Monthly Archives: ஓகஸ்ட் 2010

நீரில் மூழ்கி மாணவன் சாவு: உயிரை விட்டது பாசக்குதிரை

large_33792.jpg

கோவை : கோவை அருகே, நண்பர்களுடன் அணையில் விளையாடிய கல்லூரி மாணவன், நீரில் மூழ்கி இறந்தார். இவர், வீட்டில் பராமரித்து வந்த நடனக்குதிரை, மறுநாளே உயிரைவிட்டது. இவ்விரு நிகழ்வுகளும், மக்கள் மத்தியில் நெகிழ்ச்சியை ஏற்படுத்தியுள்ளது.

கோவை, குனியமுத்தூர், சுகுணாபுரம் கிழக்கு பகுதியில் வசிப்பவர் செந்தில்முருகன்; மில் தொழிலாளி. இவரது இளைய மகன் மணிகண்ணன் (21); வி.எல்.பி., கல்லூரியில் பி.காம்., இரண்டாமாண்டு படித்து வந்தார். கடந்த 2ம் தேதி தனது கல்லூரி நண்பர்களுடன், தமிழக – கேரள எல்லையிலுள்ள வாளையார் அணையில் குளிக்கச் சென்றார். ஒவ்வொருவரும் போட்டி போட்டு அணையில் குளித்துக்கொண்டிருந்தபோது, மணிகண்ணன் மட்டும் வெகுநேரம் வரை வெளியே வரவில்லை. அதிர்ச்சியடைந்த நண்பர்கள், அருகிலிருந்த வாளையார் போலீசுக்கு தகவல் தெரிவிக்க, தீயணைப்பு துறையினர் வந்து மணிகண்ணனின் உடலை மீட்டனர். கல்லூரிக்குச் சென்ற மகன் பிணமாக மறுநாள் வீட்டுக்கு திரும்பியது கண்டு அதிர்ச்சியில் நிலைகுலைந்தனர் பெற்றோர்.

உற்றார், உறவினர் கூடி அன்று மாலையில் உடல் அடக்க சடங்குகளை முடித்து வீட்டுக்கு திரும்பியபோது, அடுத்த அதிர்ச்சி காத்திருந்தது. மணிகண்ணன் கடந்த ஐந்து ஆண்டுகளாக பராமரித்து வந்த, நடனக் குதிரை மயங்கி கிடந்தது. கால்நடை டாக்டரை அழைத்து வந்து காண்பித்த போது, அதுவும் உயிரை விட்டிருந்தது. "தனது எஜமானன் உயிரிழந்ததை அறிந்து, இந்த குதிரையும் உயிரை விட்டுவிட்டதாகவே’ பலரும் கருதி பரிதாபத்துடன் வேடிக்கை பார்த்துச் சென்றனர்.

இது குறித்து, மணிகண்ணனின் தந்தை செந்தில்முருகன் கூறியதாவது:நீரில் மூழ்கி இறந்த எனது மகன், படிப் பில் அக்கறை கொண்டவன். அதே வேளை யில், குதிரை வளர்ப்பிலும் ஆர்வம் கொண்டவன். அவனது விருப்பத்தின்படி ஐந்து ஆண்டுகளுக்கு முன் குதிரை வாங்கினோம். அதற்கு "புயல் ராணி’ என பெயரிட்ட அவன், நடனமாடும் பயிற்சியையும் அளித்தான். கடந்த 2009ல் கேரள மாநிலம், கொல்லத்தில் நடந்த "டான்சிங் ஹார்ஸ்’ (நடனக் குதிரை) போட்டியில் பங்கேற்ற எங்களது குதிரை, சிறப்பு பரிசு பெற்றது. அதே போன்று, முந்தைய ஆண்டுகளில் நடந்த போட்டியிலும் பல பரிசுகளை பெற்றது. குதிரை மீது மிகுந்த பாசம் வைத்து, பராமரித்து வந்தான். நீரில் மூழ்கி இறந்த மகனின் உடலை வீட்டுக்கு எடுத்து வந்து வாசலில் வைத்திருந்தோம் (அருகில் குதிரை இருந்தது). நீண்ட நேரத்துக்கு பின் எடுத்துச் சென்று உடலை அடக்கம் செய்துவிட்டு திரும்பியபோது, வீட்டில் இருந்த குதிரையும் இறந்துவிட்டது. நல்ல திடகாத்திரமான நிலையில் இருந்த குதிரை திடீரென இறக்க வாய்ப்பே இல்லை. எது எப்படியோ, மகனின் இறப்புக்கும், குதிரையின் இறப்புக்கும் தொடர்பு இருப்பதாகவே கருதுகிறோம்.இவ்வாறு, செந்தில்முருகன் தெரிவித்தார்.

.
source:dinamaalr

பின்னூட்டமொன்றை இடுக

Filed under Uncategorized

வீடியோ கன்வர்டர்

E_1281250570.jpeg

இந்த வார டவுண்லோட்
கடந்த பத்து ஆண்டுகளில் வீடியோ இயக்கும் சாதனங்களின் எண்ணிக்கையும், வகையும் அதிகரித்து உள்ளன. வீடியோ கேம் சாதனங்கள், மொபைல் போன்கள், எம்பி3 பிளேயர்கள், லேப்டாப் கம்ப்யூட்டர்கள், நெட்புக் மற்றும் டெஸ்க்டாப் கம்ப்யூட்டர்கள் என இந்தப் பட்டியல் தொடர்கிறது.
ஒவ்வொரு சாதனமும் வீடியோ பைல்களை இயக்க தனித்தனி வரையறைகளைக் கொண்டுள்ளன. இந்த சாதனங்களுக்கேற்ற பார்மட்டுகளில் வீடியோ பைல்கள் இருக்க வேண்டியது கட்டாயமாகிறது. இவற்றுடன் திரை அளவு மற்றும் ரெசல்யூசன் அளவுகளும் வீடியோ இயக்கத்திற்கு வரையறை களைத் தருகின்றன.
எனவே வீடியோ பைல்களை இந்த சாதனங்களில் இயக்க முயற்சிக்கையில், அவற்றின் பார்மட் வரையறைகளை, அந்த சாதனங்களுக்கேற்ற வகையில் மாற்றி அமைக்க வேண்டியுள்ளது. பார்மட் மாற்றம் ஓர் அவசியத் தேவையாகிவிட்ட சூழ்நிலையில், இதற்கு உதவிட பல இலவச புரோகிராம்கள், இணையத்தில் கிடைக்கின்றன. அவற்றில் மிக அதிகமாகப் பயன்படக் கூடிய புரோகிராம் ஹேம்ஸ்டர் பிரீ வீடியோ கன்வர்டர் (Hamster Free Video Converter) ஒன்று.
இந்த புரோகிராம் விண்டோஸ் ஆப்பரேட்டிங் சிஸ்டத்தில் இயங்கக் கூடியது.வீடியோ பார்மட் மாற்றம் மூன்று நிலைகளில் மிக வேகமாக மாற்றப்படுகிறது. ஒன்று அல்லது ஒன்றுக்கு மேற்பட்ட வீடியோக்களை ஒரே நேரத்தில் மாற்றுகிறது.
முதலில் வீடியோ பைல்களை மொத்தமாக இதன் இன்டர்பேஸுக்குள் இழுத்து அமைத்துவிடலாம். ஏறத்தாழ அனைத்து வீடியோ பார்மட்களுக் கிடையேயும் (AVI, MPG, WMV, MPEG, FLV, HD, DVD, M2TS மற்றும் பிற) இந்த புரோகிராம் மாற்றத்தினை ஏற்படுத்தித் தருகிறது. இரண்டாவது நிலையில் மாற்றத்திற்கான வரையறைகளைத் தேர்ந்தெடுக்கிறோம். பைல் பார்மட் அடிப்படையில் மட்டுமின்றி, சாதனங்களுக்கு ஏற்ற வகையிலும் இது பார்மட்டை மாற்றித் தருகிறது. எடுத்துக் காட்டாக, ஐபேட், ஐபோன், எக்ஸ்பாக்ஸ், பி.எஸ் 3, ஆப்பிள் டிவி, பிளாக்பெரி, ஐரிவர் என சாதனங்களின் பெயர்களைக் கொடுத்தும் வீடியோ பைல்களின் பார்மட்டினை மாற்றிக் கொள்ளலாம்.
எந்த பார்மட்டில் வெளியாக வேண்டுமோ, அதற்கான வீடியோ தன்மை, ரெசல்யூசன், கோடக் பைல் ஆகியவற்றையும் தேர்ந்தெடுக்கலாம். இவை அனைத்தையும் முடித்த பின்னர்,இறுதி பட்டன் அழுத்தி, மாற்றம் மேற்கொள்ள கட்டளை இடலாம். நாம் பயன்படுத்தும் கம்ப்யூட்டரின் செயல் வேகத்திற்கிணங்க, வீடியோ பார்மட் மாற்றம் ஏற்படுத்தப்படும்.
இந்த புரோகிராமின் சிறப்பு, வீடியோ பைல் பார்மட்டுகள் குறித்து அவ்வளவாக அறியாதவர்கள் கூட இந்த புரோகிராம் மூலம் தங்கள் வீடியோ பைல்களை மாற்றிக் கொள்ளலாம். அந்த அளவிற்கு எளிமையான வழி நடத்துதல் தரப்பட்டுள்ளன.
இதனை இலவசமாக டவுண்லோட் செய்திடhttp://videoconverter.hamstersoft.com/ என்ற முகவரியில் உள்ள இணைய தளம் செல்ல வேண்டும். விண்டோஸ் இயக்கத்தில் 32 பிட் மற்றும் 64 பிட் இயக்கத்திற்கான தனித்தனி புரோகிராம்கள் தரப்பட்டுள்ளன. விண்டோஸ் 7 இயக்கத்திற்கும் இணைவாக மாற்றத்தை மேற்கொள்ளலாம். அத்துடன் இந்த புரோகிராம் குறித்த் தகவல்கள் 40 மொழிகளில் கிடைக்கின்றன

source:dinamalar

பின்னூட்டமொன்றை இடுக

Filed under Uncategorized

குர்‍ஆன் எரிப்பு நாள் 9/11: இது சரியா? தவறா?

குர்‍ஆன் எரிப்பு நாள் 9/11: இது சரியா? தவறா?

அமெரிக்காவில் புளோரிடா மாநிலத்தில் இருக்கும் ஒரு சபை, செப்டம்பர் 11ம் தேதியன்று, பன்னாட்டு குர்‍ஆன் எரிப்பு நாள் என்றுச் சொல்லி, அன்று குர்‍ஆனை எரிக்கப்போவதாக அறிக்கை வெளியிட்டு வெளியிட்டு இருக்கிறது. இதற்கு இஸ்லாமியர்கள் தங்கள் எதிர்ப்பை தெரிவித்து இருக்கிறார்கள். இதர கிறிஸ்த சபைகளும் இதற்கு எதிர்ப்பு தெரிவித்து இருக்கிறார்கள்.

இந்த குர்‍ஆன் எரிப்பு நாளை தமிழ் கிறிஸ்தவர்களாகிய நாமும் எதிர்க்கிறோம். எங்களுடைய எதிர்ப்பை தெரிவித்துக் கொள்கிறோம்.

அந்த புளோரிடா சபை போதகர் கீழ்கண்டவாறு கூறியுள்ளார், இஸ்லாம் என்பது ஒரு வன்முறை மார்க்கம், அது ஏமாற்றும் மார்க்கம் என்றுச் சொல்லியுள்ளார்.

Quote:
"We believe that Islam is of the devil, that it’s causing billions of people to go to hell, it is a deceptive religion, it is a violent religion and that is proven many, many times," church pastor Terry Jones was quoted as saying by the CNN.

http://www.hindustantimes.com/US-church-to-burn-Quran-on-Sep-11/Article1-580352.aspx

BurnQuran.jpg

அவர் சொல்வது உண்மை தான், இஸ்லாம் ஒரு தீவிரவாத மார்க்கம் தான், அது வன்முறையை தூண்டும் மார்க்கம் தான், ஆனால், நம்முடைய எதிர்ப்பை தெரிவிப்பதற்கு குர்‍ஆனை எரிப்பது என்பது சரியான வழி அல்ல‌.

புளோரிடா சபை போதகருக்கு:

புளோரிடா சபை போதகரே, உங்கள் கோபம் நியாயமானது, உலக வர்த்தக மையத்தை செப்டம்பர் 11ம் தேதியன்று இஸ்லாமிய தீவிரவாதிகள் தாக்கியது, கண்டிக்கப்படவேண்டியது தான். ஆனால், உங்கள் எதிர்ப்பை தெரிவிக்கும் விதம் சரியானது அல்ல. குர்‍ஆனை எரிப்பது சரியானது அல்ல, இது தவறானது.

குர்‍ஆன் எரிப்பதற்கு அல்ல, குர்‍ஆன் படிப்பதற்கு.

நீங்கள் உருப்படியாக ஏதாவது சமுதாயத்திற்கு நன்மை செய்யவேண்டும் என்று விரும்பினால், முதலில் இந்த குர்‍ஆனை எரிக்கும் இந்த செயலை விட்டுவிடுங்கள். இது தேவையில்லாத ஒன்று. குர்‍ஆனை எரித்து என்னத்தை சாதிக்கப்போகிறீர்கள். உங்கள் சுற்றுப்புற சூழலில், நல்ல காற்றோட்டம் இருக்கும் சூழலில் எரியும் புகையை பறக்கவிட்டு, நல்ல காற்றோட்டத்தை கெடுக்கப்போகிறீர்கள் அவ்வளவு தான்.

ஆனால், இதை விட நல்ல ஆலோசனை என்ன தெரியுமா? குர்‍ஆனை படியுங்கள், ஹதீஸ்களை படியுங்கள், முஹம்மதுவின் வாழ்க்கை வரலாறை படியுங்கள். இஸ்லாம் ஒன்றும் ராக்கெட் விஞ்ஞானம் இல்லை புரிந்துக்கொள்ள கடினம் என்றுச் சொல்வதற்கு, எனவே, குர்‍ஆனை படியுங்கள் எரிக்காதீர்கள்.

என் சமுதாயத்திற்கு நான் நன்மை செய்யவேண்டும், இஸ்லாமிலிருந்து மக்களை காப்பாற்றவேண்டும் என்று விரும்பினால், உங்கள் சபை மூலமாக இஸ்லாமிய குர்‍ஆன் வகுப்புகளை உருவாக்கி, நாட்டில் இருக்கும் கிறிஸ்தவர்கள் இஸ்லாமியர்கள் இஸ்லாம் பற்றி அறிந்துக்கொள்ள அவர்களை ஊக்குவியுங்கள். பைபிள் கல்லூரிகளில் இஸ்லாமை ஒரு பாடமாக வைத்து, அங்கு இஸ்லாம் பற்றிய உண்மையை கற்றுக்கொடுங்கள். எனனைக் கேட்டால், இஸ்லாம் பற்றி கிறிஸ்தவர்கள் அறிந்துக்கொள்வதை விட, இஸ்லாமியர்கள் தான் அதிகமாக மொத்தமாக அறிய கடமைப்பட்டு இருக்கிறார்கள். இஸ்லாமின் கையில் மாட்டிக்கொண்டு, துன்பத்தை அனுபவித்துக்கொண்டு இருப்பது அவர்கள் தான். எனவே, அவர்களுக்கு இஸ்லாம் பற்றிய முழு அறிவை புகட்டுங்கள். அதோடு கூட, இஸ்லாமியரல்லாதவர்களும் இஸ்லாமை அறிந்துக்கொள்ள உதவி செய்யுங்கள், முடிந்தது வேலை.

மக்களுக்கு இஸ்லாம் பற்றிய அறிவை புகட்டுங்கள், இஸ்லாமிய அறிஞர்கள் சொல்லும் பொய்யை உலகிற்கு தெரிவியுங்கள். இஸ்லாமிய வாதம் புரிய அனேகர் உருவாகியுள்ளனர், உதாரணத்திற்கு சாம் ஷமான், டேவிட் உட், ராபர்ட் ஸ்பென்சர் போன்றவர்கள் இருக்கிறார்கள், இவர்களை அழைத்து இஸ்லாமிய அறிஞர்களோடு பல தலைப்புக்களில் விவாதம் புரியவையுங்கள்.

முஹம்மதுவின் வாழ்க்கையை முழுவதுமாக மக்கள் அறியும்படி செய்யுங்கள்.

குர்‍ஆனை எரிப்பதை விட, அதை படிப்பதினால் அதிக நன்மை உண்டாகும் என்பது என் கருத்து.

சத்தியத்திற்கு எதிர்த்து நிற்க குர்‍ஆனுக்கு சக்தியில்லை, இஸ்லாமுக்கும் சக்தி இல்லை, எனவே, இயேசு சொன்னது போல, சத்தியத்தையும் அறிவீர்கள், அந்த சத்தியமே உங்களை விடுதலையாக்கும் என்பதை மனதில் வைத்தவர்களாக, இந்த குர்‍ஆன் எரிப்பு வேலையை நிறுத்திவிடுங்கள்.

http://www.tamilchristians.com/index.php?option=com_ccboard&view=postlist&forum=5&topic=1874&Itemid=287

1 பின்னூட்டம்

Filed under Uncategorized

வீட்டுக் கஷ்ட, நஷ்டம் தெரிஞ்ச‌ மனசாட்சி உ ள்ள ரோபோ..

Tamil news paper, Tamil daily news paper, Tamil news, Tamil movie news, Tamil news paper online, political news, business news, financial news, sports news, today news, India news, world news, daily news update

குடும்பத்தில் நிலவும் மகிழ்ச்சி, துக்க சூழ்நிலைக்கு ஏற்ப தன்னை மாற்றிக் கொண்டு செயல்படும் திறன் படைத்த ரோபோக்களை ஸ்பெயின் நாட்டு விஞ்ஞானிகள் உருவாக்கி உள்ளனர். உலக அளவில் இன்று முன்னணியில் இருக்கும் ஆராய்ச்சிகளில் நானோ தொழில்நுட்பத்துக்கு அடுத்த படியாக ரோபோ ஆராய்ச்சியை குறிப்பிடலாம். இந்த ஆராய்ச்சியில் ஜப்பான் முன்னணியில் இருக்கிறது. அந்நாட்டின் ஹோண்டா நிறுவனம் தயாரித்துள்ள அசிமோவ் ரோபோ உலகப் புகழ்பெற்றதாகும். இந்நிலையில் உயிருள்ள ஜீவன் போல சூழ்நிலைக்கு ஏற்ப தன்னை மாற்றிக் கொள்ளும் ‘ஐசாய் 1’ என்ற ரோபோவை ஸ்பெயின் நாட்டு விஞ்ஞானிகள் உருவாக்கியுள்ளனர். இது விஞ்ஞானக் கற்பனை அல்ல.. நிஜம் என்கிறார் இந்த ரோபாவை உருவாக்கிய விஞ்ஞானிகள் குழுவின் தலைவர் டீகோ கார்சியா. மனிதர்களுக்கு ஒரு துணையாகவும், பொழுதுபோக்கு அம்சமாகவும் இந்த ரோபோ உருவாக்கப்பட்டுள்ளது. மேலும் வீட்டில் உயிருள்ள நபர் போல் உணர்ச்சிகளை வெளிப்படுத்தும் வகையிலும், முடிவுகளை தாமாக சுதந்திரமாக எடுக்கும் வகையிலும் இந்த ரோபோ உருவாக்கப்பட்டுள்ளது. 25 செமீ உயரமும், ஒன்றரை கிலோ எடையும் கொண்ட இந்த ரோபோவுக்கு மனசாட்சியும் இருப்பதாக கார்சியா தெரிவித்துள்ளார்.

வீட்டில் கிடைக்கும் அனுபவத்திலிருந்து தன்னை மாற்றிக் கொள்ளும் திறன் படைத்தது இந்த ரோபோ. தொழிற்சாலையிலிருந்து சந்தைக்கு வரும் சமயத்தில் ஒரே மாதிரியாக இருக்கும் இந்த ரோபோக்கள் வீடுகளில் உபயோகப்படுத்தும் போது, இரண்டே மாதத்தில் அந்தந்த வீட்டு சூழ்நிலைக்கு ஏற்ப தன்னை மாற்றிக் கொண்டு தனிப்பட்ட அடையாளத்தை உருவாக்கிக் கொள்ளும் என்கிறார் இதனை வடிவமைத்த கார்சியா.

source:dinakaran

பின்னூட்டமொன்றை இடுக

Filed under Uncategorized

பெண்ணின் மூக்கை துண்டித்த தலிபான்கள்: ஆப ்கனில் கொடூரம்

large_56320.jpg

வாஷிங்டன் : கணவரின் வீட்டை விட்டு வெளியேறிய குற்றத்துக்காக, இளம் பெண் ஒருவரின் மூக்கு மற்றும் காது, தலிபான்களால் துண்டிக்கப்பட்ட கொடூரம் ஆப்கனில் நிகழ்ந்துள்ளது.

ஆப்கானிஸ்தான். காந்தாரக் கலைகளுக்கும், உலர் பழ விளைச்சலுக்கும் ஒருகாலத்தில் புகழ் பெற்ற தேசம் இது. இப்போது நிலைமை தலைகீழாகி விட்டது. குண்டு வெடிப்பும், துப்பாக்கிச் சத்தமும் ஆப்கன் மக்களின் ஒரு அங்கமாகவே ஆகிவிட்டது. திரும்பிய இடமெல்லாம், குண்டு வெடிப்பால் சிதைந்த கட்டடங்கள், இறுக்கமான முகங்களுடன் துப்பாக்கிகளுடன் நடமாடும் ராணுவ வீரர்கள். பீதி அகலாத கண்களுடனும், விரக்தி அடைந்த மனதுடனும் நடமாடும் மக்கள். இதுதான் இன்றைய ஆப்கானிஸ்தானின் அடையாளங்கள். அழகு மிகுந்த அந்த தேசம், தற்போது உருக்குலைந்து போய் கிடக்கிறது.

கடந்த சில ஆண்டுகளுக்கு முன், தலிபான் அமைப்பின் கட்டுப்பாட்டில் இருந்தது, ஆப்கானிஸ்தான். அப்போது அவர்கள் வைத்தது தான், அங்கு சட்டம். பெண்கள் பள்ளிக்கு போகக் கூடாது என்பது உள்ளிட்ட பல்வேறு கொடுமைகள் அங்கு அரங்கேறின. கடந்த 2001ல் அமெரிக்காவின் நியூயார்க் இரட்டை கோபுரத்தின் மீது, பயங்கரவாதிகள் தாக்குதல் நடத்திய பின், அமெரிக்கா உள்ளிட்ட பல்வேறு நாடுகளைச் சேர்ந்த ராணுவம், ஆப்கனில் குவிக்கப்பட்டது. நீண்ட போராட்டத்துக்கு பின், தலிபான்களின் பிடியில் இருந்து ஆப்கன் விடுவிக்கப்பட்டது. இருந்தாலும், தலிபான்களின் ஆதிக்கம் இன்னும் அங்கு கொடிகட்டி பறக்கிறது. தலிபான்களின் கொடூரத்துக்கு ஆளான ஆப்கன் இளம்பெண் ஒருவரை பற்றிய விஷயம் தான், தற்போது உலக நாடுகள் அனைத்தையும் அதிர்ச்சியில் உறைய வைத்துள்ளது. அமெரிக்காவின் "டைம்’ பத்திரிகையைச் சேர்ந்த குழு, ஆப்கனுக்கு சென்று, பாதிக்கப்பட்ட பெண்ணிடம் பேட்டி எடுத்து, அவரது புகைப்படத்தையும் வெளியிட்டுள்ளது.

அது குறித்த விவரம்:

பீபி ஆயிஷா: அந்த இளம்பெண்ணின் பெயர் பீபி ஆயிஷா. தற்போது அவருக்கு 18 வயதாகிறது. ஏழ்மையான குடும்பத்தில் பிறந்தவர். பத்து வயதாகும்போதே, தலிபான் அமைப்பைச் சேர்ந்த ஒருவருக்கு திருமணம் செய்து வைத்து, ஆயிஷாவை பணத்துக்காக விற்பனை செய்து விட்டார், அவரது தந்தை. அதற்கு பின், இரண்டு ஆண்டுகளுக்கு நினைத்துக் கூட பார்க்க முடியாத அளவுக்கு கொடுமைகளை சந்தித்தார், ஆயிஷா. கணவரின் தந்தை, சகோதரர்கள் உள்ளிட்டோர் ஆயிஷாவை தினமும் கொடுமைப் படுத்தி வந்தனர்.

வீட்டை விட்டு வெளியேறினார்: ஒரு கட்டத்தில், இங்கிருந்து எப்படியாவது வெளியேறி விடவேண்டும் என்று முடிவெடுத்தார். அங்கிருந்து தப்பிச் சென்றார். ஆனால், இந்த நிம்மதி அவருக்கு நீண்ட நாள் நீடிக்கவில்லை. கடந்தாண்டு அவரது கணவர், ஆயிஷாவை கண்டு பிடித்து விட்டார். ஒருஜ்கான் என்ற இடத்தில் செயல்பட்டு வந்த தலிபான் கோர்ட் முன், ஆயிஷா நிறுத்தப்பட்டார். வீட்டை விட்டு ஓடிப்போன குற்றத்துக்காக ஆயிஷாவின் மூக்கையும், காதையும் அறுக்கும்படி தலிபான் கோர்ட், கடுமையான தண்டனை விதித்தது.

மூக்கு வெட்டப்பட்டது: உயரமான மலைப் பகுதிக்கு அவர் அழைத்துச் செல்லப்பட்டார். ஆயிஷாவின் கணவரின் சகோதரரும், மற்றவர்களும் அவரை கீழே படுக்க வைத்து, அசையவிடாமல் பிடித்துக் கொண்டனர். பின், அவரது கணவர் கத்தியுடன் வந் தார். முதலில் ஆயிஷாவின் காதை கத்தியால் வெட்டினார். இதன்பின், அவரது மூக்கையும் துண் டித்தார். வலியால் கதறித் துடித்தார், ஆயிஷா. இறந்து விடுவார் என, நினைத்து அவரை மலைப் பகுதியிலேயே விட்டு, விட்டு போய்விட்டனர்.

இதன்பின், எப்படியோ அங்கிருந்து தப்பிச் சென்றார். காபூலில் பெண்களுக்காக தன்னார்வ தொண்டு நிறுவனத்தால் நடத்தப்படும் அகதிகள் முகாமில், ஆயிஷா தஞ்சம் அடைந்தார். அங்கு அளிக்கப்பட்ட சிகிச்சையால் சேதமான உறுப்புகளுடன் தற்போது உயிர் வாழ்கிறார். கடந்த சில மாதங்களாக அங்கு தான் அவர் தங்கியுள்ளார். அகதிகள் முகாமுக்கு ஏராளமான மீடியாக்காரர்கள் வந்து சென்றனர். அவர்களுக்கு, ஆயிஷாவின் பரிதாப நிலை குறித்து தெரியவந்தது. இதற்கு பின், அமெரிக்காவின் "டைம்’ பத்திரிகையில், சிதைந்த முகத்துடன் ஆயிஷா விரக்தியுடன் காட்சி தரும் புகைப்படங்கள் வெளியாயின. இந்த பரிதாப காட்சியை பார்த்த மக்கள், அதிர்ச்சியில் உறைந்து விட்டனர்.

மறுவாழ்வு: இதுகுறித்த தகவல், அமெரிக்காவில் உள்ள பல்வேறு அமைப்புகளுக்கும் தெரியவந்தது. நல்ல உள்ளம் கொண்ட சிலர், ஆயிஷாவின் சிதைந்த மூக்கு மற்றும் காதை அறுவை சிகிச்சை மூலம் சரிசெய்ய முன்வந்தனர். இதற்கு ஆயிஷாவும் சம்மதித்தார். இதற்காக அவர் விரைவில் அமெரிக்காவுக்கு செல்லவுள்ளார். பயங்கரவாதத்துக்கு தன் முகத்தையே விலையாக கொடுத்த ஆயிஷா, "டைம்’ பத்திரிகை குழுவிடம் கூறுகையில், "தலிபான் அமைப்புடன் சில ஒப்பந்தங்களை செய்து கொள்ள முடிவு செய்துள்ளாக அதிபர் கர்சாய் தெரிவித்துள்ளார். ஆனால், மிகக்கொடூரமாக நடந்து கொள்வோரிடம் எப்படி இணக்கமாக வாழ முடியும். என்னை அந்த நிலைக்கு ஆளாக்கியவர்கள் அவர் கள் தானே’ என, தனது சிதைந்த முகத்தை விரல்களால் தொட்டுக் காட்டி விரக்தியுடன் பேசினார்.

source:dinamalar

பின்னூட்டமொன்றை இடுக

Filed under Uncategorized

கிறிஸ்தவராக மாறியிருக்கும் இலங்கைச் சிற ுமிக்கு வழக்கில் வெற்றி!


girl00004_200_200.jpg

இஸ்லாம் மார்க்கத்தில் இருந்து மாறி கிறிஸ்தவராக வாழ்ந்து வரும் இலங்கைச் சிறுமி

ரிப்கா பாரியை பெற்றோரிடம் ஒப்படைக்க முடியாது என்று அமெரிக்க நாட்டு சிறுவர் நீதிமன்றம் ஒன்று இன்று தீர்ப்பளித்துள்ளது.

கிறிஸ்தவ மார்க்கத்துக்கு மாறி இருக்கின்றமையால் பெற்றோரால் கொல்லப்படலாம் என்று அச்சம் வெளியிட்டுள்ளார் அமெரிக்காவில் வாழும் இலங்கையரான ரிப்காபரி .கிறிஸ்தவராக கடந்த வருடம் மாறிய பின் பெற்றோரிடம் இருந்து பிரிந்து சென்று கிறிஸ்தவ பாதிரிமாருடன் வாழ்ந்து வருகின்றார்.

இவர் ஒரு புற்று நோயாளி. ஆனால் கிறிஸ்தவ வழிபாடு நோயைக் குணப்படுத்து விடும் என்று பரிபூரணமாக நம்புகின்றார். இதனால் நோய்க்கு எந்தவொரு சிகிச்சையுமே எடுப்பதில்லை. இவருக்கு அடுத்த வாரம்தான் 18 வயது ஆகின்றது. இந்நிலையில் இன்னமும் 18 வயது பூர்த்தியாகாத மகளை அவர்களிடம் ஒப்படைக்க வேண்டும் என்று கோரி பெற்றோர் அமெரிக்காவின் சிறுவர் நீதிமன்றம் ஒன்றில் வழக்குத் தாக்கல் செய்துள்ளனர்.

ரிப்காக்கு புற்றுநோய்ச் சிகிச்சையை கட்டாயம் வழங்க வேண்டி இருக்கின்றமையால் பெற்றோரிடம் அவரை ஒப்படைக்க வேண்டும் என்று அந்நீதிமன்றில் தாக்கல் செய்யப்பட்டிருக்கும் மனுவில் தெரிவிக்கப்பட்டுள்ளது.

இச்சிகிச்சையை எடுக்காவிட்டால் மகளின் உயிருக்கு ஆபத்து நேரலாம் என்றும் மனுவில் குறிப்பிட்டுள்ளனர். ஆனால் பெற்றோருடன் சென்றால் பெற்றோரால் கொல்லப்பட்டு விடுவார் என்றும் கிறிஸ்தவ மதம் மீதான நம்பிக்கை நோயைக் குணப்படுத்தி விடும் என்றும் ரிப்கா நீதிமன்றுக்கு எழுத்துமூலம் விளக்கம் கொடுத்துள்ளார். 18 வயதாகி விட்டால் ரிப்கா சுயமாக முடிவுகளை எடுக்கலாம் என்பது குறிப்பிடத்தக்கது.

இந்நிலையில் இவ்வழக்கின் தீர்ப்பு இன்று வழங்கப்பட்டது. அத்தீர்ப்பில் சிறுமியின் நலன் கருதி அவரை பெற்றோருடன் சேர்த்து விட முடியாது என்றும், இலங்கைக்கு நாடு கடத்த முடியாது என்றும் நீதிபதி அறிவித்துள்ளார். இத்தீர்ப்பின் மூலம் அமெரிக்காவில் பிரஜாவுரிமை பெறும் வாய்ப்பு இச்சிறுமிக்கு 18 வயதை அடைந்த பின் உண்டு என்று அங்கிருந்து கிடைக்கும் செய்திகள் தெரிவிக்கின்றன

source

பின்னூட்டமொன்றை இடுக

Filed under Uncategorized

கம்ப்யூட்டருக்குப் புதியவரா வேர்டில் பை ண்ட் அண்ட் ரீப்ளே

computer004c.jpg

கம்ப்யூட்டருக்குப் புதியவரா வேர்டில் பைண்ட் அண்ட் ரீப்ளேஸ்

ஆவணங்கள் தயாரிப்பதில் வேர்ட் தரும் வசதிகளில், மிக முக்கியமானது, அதிக பயனுள்ளதாகவும், பலரால் கருதப்படுவது, அதன் பைண்ட் அண்ட் ரீபிளேஸ் (Find and Replace) ஆகும். ஓர் ஆவணத்தின் மொத்த பக்கங்களிலும், குறிப்பிட்ட ஒரு மாற்றத்தை, ஜஸ்ட் ஒரு கிளிக் செய்வதன் மூலம் மேற்கொள்ளலாம். இந்த வசதி குறித்து இங்கு காணலாம். வேர்ட் தொகுப்பில் டாகுமெண்ட் தயாரித்த பின்னர் எடிட் செய்கையில், ஏற்கனவே பயன்படுத்தப்பட்ட சொல் ஒன்றுக்குப் பதிலாக இன்னொரு சொல் ஒன்றினைப் போட விரும்புகிறீர்கள். அப்போது கர்சரை ஒவ்வொரு லைனாக இழுத்துச் சென்று அந்த சொல்லைத் தேடி, அதை அழித்துவிட்டு மீண்டும் புதிய சொல்லை டைப் செய்வது நம் நேரத்தை வீணடிக்கும் செயலாக இருக்கும். இதற்கெனவே வேர்ட் தொகுப்பில் Find and Replace என்றொரு வசதி உள்ளது. முதலில் அந்த சொல்லைத் தேட வேண்டிக் கொடுக்கும் கட்டளையைப் பார்க்கலாம். இதற்கு Edit மெனு சென்று அதில் Find கட்டளையைத் தேர்ந்தெடுக்கவும். அல்லது இதற்கென உள்ள Ctrl+F என்ற ஷார்ட் கட் கீயைப் பயன்படுத்தவும். இப்போது எந்த சொல்லைத் தேட என்று கேட்டு அதற்கென ஒரு நீள் கட்டம் இருக்கும். அதில் கர்சர் துடித்துக் கொண்டிருக்கும். அதில் தேடி அறிய வேண்டிய சொல்லை டைப் செய் திடலாம். இந்த சொல் 255 கேரக்டர்களுக்குள் இருக்க வேண்டும். இது ஒரு எழுத்தாகவோ, சொல்லாகவோ அல்லது நிறுத்தக் குறிகளாகவோ, ஸ்பெஷல் கேரக்டர்க ளாகவோ இருக்கலாம். அதன்பின் Replace என்ற கட்டத்தில் எந்த சொல்லைப் புதிதாய் அமைக்க வேண்டுமோ அதனை டைப் செய்திடலாம். பின்னர் கீழே உள்ள கட்டங்களில் Next என்ற கட்டத்தில் கிளிக் செய்தால், அடுத்த சொல் இருக்குமிடத்தில் கர்சர் செல்லும். நீங்கள் விரும்பினால், அந்த சொல்லுக்குப் பதிலாக, புதிய சொல்லை அமைக்க, Replace என்பதில் அழுத்த வேண்டும். இவ்வாறு ஒவ்வொரு இடமாக அந்த சொல்லைத் தேடித்தேடி மாற்றி அமைக்காமல் அனைத்து இடங்களிலும் அமைக்க முடிவு செய்தால் Replace All என்பதில் கிளிக் செய்தால் போதும். உடனே அனைத்து இடங்களிலும் தேடி, அறிந்த சொல்லுக்குப் பதிலாக புதிய சொல் அமைக்கப்பட்டு டாகுமெண்ட் ரெடியாகும்.

source:dinamalar

பின்னூட்டமொன்றை இடுக

Filed under Uncategorized

இணையதளம் மூலம் விவசாயிகள் “டிப்ஸ்’ பெறலா ம்!

large_46458.jpg

விவசாயிகளின் விளைபொருட்களை சந்தைப்படுத்துவதற்கான மென்பொருளை உருவாக்கி, சர்வதேசப் போட்டியில் வென்றுள்ள ராகுல் சங்க்ஹி: ஒவ்வொரு நாட்டின் வளர்ச்சியும், விவசாயத்தைச் சார்ந்து உள்ளது. ஆனால், மற்ற நாடுகளைப் போல் இல்லாமல் நம் நாட்டில் விவசாயம் சார்ந்த விஷயத்தில் முரண்பாடுகள் உள்ளன. விவசாயத்திற்காகப் புதிதாக அரசு திட்டங்கள் தீட்டினாலும், இடைத்தரகர்களாலும், முதலாளிகளாலும், விவசாயிகள் தங்களுக்குக் கிடைக்க வேண்டிய லாபத்தை இன்னும் ஈட்ட முடியாமல் உள்ளனர். என்ன செய்தால் இந்நிலை மாறும் என்று யோசித்து வடிவமைத்த வரைவு திட்டத்திற்குத் தான் இந்த விருது.நான் கண்டுபிடித்த இந்த மென்பொருள் மூலம் இடைத்தரகர்களால் விவசாயிகள் ஏமாற்றப்படுவது தவிர்க்கப்படும். விவசாயப் பொருட்களை எப்படி விற்பது, பொருட்களின் விலை நிர்ணயம், அதை சந்தைப்படுத்தும் முறைகள், விவசாயிகளுக்குப் பயன்படும் தகவல்கள் போன்றவற் றை நான் வடிவமைத்த இணையதளம், விவசாய மக்கள் அனைவருக்கும் வழங்கும்.விவசாயிகள் தங்கள் பகுதியில் பயன்படுத்தி வரும் விவசாய முறைகளை மற்றவர்களும் பயன்பெறும் வகையில் இந்த இணையதளம் மூலம் பகிர்ந்து கொள்ளலாம். "பார்மர்ஸ் பிரேம் ஒர்க்’ என பெயரிடப்பட்டுள்ள இதில், விவசாயிகள் தங்கள் வட்டார மொழியிலேயே ஒலி வடிவிலான தகவல்களைப் பெற முடியும். மேலும், ஒளிக் காட்சி செயல்முறை விளக்கங்களும் இடம் பெறும். தொடு திரை வாயிலாகவே விவசாயிகள் இந்தத் தகவல்களைப் பெறவும் வசதி செய்யப்பட்டுள்ளது.விவசாயிகள் நேரிடையாக இணையதளத்தில் தங்களைப் பதிவு செய்து கொண்டு, இந்த இணையதளத்திலிருந்து எப்போது வேண்டுமானாலும் தங்களுக்கு வேண்டிய தகவல்களைப் பெறலாம். நாட்டில் குக்கிராமத்தில் எந்த அளவிற்கு இணையதள சேவைகள் உள்ளன என்பதைப் பொருத்தே இந்த முயற்சியின் வெற்றி உள்ளது.

ஜெயிச்சே தீரணும்!பி.பீ.ஓ., தொழில் செய்யும் ராகிலா: புதுக்கோட்டை மாவட்டம் தான் எங்களுக்கு சொந்த ஊர். தொழில் காரணமா திருவள்ளூர்ல செட்டிலான குடும்பம் எங்களுடையது. நான், எங்க அண்ணன் வீட்டில் இரண்டு குழந்தைகள். சின்ன வயதில் வெளியே போய் விளையாட அனுமதிக்காத எங்க வீட்டில், நான் எட்டாவது பாஸ் பண்ணப்போ, இனி பள்ளிக் கூடமெல்லாம் போக வேண்டாம்; படிச்சது போதும்னு சொல்லிட்டாங்க. எங்கப்பா தான் எல்லாரையும் எதிர்த்து என்னை பிளஸ் 2 முடிக்க வச்சார்.அடுத்ததா கல்லூரி போறேன்னு நான் கேட்டப்போ, எங்க வீட்டில் பெரிய போராட்டமே நடந்தது. நான் பிடிவாதமா நின்னு, ஒரு வழியா பி.எஸ்சி., முடிச்சேன். படிப்பு முடிந்த உடன் திருமணம்.என் கணவர் தாஹீர், வெளிநாட்டு மாப்பிள்ளை. திருமணத்திற்குப் பின், உள்ளூரிலேயே பிசினஸ் பண்ண முடிவெடுத்து, திருச்சிக்கு வந்து பி.வி.சி., பைப் பிசினஸ் ஆரம்பித்தார்.அந்த சமயத்தில் பேப்பர்ல வந்த, "டிடீட்சியா’வைப் பற்றிய செய்தியைப் படிச்சுட்டு, அங்கு போய் ராமசாமி தேசாய் சாரைப் பார்த்தேன்; நிறைய தொழில்களைப் பற்றி விளக்கினாங்க. வீட்டிலிருந்தே செய்யக்கூடிய பிசினசான பி.பீ.ஓ.,வை தேர்ந்தெடுத்தேன்.பல சிரமங்கள், போராட்டங்கள் எல்லாத்தையும் தாண்டி 15 கம்ப்யூட்டரை வாங்கிப் போட்டு பிசினஸ் ஆரம்பித்த சமயத்துல, பி.பீ.ஓ., சார்ந்த வேலைகளை வெளிநாடுகளுக்கு கொடுக்க மாட்டோம்னு ஒபாமா உத்தரவு போட, மொத்த பி.பீ.ஓ.,வும் முடங்கிப்போயிடுச்சு.லட்சக்கணக்கில் பணம் போட்டு பண்ணின பிசினசில், எனக்கு மிஞ்சினது நஷ்டம் மட்டும் தான். ஒரு கட்டத்தில் என் கணவரின் பிசினசையும் பாதிக்க, வேதனையில துவண்ட நான், வீட்டுக்குள்ளேயே முடங்கிட்டேன். ஆனாலும், ஜெயிச்சே தீரணும்னு மீண்டும் போராட ஆரம்பிச்சேன். முன்பை விட ராத்திரி, பகல் பார்க்காம உழைச்சேன். பி.பீ.ஓ., பத்தி தெரியாத பல விஷயங்களை கத்துக்க ஆரம்பிச்சேன். இழந்ததை மீட்டு விட்டேன்.

source;dinamalar

1 பின்னூட்டம்

Filed under Uncategorized

ஹெக்டர் அலீமை காப்பாற்றுங்கள், தூஷண சட்ட த்தை ஒழித்துக்கட்டுங்கள்


Hector Aleem: Repeal Blasphemy Law in Pakistan

ஹெக்டர் அலீமை காப்பாற்றுங்கள், தூஷண சட்டத்தை ஒழித்துக்கட்டுங்கள்

hecto_aleem_family-300x201.jpg

பாகிஸ்தான் பிரதமர் ஜிலானியிடம் அமைதி பரிசு பெற்றவர் இப்போது தூஷண குற்றச்சாட்டில் சிறையில் வாடுகின்றார்.http://www.faithfreedom.org/articles/persecution/please-save-my-father-hector-aleem/

ஹெக்டர் அலீம் என்ற பாகிஸ்தானியர், மனித உரிமை சமூகத் தொண்டராவார். இவர் முஹம்மதுவை அவமதித்தார் என்றுச் சொல்லி இவரை சிறையில் அடைத்துள்ளனர். இரண்டாண்டுகளாக இவர் சிறையில் உள்ளார். இவரது குடும்பத்தினர், தொடர்ச்சியான பயமுறுத்தல்களின் நடுவில் பயத்தோடு வாழ்ந்து வருகின்றனர்.

அலி சினா: ஹெக்டர் அலீம் என்பவரின் மூத்த மகள் எழுதிய கடிதத்தை கடந்த ஆண்டு நாம் வெளியிட்டோம். இவர் மீது தவறான குற்றம் சுமத்தி அதாவது முஹம்மது மீது அவதூறாக பேசினார் என்றுச் சொல்லி சிறையில் அடைத்துள்ளனர். ஒரு மனிதன் இப்படிப்பட்ட பிரச்சனையில் மாட்டிக்கொண்டால், அம்மனிதர் குற்றவாளி அல்ல என்று நிருபனம் ஆகும்வரை அவர் சிறையில் இருக்கவேண்டும். ஹெக்டர் இரண்டு ஆண்டு காலமாக சிறையில் உள்ளார். இவர் சிறைச்சாலையில் கொடுமைப்படுத்தப்பட்டார் தாக்கப்பட்டார், இவர் மீது குற்றம் சுமத்தியவர் ஒரு முல்லா ஆவார்.

கடந்த ஆண்டு நடந்த நீதிமன்ற அமர்வில் இவர் நிரபராதி என்று நிருபனமாகியுள்ளது. இவர் மீது குற்றம் சுமத்திய முல்லா இவ்விதமாக கூறினார்: "இவர் ஒரு நிரபராதி என்று விடுதலை ஆக்கப்பட்டால், நீதிமன்றத்திற்கு வெளியே இருக்கும் இஸ்லாமியர்கள் இவரையும், நீதிபதியையும் கொலை செய்துவிடுவார்கள். ஆகையால், இவர் மறுபடியும் சிறைச்சாலையில் அடைக்கப்பட்டார், துன்புறுத்தப்படுகின்றார்.

ஹெக்டரின் கேஸ் மறுபடியும் நீதிமன்ற அமர்வில் வந்துள்ளது. ஆனால், இவருக்காக வாதாடும் வழக்கறிஞருக்கு சம்பளம் தரவேண்டும். ஹெக்டர் இல்லாமல், இவரது குடும்பம், அதாவது மனைவி மற்றும் நான்கு பிள்ளைகள் மிகவும் கஷ்டப்படுகிறார்கள், இதில் வேறு வழக்கறிஞருக்கு கொடுப்பதற்கும் இவர்களால் முடிவதில்லை.

இறைத்தூதர் தூஷணம் என்பது மிகவும் கொடுமையான சட்டமாகும். சிறும்பான்மையினரை சட்டபூர்வமாக துன்புறுத்த இந்த சட்டம் வழிவகுக்கிறது. இஸ்லாமியரல்லாதவருக்கு இருக்கும் அனைத்து உரிமைகளையும் பரித்துக்கொள்ளவேண்டுமானால், இவர்கள் முஹம்மதுவைப் பற்றி அவதூறாக பேசினார்கள் என்றுச் சொன்னாலே போதும். உண்மையாகவே, சிறும்பான்மையினர் தவறு செய்திருக்கவேண்டியதில்லை, இந்த குற்றம் சுமத்தினாலே போதும், சிறையில் அடைக்கப்படுவார்கள், துன்புறுத்தப்படுவார்கள் மற்றும் கொடுமைப்படுத்தப்படுவார்கள். அவரது குடும்பம் பயமுறுத்தப்படும் மற்றும் அவரது பொருளாதார வாழ்க்கை அழிந்துவிடும். அவர் ஒரு வேளை தன் மீது குற்றம் இல்லை என்றுச் சொல்லி நிருபித்து சிறையிலிருந்து வெளியே வந்தாலும் சரி, அவரை கொல்ல ஒரு இஸ்லாமிய கூட்டம் நீதிமன்றத்திற்கு வெளியே காத்துக்கொண்டு இருக்கும். இதே போலத் தான் இரண்டு கிறிஸ்தவ சகோதரர்கள் பைசலாபாத் நீதிமன்றத்திலிருந்து காவல்துறையின் பாதுகாப்புடன் வெளியே வந்தபோது, ஒரு இஸ்லாமிய தீவிரவாதிகளால் சுட்டுக்கொல்லப்பட்டார்கள் (ஜூலை 19).

இறைத்துதர் தூஷணச்சட்டம் என்பது அருவருக்கத்தக்கது. இது மனித உரிமைக்கு கேடு விளைவிப்பது. உலகத்தில் உள்ள சுதந்திரமான நாடுகள் அனைத்தும் ஒன்று சேர்ந்து பாகிஸ்தானின் இப்படிப்பட்ட சட்டத்தை இரத்து செய்துக்கொள்ளும் படி நிர்பந்தம் செய்யவேண்டும். இஸ்லாமிய நாடுகளில் அதிகமாக தீவிரவாதிகளை தயார்படுத்துவதில் பாகிஸ்தானை யாரும் மிஞ்ச முடியாது.

ஹெக்டர் அலீம் அவர்களின் குடும்பம் மிகவும் கவலையில் ஆழ்ந்துள்ளது. அவர்களுக்கு உதவி தேவை. ஹெக்டரின் மனைவி ஒரு மருத்துவ மனையில் வேலை செய்கிறார்கள், ஆனால், அவருக்கு கிடைக்கும் சம்பளத்தில் தன் குடும்பத்தை காப்பாற்றவும், அதே நேரத்தில் வழக்கறிஞருக்கு சம்பளம் தரவும் போதுமானதாக இல்லை. உங்களுடைய பொருளாதார உதவி இந்த குடும்பத்திற்கு தேவை. தாராளமாக இவர்களுக்கு கொடுங்கள். பேபால் என்ற தொடுப்பு இங்கு உள்ளது, இதன் மூலம் இவர்களுக்கு பண உதவி செய்யலாம்.

Paypal: http://tinyurl.com/hectoraleem

நீங்கள் மெஹ்விஷ்ஷிற்கு கடிதம் எழுதலாம் மற்றும் உங்கள் ஆதரவை தெரிவிக்கலாம். நம்முடைய மனிதாபமானத்தை காட்டக்கூடிய சந்தர்ப்பம் இப்போது வந்துள்ளது.

Mehwishaleem @ gmail.com

உங்கள் பாராளுமன்றத்தின் உறுப்பினர்களையும் (எம்பி) சட்டசபை உறுப்பினர்களையும் இன்னுமுள்ள அதிகாரிகளையும் சந்தித்து அவர்களுக்கு பாகிஸ்தானில் மனித உரிமை பறிக்கப்படுகின்றது பற்றி தெரிவியுங்கள்,பேசுங்கள். ஐரோப்பிய பாராளுமன்றங்கள் இஸ்லாமிய நாடுகளில் நடக்கும் இப்படிப்பட்ட மனித உரிமை மீறல்கள் பற்றி பேசக்கூடிய சமயம் வந்துவிட்டது. அமெரிக்க, கனடா மற்றும் ஆஸ்திரேலியா போன்ற நாடுகள் இறைத்தூதர் தூஷண சட்டத்தை கண்டித்து, இப்படிப்பட்ட இஸ்லாமிய நாடுகளில் சிறைச்சாலையில் வடும் நபர்களையும்,கொல்லப்படும் நபர்களையும் காப்பாற்ற முன்வரவேண்டும்.

இந்த செய்தியை பரவலாக்குங்கள். ஹெக்டர் அவர்களின் ஃபேஸ்புக் தளம் இங்குள்ளது:

Facebook http://www.facebook.com/group.php?gid=298776303670

இன்னும் பாகிஸ்தான் எம்பஸ்ஸியுடனும், அதிகாரிகளுடனும் தொடர்பு கொண்டு, தொலை பேசி மூலமாகவோ ஈமெயில் மூலமாகவோ தொடர்பு கொண்டு பாகிஸ்தானில் நடக்கும் மனித உரிமை அத்துமீறல்கள் பற்றி தெரிவியுங்கள்.

உடனடியாக, ஹெக்டர் அலீமை விடுதலையாக்கும் படியும், தூஷண சட்டத்தை நீக்கவும் வேண்டி கோரிக்கை விடுங்கள். இறைவன் தன்னை காப்பாற்றிக்கொள்ள மனிதர்களின் உதவியை நாடமாட்டான். தூஷணச் சட்டம் என்பது சட்டபூர்வமாக்கப்பட்ட கொடுமைப்படுத்தலாகும். இந்த காலகட்டத்தில் இப்படிப்பட்ட சட்டத்திற்கு இடமே இல்லை.
இதர விவரங்கள்

1.ppp

2.Supreme Court of Pakistan (பாகிஸ்தான் உச்ச நீதிமன்றம்)
Constitution Avenue, Islamabad
Telephone: 051-9220581-9220600
Fax: 051-9213452

3. secretarygeneral

4.chairman

5. Mr. Syed Yousaf Raza Gillani
Prime minister of Pakistan
Prime Minister House, Islamabad
PAKISTAN
Fax: + 92 51 9221596
E-mail: webmaster

6. Federal Minister of Law
Justice and Human Rights
S Block, Pakistan Secretariat, Islamabad
PAKISTAN
Fax: +92 51 920 2628
E-mail: minister

7.Mr. Rehman Malik
Advisor for Ministry of Interior
Room No. 404, 4th Floor, R Block,
Pak Secretariat
Islamabad
PAKISTAN
Fax: +92 51 920 2624
Tel: +92 51 921 2026
E-mail: minister

8.Mr. Mian Shahbaz Sharif
Chief Minister of Punjab
H-180 Model Town, Lahore
PAKISTAN
Fax: +92 42 5881383

9. Minister of Law
Government of Punjab
Punjab Secretariat
Ravi Road
Lahore
PAKISTAN
E-mail: law

10.Chief Secretary of Government of Punjab
Punjab Secretariat
Lahore
PAKISTAN
Fax: +92 42 7324489
E-mail: chiefsecy

11.Dr. Faqir Hussain
Registrar
Supreme Court of Pakistan
Constitution Avenue, Islamabad
PAKISTAN
Fax: + 92 51 9213452
E-mail: mail

12.Mr. Syed Hamid Saeed Kazmi
Minister for Religious Affairs
Islamabad
PAKISTAN
Tel: +92 51 9214856 / 9206982
Fax: +92 51 9213593
E-mail: mra.hajj

Source: http://www.faithfreedom.org/features/news/helo-hector-aleem-repeal-blasphemy-law-in-pakistan/

During this time Hector Aleem received a Peace award by Mr. Yousaf Raza Gillani the prime minister of Pakistan. One month later, on 21st January, 2009 he was arrested by the police. They severely beat him and tortured him mentally and physically. After 24 hours of not knowing what were the charges, we were told that his offence is blasphemy, a charge that caries death penalty in Pakistan.

பாகிஸ்தான் பிரதமர் ஜிலானியிடம் அமைதி பரிசு பெற்றவர் இப்போது தூஷண குற்றச்சாட்டில் சிறையில் வாடுகின்றார்

http://www.tamilchristians.com/index.php?option=com_ccboard&view=postlist&forum=5&topic=1867&Itemid=287

பின்னூட்டமொன்றை இடுக

Filed under Uncategorized

கிரிக்கெட் மட்டையிலும் ரத்தக் கறையே மிஞ் சியுள்ளது

ஸ்ரீலங்கா ஏர்லைன்ஸ் நிறுவனத்தோடு இணைந்து, லண்டனில் கிரிக்கெட் விளையாட்டுப் போட்டிகளை நடாத்த சில தமிழ் அமைப்புகள் பிரயத்தனம் மேற்கொண்டு வருகின்றன என்பதை நாம் சில தினங்களுக்கு முன்னர் வெளியிட்டிருந்தோம். செப்டெம்பர் மாதம் 11ம் திகதி இப் போட்டிகள் நடக்கவிருப்பதாக அதிர்வு இணையம் அறிகிறது. அதாவது லண்டனில் விளையாட்டுப் போட்டிகளை நடத்த ஸ்ரீலங்கன் ஏர் லைன்ஸ் நிறுவனம் இவர்களுக்கு அனுசரணை கொடுத்துள்ளதாம், தமிழ் வர்த்தகர்கள் தமக்கு அனுசரணை வழங்க முன்வரவில்லை அதனால் தாம் பேரினவாதிகளிடம்(சிங்களவர்களிடம்) அனுசரணையைப் பெற்றோம் என்று சாக்குப் போக்குகளைச் சொல்கிறார்கள் இந்த தமிழ் விளையாட்டுக் கழகங்கள்.

தமிழ் விளையாட்டுக் கழகங்கள் பல லண்டனில் இருந்தாலும், தற்போது இலங்கை அரசோடு கிரிக்கெட் விளையாட்டுப் போட்டிகளை நடத்தியே தீருவேன் எனக் கங்கணம் கட்டி அலைவது, மிடில்செக்ஸ் தமிழர் விளையாட்டுக கழகம்(MTSSC). லண்டன் மிடில் செக்ஸ் மாகாணத்தில் வாழும் தமிழர்கள் வெட்கி நாணும் வகையில் இவர்கள் செயல் அமைந்துள்ளது. ஆரம்பத்தில், பிற தமிழர் விளையாட்டுக் கழகங்கள் இதில் பங்கேற்க இருந்தது இருப்பினும் யதார்த்தத்தை புரிந்துகொண்டு அவர்கள் பின்னர் விலகிக்கொண்டனர்.

முதலில் ஸ்ரீலங்கா ஏர்லைன்ஸ் நிறுவனம் ஏன் லண்டனில் விளையாட்டுப்போட்டி நடத்தவேண்டும்?

இலங்கையில் இருக்கும் ஸ்ரீலங்கா ஏர்லைன்ஸ் நிறுவனம் லண்டனில் தமிழர்களோடு சேர்ந்து விளையாட்டு விழாவை நடாத்தி அரசியல் ஆதாயம் தேட முற்படுகிறது என்பது, யாவரும் அறிந்த விடயம். ஆனால் மிடில்செக்ஸ் தமிழர் விலையாட்டுக் கழகமோ தமக்கும் அரசியலுக்கும் சம்பந்தமில்லை, விளையாட்டுத் துறையோடு அரசியலை சேர்க்கவேண்டாம் என்று வாதாடுகிறார்கள். தாம் செய்வதை நியாயப்படுத்த முயல்கிறார்கள். லண்டனில் விளையாட்டு விழா நடாத்த இருக்கும் ஸ்ரீலங்கா ஏர்லைன்ஸ் நிறுவனம் ஏன் இந்த வன்னி மாணவர்களுக்கு உதவக் கூடாது???? படிப்பதற்கு மேசை கதிரை கூட இல்லாமல், மரத்தடி நிழலில் அமர்ந்து படிப்பது தமிழர்கள். அவர்களுக்கு உதவலாமே,

சரி, ஸ்ரீலங்கா ஏர்லைன்ஸ் நிறுவனத்தை விட்டுவிடுவோம் அவர்கள் பேரினவாதிகள், வன்னி மாணவர்களுக்கு ஏன் உதவவேண்டும். ஆனால் லண்டனில் உள்ள தமிழர் விளையாட்டுக் கழகங்களுமா தமிழ் மாணவர்களைப் புறக்கணிக்கவேண்டும்? லண்டனில் விளையாட்டுப் போட்டிகளை நடாத்தும் காசுக்கு, பதிலாக அந்தக் காசில் ஒரு சிறுதொகையை பாவித்தால் கூட இம் மாணவர்கள் ஒழுங்காகக் கல்வி கற்பார்களே! இது போன்ற வன்னிப் பாடசாலைகளுக்கு வெளிநாடுகளில் பழைய மாணவர் சங்கங்கள் இல்லை, இருந்திருந்தால் அவர்கள் உதவி இருப்பார்கள்.

தமிழ் மாணவர்கள் ஆலமரத்தடியிலும், அரச மரத்தடியிலும் கல்வி கற்க, பெரும் பொருட்செலவில் ஆடம்பர விளையாட்டுப் போட்டிகளை நடாத்துவதால் என்ன பயன். அதுவும் எமது இனத்தை அழித்தொழித்த, எமது தமிழ் பாடசாலைகள் மீது குண்டுமழை பொழிந்த, எமது இனத்தை கருவறுக்க துடிக்கும் பேரினவாத சிங்களவனோடு கிரிக்கெட் விளையாடத் துடிக்கும் முதுகெலும்பற்ற தமிழர்களே பாருங்கள்! உங்கள் விளையாட்டுக் கழகங்கள் என்ன செய்கின்றன என்று பாருங்கள்.

பரமேஸ்வரன் பேகரை உண்டார் என பிரித்தானிய பத்திரிகைகள் செய்தி வெளியிட்டபோது, தமிழன் உண்ணாவிரதத்தின்போது உணவு உண்டான் என சிங்களப் பத்திரிகைகள் செய்தி வெளியிட்டிருந்தன. பின்னர் அவர் அந்த வழக்கில் வெற்றி பெற்றதும், அதே பத்திரிகைகள் கொஞ்சம் கூடக் நாக் கூசாமல் ""இலங்கையர் ஒருவர் வழக்கில் வென்றுவிடார்"" என்று மார்தட்டுகிறது. தாழ்ந்த செயல் என்றால் தமிழன், வெற்றிபெற்றால் "இலங்கையர்" ஆகிவிடுகிறார் அவர். இதுவே சிங்களவரின் பாதை! இதை இன்னுமா உணரவில்லை நாங்கள்?

யுத்தக் குற்றங்களை கிரிகெட் மட்டைக்குள் மறைக்க நினைக்கும் சிங்களம், தமிழன் தலையில் மிளகாய் அரைக்க நினைக்கிறது. இதனை அறியாமல் சிலர் இயங்குகிறார்கள் என்று கூறவே முடியாது. அனைத்தையும் அறிந்தே இவர்கள் நடந்துகொள்கிறார்கள். இலங்கை அரசு போடும் பிச்சைக் காசுக்கும், தமது சொந்தச் செல்வாக்குக்காகவும் தமிழன் மானத்தை அடகுவைக்கும் இவர்கள் போன்ற நபர்களையும், விளையாட்டுக் கழகங்ளையும் தமிழர்கள் புறக்கணிக்கவேண்டும்! தகுந்த பாடத்தை புகட்டவேண்டும்! வருங்காலத் தூண்களாக அமையும் தமிழ் மாணவச் சமூகத்தை கட்டி எழுப்பவேண்டும், வன்னியிலும், பிற மாவட்டங்களிலும் அல்லலுறும் தமிழ் மாணவர்களுக்கு உதவுங்கள்! அவர்களை முன்னேற்றுவதன் மூலமே எமது சமுதாயம் முன்னேறும், கட்டமைப்பு ஒன்று உருவாகும்! எழுச்சி பெருகும், எமது இலட்சியம் நனவாகும்!

அதிர்வின் ஆசிரியபீடம்

source:அதிர்வின் ஆசிரியபீடம்

பின்னூட்டமொன்றை இடுக

Filed under Uncategorized