெண்ட்டை யார் திறந்து வைத்துப் பயன்படுத்துகிறார்கள் என்று அறிந்து கொள்கிறது. இது ஒரு தற்காலிக பைல் தான். (நீங்கள் பைலை மூடுகையில் இது அழிக்கப்படுகிறது) இந்த பைலில் தான், அந்த ஆவணத்தைத் திறந்தவர், கம்ப்யூட்டரில் எந்த லாக் இன் பெயரில் நுழைந்தாரோ அவரின் பெயர் இருக்கும். பைல் அழிக்கப்படுகையில் அதுவும் நீக்கப்படும்.
இங்கு தான் பிரச்னையே தொடங்குகிறது. ஆரம்பத்தில் சொன்னபடி என்ற செய்தி வருகிறது என்றால், அதற்கான காரணம் கீழ்க்குறித்த மூன்றில் ஒன்றாக இருக்கலாம்.
1. வேர்ட் தொகுப்பு, இறுதியாகப் பயன்படுத்தப் பட்ட போது, சரியாக மூடப்படவில்லை. இதனால் அது உருவாக்கிய தற்காலிக பைல் அழிக்கப்படவில்லை. இதற்குக் காரணம் கம்ப்யூட்டருக்கு வந்த மின்சாரம் திடீரென தடை பெற்று, இயக்கம் முடங்கிப் போயிருக்கலாம்.
2. இந்த டாகுமெண்ட், நெட்வொர்க் ஒன்றில் இன்னொருவரால் திறக்கப்பட்டிருக்கலாம்.
3. வேர்ட் தொகுப்பு இரண்டாவது முறையாகத் திறக்கப்பட்டு அங்கே இந்த டாகுமெண்ட் திறக்கப்பட்டிருக்கலாம்.
மேலே சொன்ன எவையும் நடைபெற்றிருக்க வாய்ப்பே இல்லை எனத் தெளிவாக நீங்கள் உறுதி செய்து கொண்டால், நீங்கள் இந்த டாகுமெண்ட்டைக் கீழ்க்காணும் வழிகளில் சென்று பத்திரமாக, உங்களுக்காகவே, எடிட் செய்வதற்காகவே திறக்கலாம்.
1. உங்களுடைய சிஸ்டத்தில் வேர்ட் எத்தனை முறை திறக்கப்பட்டிருந்தாலும், அனைத்தையும் மூடவும்.
2. டாஸ்க் மேனேஜர் விண்டோவினைத் திறக்கவும். (கண்ட்ரோல் + ஆல்ட்+டெலீட் – Ctrl+Alt+Del அழுத்தவும்)
3. அப்ளிகேஷன் (Application) டேப் தேர்ந்தெடுத்து, அதில் வேர்ட் இயங்கிக் கொண்டிருப்பதாகத் தெரிந்தால், அதனைத் தேர்ந்தெடுத்து நிறுத்தவும். நீங்கள் மேலே 1ல் கூறியதனைச் சரியாக நிறைவேற்றி இருந்தால், இந்த டேப்பில் வேர்ட் இயக்கத்தினைக் காண முடியாது.
4. அடுத்து Processes டேப்பினைப் பார்க்கவும்.
5. Processes பட்டியலில் Winword.exe என்ற பைல் பெயர் உள்ளதா எனப் பார்க்கவும். இருந்தால் அதனைத் தேர்வு செய்து End Process என்பதில் கிளிக் செய்திடவும். எச்சரிக்கை செய்தி கிடைக்கும். யெஸ் என அனுமதி தரவும். இந்த செயல்பாடு எதற்காக என்றால், வேர்ட் சில வேளைகளில் குழப்பமடைந்து, உங்கள் கம்ப்யூட்டர் மெமரியில் சில வேலைகளை விட்டு வைக்கும்.
6. டாஸ்க் மேனேஜரை நிறுத்தவும்.
7. அடுத்து விண்டோஸ் எக்ஸ்புளோரர் பயன்படுத்தி, நீங்கள் திறக்க விரும்பும் கோப்பு உள்ள போல்டரைத் திறக்கவும். அதில் மேலே சொன்ன டில்டே மற்றும் டாலர் அடையாளங்களுடன், நீங்கள் தேடும் பைலின் பெயரையும் கொண்டு ஒரு பைல் இருந்தால், அதனை அழிக்கவும். இப்போது நீங்கள் திறக்க விரும்பும் பைலை, உங்களுடையதாக, உங்களுக்கே உரிமையானதாக நீங்கள் திறந்து எடிட் செய்திடலாம்.

source:dinamalar

பின்னூட்டமொன்றை இடுக

Filed under Uncategorized

கிறிஸ்தவ வழிபாட்டு உரிமையில் அரசு தலையிட முடியாது

கிறிஸ்தவ வழிபாட்டு உரிமையில் அரசு தலையிட முடியாது : உமாசங்கர்

large_84647.jpg

திருநெல்வேலி : ""சட்டப்படி நான் இந்துதான். என் வழிபாட்டு உரிமையில் அரசாங்கம் தலையிட முடியாது,” என ஐ.ஏ.எஸ்., அதிகாரி உமாசங்கர் தெரிவித்தார்.

சஸ்பெண்ட் செய்யப்பட்டு தற்போது டான்சி நிறுவன நிர்வாக இயக்குனராக பணியமர்த்தப்பட்டுள்ள உமாசங்கர் நேற்று நெல்லை வந்தார். பாளையங்கோட்டையில் மத்திய, மாநில எஸ்.சி., – எஸ்.டி., ஊழியர் சங்கம் ஏற்பாடு செய்திருந்த பாராட்டு விழாவில் பங்கேற்றார்.

அவர் நிருபர்களிடம் கூறியதாவது: எனக்காக குரல் கொடுத்த அ.தி.மு.க., – ம.தி.மு.க., – தே.மு.தி.க., – பா.ம.க., – காங்., கட்சியை சேர்ந்த இளங்கோவன், கம்யூனிஸ்ட் கட்சிகள் உள்ளிட்ட அனைவருக்கும் நன்றி . நான் சஸ்பெண்ட் செய்யப்பட்டபோது, இந்த சங்கம் எனக்காக குரல் கொடுக்கவில்லை. சுடுகாட்டு கூரை ஊழலை வெளிக்கொணர்ந்ததற்காக அ.தி.மு.க., அரசு என்னை தி.மு.க.,காரன் போல பார்த்து ஒதுக்கிவைத்தது. அண்மையில், அரசு கேபிள் "டிவி’ நிறுவனத்தில் ஏற்பட்டுள்ள முறைகேடுகளை சுட்டிக்காட்டினேன். என் மீது நடவடிக்கை பாய்ந்தது. நான் எந்த அரசியல் கட்சியை சார்ந்தவனும் அல்ல. தமிழக அரசு கேபிள் "டிவி’யில் நடந்த முறைகேடுகள் குறித்து முழுமையான விவரங்களை அரசின் எஸ்.சி., – எஸ்.டி., கமிஷனுக்கு புகார் மனுவாக அனுப்பியுள்ளேன்.

நான் இப்போதும் சட்டப்படி இந்துதான். கடந்த இரண்டு ஆண்டுகளாக கிறிஸ்தவ ஆலயத்திற்கு சென்று வருகிறேன். தாழ்த்தப்பட்ட ஒருவர் எந்த கோவிலுக்கு செல்கிறார், எந்த சாமியை கும்பிடுகிறார் என்றெல்லாம் வருவாய்த்துறையினர் தோண்டித் துருவி பார்க்க சட்டத்தில் இடம் இல்லை. தலித்கள், கிறிஸ்தவ பாதிரியாராக கூட மாறலாம். ஆனால், சர்டிபிகேட்படி இந்துவாக இருக்கவேண்டும் அவ்வளவுதான். லஞ்சஒழிப்பு துறை ஆணையத்தின் கையேட்டில் அரசியல்வாதிகள், அதிகாரிகள் ஊழல்கள் புரிந்தால் அவர்களுக்கு சாதகமான அம்சங்கள் உள்ளன. இதை நான் எதிர்த்து கோர்ட்டில் வழக்கு தொடர்ந்தேன். அதில் இருந்து ஐந்தாவது நாளில் சஸ்பெண்ட் செய்யப்பட்டேன். நான் குறிப்பிட்ட எந்த அமைப்பையும் சாராமல் தமிழக மக்களுக்காக பணியாற்றுவேன். அவசியம் ஏற்பட்டால் எதிர்க்கட்சி தலைவர் ஜெயலலிதாவை சந்திப்பேன். அது என் உரிமை. இவ்வாறு உமாசங்கர் பேசினார்

source:dinamalar

பின்னூட்டமொன்றை இடுக

Filed under Uncategorized

அதிகம் சம்பாதித்தாலும் சந்தோஷம் இல்லை: ச ொல்கிறது ஆய்வு

large_83216.jpg

லண்டன் : அதிகமாக சம்பாதித்து சந்தோஷமாக வாழ வேண்டும் என்பதற்காக, தங்கள் சொந்த நாடுகளை விட்டு, வளமான நாடுகளுக்கு செல்வோர், உண்மையில் அப்படி சந்தோஷமாக இருக்கின்றனரா என்று ஓர் ஆய்வு சமீபத்தில் நடத்தப்பட்டது. ஆய்வின் முடிவு எதிர்மறையாகத் தான் அமைந்தது.

நடுத்தர மற்றும் குறைந்த வருமானம் உள்ள நாடுகளில் உள்ளவர்கள், பிரிட்டன், அமெரிக்கா போன்ற வளமான நாடுகளுக்குச் சென்று தங்கள் திறமைக்கேற்ப அதிகளவில் சம்பாதித்து அதன் மூலம் வாழ்வில் சந்தோஷமாக இருக்க வேண்டும் என்று அந்நாடுகளுக்குச் செல்கின்றனர். சொந்த நாடுகளிலிருந்து அயல் நாடுகளுக்குப் புலம் பெயர்ந்து செல்வோரின் வாழ்க்கை சந்தோஷகரமானதாக இருக்கிறதா அல்லது அவர்கள் சென்ற நாட்டில் மகிழ்ச்சியுடன் வாழ்கின்றனரா என்று சமீபத்தில் ஓர் ஆய்வு நடந்தது.

"பொருளாதார புலம் பெயர்வும் மகிழ்ச்சியும்: தாயகத்தினர் மற்றும் குடியேறுவோருக்கு இடையிலான ஓர் ஒப்பீடு’ என்ற தலைப்பில் பிரிட்டனைச் சேர்ந்த சமூகவியலாளர் டேவிட் பர்ட்ராம் என்பவர் இந்த ஆய்வை நடத்தினார். மொத்தம் 1,400 பேர் இந்த ஆய்வில் கலந்து கொண்டனர். ஆய்வின் இறுதியில், குடியேறுவோர் தாங்கள் எதிர்பார்த்த படி மகிழ்ச்சியாக இல்லை என்பது தெரிய வந்துள்ளது.

இது குறித்து டேவிட் கூறியதாவது: அதிகளவில் சம்பாத்தியம் செய்வதால் மகிழ்ச்சி கிடைத்து விடும் என்ற மக்களின் எதிர்பார்ப்பு தவறானது என்பதை தான் இந்த ஆய்வு நமக்கு காட்டுகிறது. அயல் நாடுகளிலிருந்து வளமான நாடுகளுக்கு குடியேறியவர்களில் பெரும்பாலோர் மனச்சோர்வுடன் தான் உள்ளனர். புலம் பெயர்ந்தோர் அதிகளவில் சம்பாதித்தாலும், தங்கள் உறவுகளை அவர்களால் முழுமையாகப் பேணிக் கொள்ள முடிவதில்லை. அதனால், சொந்த நாட்டுக்காரர்களை விட அந்த நாட்டில் குடியேறியவர்கள் மிகவும் குறைவான அளவிலேயே மகிழ்ச்சி அடைகின்றனர்.

தற்போதைய நிலையை விட அதிகமாகச் சம்பாதித்தால் மகிழ்ச்சியாக வாழலாம் என்று நினைத்துத் தான் வெளிநாடுகளுக்குச் செல்கின்றனர். ஆனால், அங்கு சென்றவுடன் மேலும் அதிகமாகச் சம்பாதித்தால் தான் மகிழ்ச்சியாக இருக்க முடியும் என்ற நிலை உருவாவதும் இதற்கு ஒரு காரணம். சம்பாத்தியத்துக்கு ஏற்றாற்போல விருப்பங்களும் அதிகரித்து விடுகின்றன. நம்மில் பெரும்பாலோர், மகிழ்ச்சியை விட பணத்துக்கு அதிக முக்கியத்துவம் அளிக்கிறோம். இந்த ஆய்வும், அது புலம் பெயர்வோர் விஷயத்தில் சரி தான் என்பதை காட்டுகிறது. ஆனால், வளமான ஒரு நாட்டில் வந்தேறியாக வாழ்வது என்பது மிகவும் கடினமானது. இவ்வாறு டேவிட் தெரிவித்தார்

source:dinamalar

பின்னூட்டமொன்றை இடுக

Filed under Uncategorized

இந்த வார டவுண்லோட் – மெமரி சோதனை

ComputerWorkshop.jpg
கம்ப்யூட்டரில் ராம் மெமரி எந்த வகையில் எவ்வளவு பயன்படுகிறது என்று அறிந்து கொள்வது, நம் கம்ப்யூட்டர் பயன்பாட்டை நெறிப்படுத்த நமக்கு உதவும். இப்போதெல்லாம், அப்ளிகேஷன் புரோகிராம்கள் இயங்க அதிகமான அளவில் மெமரியை எடுத்துக் கொள்கின்றன. எனவே இயங்கும் புரோகிராம்கள் அதிகமாகும் போது, கம்ப்யூட்டரின் செயல்பாடு சற்று தடுமாறுகிறது. நாமும் தேவையற்ற புரோகிராம்களை, ராம் மெமரியில் ஏற்றி வைத்து, கம்ப்யூட்டரின் செயல்பாட்டினை மிகவும் மந்த நிலையில் இயங்க வைப்போம். மெமரி பயன்பாடு நமக்குத் தொடர்ந்து காட்டப்பட்டால், அதற்கேற்ப புரோகிராம்களின் இயக்கத்தினை நிறுத்தித் தேவைப்பட்ட புரோகிராம்களை மட்டும் இயக்கலாம். இதற்கான சில மெமரி கண்காணித்துக் காட்டும் புரோகிராம்கள் இணையத்தில் இலவசமாகக் கிடைக்கின்றன. அவற்றை இங்கு காணலாம்.
1.Mem Info: மெம் இன்போ எனப்படும் இந்த புரோகிராமினை இன்ஸ்டால் செய்திடத் தேவையில்லை. இதனை டவுண்லோட் செய்து இயக்கிவிட்டால், அது சிஸ்டம் ட்ரேயில் அமர்ந்து கொண்டு, மெமரி மற்றும் சிபியு பயன்பாட்டினைத் தொடர்ந்து கண்காணிக்கிறது. மெமரி பயன்பாட்டினை வண்ணக் குறியீட்டில் காட்டுகிறது. மெமரியைப் பயன்படுத்துவது சற்று அதிகமாகும் போது நம்மை எச்சரிக்கிறது. எந்த அளவில் எச்சரிக்கை செய்திட வேண்டும் என்பதனையும் இதில் செட் செய்துவிடலாம். மெமரியை டிபிராக் செய்திடும் வசதியும் இதில் உண்டு. சிஸ் ட்ரே மீட்டர் போல இது செயல்படுகிறது. அண்மையில் வெளி வந்த இதன் பதிப்பு, வண்ணக் குறியீடுகளுடன் நமக்கு தகவல்களைக் காட்டுகிறது. இதனைப் பெற http://www.carthagosoft.net/meminfo.htm என்ற தளத்திற்குச் செல்லவும்.
2.Performance Monitor: இந்த புரோகிராம், மெமரி பயன்பாட்டினைச் சோதனையிடுவதுடன், டிஸ்க் மற்றும் நெட்வொர்க் பயன்பாட்டினையும் சோதனையிடுகிறது. இதுவும் சிஸ்டம் ட்ரேயில் இருந்து செயல்படுகிறது. ராம் மெமரி, டிஸ்க் பயன்பாடு மற்றும் நெட்வொர்க் செயல்பாட்டினை, திரையின் மேல் புறத்தில் காட்டுகிறது. இந்த புரோகிராமினை www.hexagora.com/en_dw _davperf.asp என்ற முகவரியில் உள்ள தளத்திலிருந்து டவுண்லோட் செய்து கொள்ளலாம்.
3.FreeRAM XP Pro: இந்த புரோகிராம் கூடுதல் வசதிகள் பல கொண்டதாக இயங்குகிறது. மெமரியினைக் கண்காணிப்பதுடன், மெமரியின் வேகத்தினை அதிகப்படுத்தவும் செய்கிறது. தானாகவே மெமரியில் உள்ள தேவையற்றவற்றை விலக்குகிறது. எந்த புரோகிராம்கள் மெமரியினைப் பயன்படுத்துகின்றன என்று காட்டுகிறது. என்ன நடக்கிறது என்று தகவல் தருகிறது. மெமரியினைச் சுருக்கிப் பயன்படுத்தும் தொழில் நுட்பத்தினையும் பயன்படுத்துகிறது. இதனைப் பெற http://www.yourwaresolutions.com/ software.html#framxpro என்ற முகவரியில் உள்ள தளத்திற்குச் செல்லவும்.

source:dinamalar

பின்னூட்டமொன்றை இடுக

Filed under Uncategorized

சைக்கிள் ஓட்டி பால் சப்ளை செய்கிறது நாய்

large_80628.jpg

தர்மபுரி: குட்டி சைக்கிளில் பால் கேனை ஏற்றி, ஓட்டிச் செல்லும் சிறுவர்களைப் பார்த்திருக்கிறோம். நம்ப மாட்டீர்கள்! சும்மா இல்லை… ஒரு கி.மீ., தூரம் சைக்கிளை ஓட்டி, பால் சப்ளை செய்கிறது ஒரு நாய்!

தர்மபுரியை அடுத்த பெரியாம்பட்டி கீழ் தும்பலஅள்ளியைச் சேர்ந்தவர் விவசாயி தங்கவேல் (42). தெருவில் சுற்றிக் கொண்டிருந்த நாயை, பத்து மாதத்துக்கு முன் எடுத்து, வளர்க்கத் துவங்கினார். அதற்கு மணி என்றும் பெயர் வைத்தார். தங்கவேல் கால்நடைகள் வளர்த்து வருகிறார். தினம் காலை மற்றும் மாலையில் பாலை கறந்து, தும்பலஅள்ளியில் உள்ள கூட்டுறவு பால் உற்பத்தியாளர்கள் சங்கத்துக்கு எடுத்து சென்று கொடுத்து வருவார். இவர் காலையும், மாலையும் பால் சொசைட்டிக்கு கிளம்பும் போது, மணியும் தொடர்ந்து கூடவே சென்று வரும். ஒரு நாள், மணி மூலம் பால் கொடுக்க முடிவு செய்தார். ஒரு தூக்கில் பால் ஊற்றி, நாயிடம் கொடுத்தார். அதுவும், வாயில் கவ்வியபடி பாலை எடுத்துச் சென்று, சரியான நபரிடம் கொடுத்துத் திரும்பியது.

இதையடுத்து, 1,500 ரூபாய் செலவில், பால் கேன்களை ஏற்றிச் செல்லும் வகையில் சிறிய சைக்கிளை உருவாக்கிய தங்கவேல், மாடுகளை பூட்டுவது போல் நாயைப் பூட்டி, அதில் 35 லிட்டர் பால் கேனையும், கூட்டுறவு சங்க பதிவேடு புத்தகத்தையும் அனுப்பி வைத்தார். தனியாக ரோட்டில் செல்லும் நாய், பால் சொசைட்டியில் நின்று பால் கேனை ஊழியர்கள் பெற்று பதிவேட்டில் பதிவு செய்த பின், மீண்டும் காலி கேனுடன் வீட்டுக்குத் திரும்பி வருகிறது. சில நேரங்களில் தங்கவேலின் மகன் மற்றும் மகளையும் சைக்கிளில் சுமந்தபடி பயணம் செய்யும் மணியை, அந்த பகுதியில் உள்ள மக்கள் ஆச்சரியத்துடன் பார்க்கின்றனர். ஒரு மாதமாக பால் கேனுடன் பயணம் செய்யும் நாய்க்கு, வீட்டுக்கு திரும்பியதும், வீட்டில் உள்ளவர்கள் ஆரத்தி எடுத்து, திருஷ்டி கழிப்பதையும் வாடிக்கையாக செய்து வருகின்றனர்.

இது குறித்து தங்கவேல் கூறியதாவது: தினம் நான் செல்லும் இடங்களுக்கு வந்த நாயை இப்படி பழக்கி விட்டேன். எனக்கு பெரும் உதவியாக மாறி விட்டது. வீட்டில் நாங்கள் சாப்பிடும் சாப்பாட்டை மட்டும் சாப்பிடும் மணி, நன்றிக்கு உதாரணம் என்பதை செயலில் செய்து காட்டுவது, எனக்கு மிகுந்த சந்தோஷத்தை கொடுக்கிறது. இவ்வாறு தங்கவேல் கூறினார்

source:dinamalar

பின்னூட்டமொன்றை இடுக

Filed under Uncategorized

இந்த வார டவுண்லோட் – விண்டோஸ் எக்ஸ்புளோரர ் கூடுதல்

E_1283765881.jpeg

விண்டோஸ் 7 ஆப்பரேட்டிங் சிஸ்டம் இயக்கத்தில் பல புதிய மாறுதல்களை மைக்ரோசாப்ட் தந்தாலும், அதன் விண்டோஸ் எக்ஸ்புளோரர் குறிப்பிடத்தக்க மாற்றங்கள் இல்லாமல் அப்படியே தான் இயங்கு கிறது. விஸ்டாவிலிருந்து பார்க்கையில் ஒரு சில குறிப்பிட்டுச் சொல்ல முடியாத மாற்றங்களை மட்டும் இங்கு காணலாம். இந்த வகையில் விண்டோஸ் எக்ஸ்புளோரரில் பல கூடுதல் வசதிகளைத் தரும் வகையில் உருவாக்கப்பட்டுள்ளது பெட்டர் எக்ஸ்புளோரர் (Better Explorer) என்னும் சாப்ட்வேர். இது தனியாகவே தன்னுடைய இன்டர்பேஸ் மூலம் பல வசதிகளைத் தருகிறது. முதலாவதாக இப்போது இன்டர்நெட் பிரவுசர்களில் காணப்படும் டேப்களை இங்கு இணைத்துப் பார்க்கலாம். டேப்கள் இல்லாமல் வழக்கம் போல கிடைக்கும் தோற்றத்தில் இன்டர்நெட் எக்ஸ்புளோரர் செயல்பாட்டை விரும்பினால், அதனையும் பெற்றுக் கொள்ளலாம். இந்த சாப்ட்வேர் தொகுப்பைத் தயாரிப்பவர்கள் இன்னும் பல மாற்றங்களை விண்டோஸ் எக்ஸ்புளோரரில் கொண்டு வர முயற்சிப்பதாக, இவர்களின் தளத்தில் அறிவித்துள்ளனர். பெட்டர் எக்ஸ்புளோரர் புரோ கிராமி ற்கும், கூடுதல் தகவல்களுக்கும் http://bexplorer.codeplex.com/ என்ற முகவரியில் உள்ள தளத்தினை அணுகவும்.

source:dinamalar

பின்னூட்டமொன்றை இடுக

Filed under Uncategorized

பைக்கில் புகுந்து கண்ணாமூச்சி காட்டி பத ற வைத்த பாம்பு

skeletonbike02.jpg

ப.வேலூர்: பைக்கினுள் பாம்பு புகுந்ததால், அந்த பைக் தனித்தனியாக பிரித்துப்போடப்பட்டது. மூன்று மணி நேரத்துக்கு பின், பைக்கின் இண்டிகேட்டரில் இருந்த பாம்பை பொதுமக்கள் அடித்துக் கொன்றனர்.

ப.வேலூரை சேர்ந்த சேகர் என்பவர் சுல்தான்பேட்டையில் உள்ள தனியார் மருத்துவமனையில் மேலாளரக பணிபுரிந்து வருகிறார். நேற்று மதியம் ஒரு மணியளவில் மருத்துவமனைக்கு சென்ற அவர், பைக்கை மருத்துவமனை முன் நிறுத்திவிட்டு உள்ளே சென்றார். சிறிது நேரத்துக்கு பின், அவர் பைக்கை எடுக்க வந்தபோது, அங்கிருந்தவர்கள் பைக்கினுள் சிறிய பாம்பு புகுந்துள்ளது எனத் தெரிவித்தனர். அதிர்ச்சியடைந்த சேகர் பைக்கை அப்படியும்- இப்படியும் ஆட்டி பாம்பை தேடினார். பாம்பு வெளியே வராததால், மெக்கானிக்கை வரவழைத்து பைக் பாகங்களை தனித்தனியாக பிரித்தனர். எதிலும் பாம்பு தென்படாததால், "பாம்பு வெளியேறியிருக்கும்’ என, மெக்கானிக் தெரிவித்துள்ளார்.

பயத்தில் பைக்கை எடுக்க சேகர் தயக்கம் காட்டினார். அப்போது, பைக்கின் பின்பக்க இண்டிகேட்டரில் இருந்து பாம்பு எட்டிப்பார்த்தது. அங்கு நின்றிருந்தவர்கள் பாம்பை அடித்துக் கொன்றனர். பைக்கில் புகுந்து மூன்று மணிநேரம் ஆட்டம் காட்டிய பாம்பால் அப்பகுதியில் பரபரப்பு ஏற்பட்டது.

source:dinamalar

பின்னூட்டமொன்றை இடுக

Filed under Uncategorized