Monthly Archives: ஓகஸ்ட் 2010

நாம் நினைப்பதை கண்டுபிடிக்கும் புதிய கம ்ப்யூட்டர் இன்டெல் அறிமுகப்படுத்துகிறது

390393.jpg
நியூயார்க் : இணையத்தில் தேட வேண்டுமா , உதவியாளருக்கு கடிதம் எழுதுவதற்கான வாக்கியங்கள் கூற வேண்டுமா மனதில் நினைத்தால் மட்டும் போதும். என்ன நினைக்கின்றீர்கள் என்பதை மூளையை படிப்பதன் மூலம் கண்டுபிடித்து செய்து கொடுத்து விடுமாம் கம்ப்யூட்டர்கள். கம்ப்யூட்டர் தொழில்நுட்பத்தின் அதிமேதாவியான இன்டெல் நிறுவனத்தை சேர்ந்த பொறியியல் வல்லுனர்கள் இது போன்றதொரு பணித்திட்டத்தில் இறங்கியுள்ளனர். இனிமேல் மவுஸ், கீபோர்ட் வைத்து நீங்கள் வேலை செய்ய வேண்டாம். கற்பனை மட்டும் செய்யுங்கள் போதும் எங்கள் கம்ப்யூட்டர் அனைத்தையும் செய்து கொடுக்கும் என்கின்றனர் இந்த பணித்திட்டத்தில் ஈடுபட்டுள்ளோர். இதற்காக கணினியை பயன்படுத்துவோரின் மூளையைப் பற்றிய விபரமான வரைபடக் குறிப்பு ஒன்றை உருவாக்கி மனிதன் என்ன நினைக்கும் போது எந்த வகையான மாற்றம் மூளையில் உருவாகும் என்பதையும் ஆராய்ச்சி செய்துள்ளனர் இந்த வல்லுனர்கள். ஆரம்ப கட்ட சோதனை முடிவுகளின் படி நினைப்பதை கண்டறிந்து அதை வார்த்தைகளாக மாற்ற முடியும் என்பது தெரிய வந்துள்ளதாகவும் இன்டெல் கூறுகிறது

source:dinamalar

பின்னூட்டமொன்றை இடுக

Filed under Uncategorized

சிறந்த இணைய உலாவி எது ?

E_1282556935.jpeg

இன்டர்நெட் உலாவிற்கு ஏற்ற பிரவுசர் தொகுப்பு எது? இன்டர்நெட் எக்ஸ்புளோரர், பயர்பாக்ஸ், குரோம், ஆப்பரா அல்லது சபாரி? இவற்றில் எது சிறந்தது? எதனைக் கொண்டு இதனை முடிவு செய்வது? அம்சங்கள், வசதிகள், வேகம், புதுமையாக உதவிடும் வசதிகள், வளைந்து கொடுக்கும் தன்மை எனப் பலவற்றை நம் பிரவுசர்கள் நமக்குத் தர வேண்டும் என எதிர்பார்க்கிறோம். சில அடிப்படைக் கூறுகள் சிலவற்றில் அதிகமாகவும், சிலவற்றில் குறைவாகவும் உள்ளனவே! ஒவ்வொன்றாக இவற்றை இங்கு காணலாம்.
வெப் பிரவுசர் என்னும் இணைய உலாவித் தொகுப்புகள் தொடக்க காலத்தில் வந்தது போல் இப்போது இருக்க முடியாது. இன்டர் நெட்டின் தளத்தி லிருந்து டெக்ஸ் ட்டை எடுத்து உங்கள் மானிட்டரில் காட்டுவதோடு பழைய காலத்து பிரவு சரின் வேலை முடிந்து விட்டது. இப்போது ஒவ்வொரு வரும் குடி இருக்கும் இடமே இணைய தளங்கள் என்றாகிவிட்டன. அன்றாடப் பணிகளும் சிறப்பு வேலைகளும் இணையத்தில் தான் நடைபெறுகின்றன. எனவே பிரவுசர்கள் சந்திக்கும் சவால்களும் கடுமையாகிவிட்டன. ஆவணங்களைத் தயார் செய்து திருத்தவும், பயணங்கள் மேற்கொள்ளவும், பிரியாணி ஆர்டர் செய்து சாப்பிடவும், மாப்பிள்ளை பெண் பார்க்கவும், திருமண நிச்சயதார்த்தத்தினை அறிவிக்கவும், நடந்த திருமணத்தைக் காட்டவும் என ஒவ்வொன்றுக்கும் ஒரு வெப்சைட் உள்ளது. இவை எல்லாவற்றிற்கும் ஈடு கொடுத்து ஒரு இணைய உலாவித் தொகுப்பு இயங்க வேண்டியுள்ளது. வேகமாக இயங்கவில்லை என்றால், பயணத்திற்கு டிக்கட் கிடைக்காமல் போய்விடும். சரியாகத் தகவல் போய்ச் சேரவில்லை என்றால், திருமண வரன்கள் மாறிவிடும். எனவே இவற்றின் இயங்குதன்மை அனைத்திற்கும் ஈடு கொடுக்க வேண்டியுள்ளது.
இன்டர்நெட் எக்ஸ்புளோரர், பயர்பாக்ஸ், குரோம், ஆப்பரா அல்லது சபாரி – இவற்றில் எதனைத் தேர்ந்தெடுப்பது என்று முடிவெடுப்பது அவ்வளவு எளிய காரியம் இல்லை. அனைத்து பிரவுசர்களுமே நல்ல பயனுள்ள பிரவுசர்களே. ஒன்று மற்றதைக் காட்டிலும் சில விஷயங்களில் சிறந்ததாக இருக்கலாம். இணையதளங்களை வடிவமைப்பவர்கள், தங்களின் விருப்பத்திற்கேற்ப அல்லது தாங்கள் பயன்படுத்திக் காட்டும் தொழில் நுட்பத்திற்கேற்ப ஈடு கொடுக்கும் பிரவுசரை அவர்களின் விருப்ப பிரவுசராக தேர்ந்தெடுக்கலாம். ஆனால் இணைய உலாவிற் கெனப் பயன்படுத்துகையில், ஒவ்வொருவருக்கும் சில அடிப்படை விருப்பங்கள் நிறைவேற்றப்பட வேண்டும் என நாம் எதிர்பார்க்கலாம்.
1.குரோம் பதிப்பு 5: இணைய தளங்களை வடிவமைக்கும் புரோகிராமர்களுக்கு குரோம் பதிப்பு 5 சிறந்த தோழனாக அமைந்துள்ளது. மேலும் இருக்கின்ற பிரவுசர்களில் மிக வேகமாக இயங்கி, இணையப் பக்கங்களைத் தருவதில், குரோம் முதல் இடத்தில் உள்ளது. ஜாவாஸ்கிரிப்ட் மற்றும் எச்.டி.எம்.எல். 5 வரையறைகளை மிக சாதுர்யமாகச் சந்தித்து இயக்குகிறது. அத்துடன் அடோப் தந்துள்ள பிளாஷ் தொகுப்பில் உருவான இயக்கங்களையும் சிறப்பாக இயக்குகிறது. இதனால் குரோம் பிரவுசர் பயன்படுத்துவதில் இடையே தடை ஏற்படுவதே இல்லை.
மேலும் குரோம் ப்ளக் இன் புரோகிராம்களை எளிதாகக் கையாள்கிறது. இந்த வகையில் பயர்பாக்ஸ் பிரவுசரைக் காட்டிலும் இது திறமையுடன் செயல்படுகிறது. இதனால் குரோம் பிரவுசருக்கான ப்ளக் இன் புரோகிராம்கள் அதிக எண்ணிக்கையில் உருவாக்கப்பட்டுக் கிடைக்கின்றன.
2. பயர்பாக்ஸ் சோதனைத் தொகுப்பு 4: நெட்ஸ்கேப் பிரவுசர் சந்தையிலிருந்து மறைந்த போது, அதிலிருந்து பயர்பாக்ஸ் உருவானது. இன்டர்நெட் எக்ஸ்புளோரர் மற்றும் பிற பிரவுசர்கள், இதில் உள்ள வசதிகளைக் கண்டு காப்பி அடிக்கும் அளவிற்கு, சிறப்பாய் உருவானது. தற்போது பயர்பாக்ஸ் தன் பிரவுசர் கிராஷ் ஆகி முடங்கிப் போகாமல் இருக்க ஒரு பாதுகாப்பினை உருவாக்கித் தந்துள்ளது. இதனால் அப்போது பார்க்கப்படும் அந்த தளம் மட்டுமே முடங்கும். மற்றவற்றுடன் தொடர்ந்து நாம் பணியாற்றலாம். பயர்பாக்ஸ் பிரவுசரின் ஒரு பெரிய பலம், அதற்கென உருவாக்கப்பட்ட ஆயிரக்கணக் கான ஆட் ஆன் தொகுப்புகளும், ப்ளக் இன் புரோகிராம்களுமே. இணைய தள வடிவமைப்பாளர்கள் பயன்படுத்தும் ஜாவா ஸ்கிரிப்ட் குறியீடுகளை வேகமாக செயல்படுத்துவதில் பயர்பாக்ஸ், மற்ற பிரவுசர்களைக் காட்டிலும் பின்தங்கியே உள்ளது என்பது பலரின் குறை. ஆனால், மிக வேகமாக அவற்றை இயக்கும் வகையிலான கட்டமைப்பை விரைவில் தருவதாக மொஸில்ல்லா அறிவித்துள்ளது.
3. மைக்ரோசாப்ட் இன்டர்நெட் எக்ஸ்புளோரர் 9 சோதனைத் தொகுப்பு:
ஒரு காலத்தில் இன்டர்நெட் எக்ஸ்புளோரர் மட்டுமே அனைவராலும் இணைய உலாவிற்குப் பயன்படுத்தப்பட்டு வந்தது. அந்தக் காலம் இனி திரும்ப வருமா என்பது கேள்விக் குறியே. இதனை உணர்ந்த மைக்ரோசாப்ட், இழந்த இடத்தைப் பிடிக்க நவீன தொழில் நுட்பத்தின் அடிப்படையில், பல புதிய வசதிகளைத் தரும் முயற்சிகளில் தொடர்ந்து ஈடுபட்டு வருகிறது. டேப் வழி வசதி பல மாதங்களுக்கு முன் தரப்பட்டது. இதன் காலரியில் இப்போது பல ஆட் ஆன் தொகுப்புகள் கிடைக்கின்றன. பயர்பாக்ஸ் மற்றும் ஆப்பரா பிரவுசர்களில் தரப்பட்ட பல புதிய விஷயங்கள், இன்டர்நெட் எக்ஸ்புளோரர் தொகுப்பு 8ல் தரப்பட்டன.
இணையத்தில் உலா வருகையில், வைரஸ் மற்றும் பிற கெடுதல் தரும் புரோகிராம்களிலிருந்து, மைக்ரோசாப்ட் தன்னுடைய பிரவுசர் தொகுப்பு, மற்ற பிரவுசர்களைக் காட்டிலும் சிறந்த பாதுகாப்பினைத் தருவதாக அறிவித்துள்ளது. குரோம் பிரவுசரைக் காட்டிலும் 5 மடங்கு, பயர்பாக்ஸ் பிரவுசரைக் காட்டிலும் 2.9 மடங்கு கூடுதல் பாதுகாப்பு தருவதாக அறிவித்துள்ளது. குறிப்பாகப் புகழ்பெற்ற நிறுவனங்களின் இணைய முகவரிகளைப் போலக் காட்டிக் கொள்ளும், இணைய முகவரிகளைக் கண்டறிந்து எச்சரிப்பதில் இன்டர்நெட் எக்ஸ்புளோரர் மிகச் சிறந்தது என்று கூறியுள்ளது.
ஆனால் இந்த பெருமையை நாம் அப்படியே ஏற்றுக் கொள்ள முடியவில்லை. இப்படிக் கூறும் மைக்ரோசாப்ட், தன் பிரவுசரில் உள்ள பல பிழையான இடங்களைச் சரிப்படுத்தும் பணியைத் தொடர்ந்து மேற்கொண்டு வருகிறது. குறிப்பாக ப்ளக் இன் புரோகிராம்களுக்கு அதிக இடம் தந்ததால், அவற்றைப் பயன்படுத்தியே பலர் தங்கள் கெடுதல் விளைவிக்கும் புரோகிராம்களை அனுப்புகின்றனர்.
இருப்பினும், விண்டோஸ் ஆப்பரேட்டிங் சிஸ்டத்துடனேயே இன்டர்நெட் எக்ஸ்புளோரரும் இணைந்து வருவதால், இணைய தளத்தை வடிவமைப்பவர்கள், இந்த பிரவுசருக்கேற்றபடியாகவும் தங்கள் தளங்களை உருவாக்க வேண்டிய கட்டாயத்தில் உள்ளனர். அதிக எண்ணிக்கையில் பயன்படுத்தப்படும் பிரவுசராக, இன்னும் இன்டர்நெட் எக்ஸ்ப்ளோரர் தான் உள்ளது.
4. ஆப்பரா 10.6: ஆப்பராவின் ஒரு பெருமை அதன் அதிவேக இயக்கம் தான். மற்ற எந்த பிரவுசரைக் காட்டிலும் மிக வேகமாக இணையப் பக்கங்களை இறக்கித் தரும் பிரவுசராக இன்றும் உள்ளது. ஆனால் அதிகபட்ச அளவில் டேட்டா கிடைக்கும்போதும், கையாளப்படும்போதும் இந்த பிரவுசர் திணறுகிறது என்று பல ஆய்வாளர்கள் கருத்து தெரிவித்துள்ளனர். வேறு வசதிகளில் இது அதிகக் கவனம் செலுத்தாததால், சாதாரணமாக, இணையத்தைப் பயன்படுத்து பவரிடையே இது அவ்வளவாக எடுபடவில்லை.
5. ஆப்பிள் சபாரி 5.0: லினக்ஸ் உலகத்திலிருந்து பழைய Konqueror பிரவுசரை எடுத்து, அதில் நவீன தொழில் நுட்பத்தினை எக்கச்சக்க அளவில் புகுத்தி, விண்டோஸ் மற்றும் மேக் கம்ப்யூட்டர்களில் இயங்கும் வகையில் ஆப்பிள் நிறுவனம் சபாரி பிரவுசரைக் கொண்டு வந்தது. சபாரி ஒரு நல்ல மாற்று பிரவுசராக இன்று இடம் பெற்றுள்ளது. வேகம், கண்ட்ரோல் மற்றும் பயன்படுத்தப்பட்டுள்ள டெவலப்பர் டூல்ஸ் ஆகியவை நன்றாகவே இயங்குகின்றன. இணையப் பயனாளர் ஒருவர் விரும்பும் அனைத்துமே, சபாரி பிரவுசரில் நிச்சயம் உண்டு என்று சொல்லும் அளவிற்கு, இதனை உருவாக்கியுள்ளது ஆப்பிள் நிறுவனம். ஆனால் மற்ற பிரவுசர்களிடமிருந்து இதனைத் தனித்துக் காட்டும் வகையில் இதில் எந்த சிறப்பும் இல்லை. அடோப் நிறுவனத்துடன் ஏற்பட்டுள்ள பிரச்னையின் காரணமாக, ஆப்பிள், பிளாஷ் தொகுப்பினைக் காட்டிலும், எச்.டி.எம்.எல்.5 க்கு அதிக இடம் கொடுத்துத் தொடர்ந்து அதனைச் சிறப்பான இடம் பிடிக்க உதவி வருகிறது.
ஒவ்வொரு பிரவுசரும் ஏதேனும் சில தனிச் சிறப்பினையும், சில குறைவான வசதிகளையும் கொண்டுள்ளது. நம் தேவைகளுக்கேற்ப எது வேண்டுமோ அதனைப் பயன்படுத்திக் கொள்ளலாம். ஆனால், ஒரே பிரவுசரை மட்டுமே பயன்படுத்தாமல், ஒன்றுக்கு மேற்பட்ட பிரவுசரைக் கம்ப்யூட்டரில் பதிந்து வைத்துப் பயன்படுத்துவதே நமக்கு வசதியாகவும் பயனுடையதாகவும் இருக்கும்.

source:dinamalar

பின்னூட்டமொன்றை இடுக

Filed under Uncategorized

ஃப்ளாஷ் ட்ரைவில் ஆன்ட்டி வைரஸ்

E_1282556954.jpeg

பிளாஷ் ட்ரைவின் கொள்ளளவுத் திறன் உயர்ந்து வருவதனால், இப்போதெல்லாம் புரோகிராம்களை, அதில் பதிந்து வைத்து இயக்குவது எளிதாகிறது. வைரஸ் எதிர்ப்பு மற்றும் ஸ்பைவேர் எதிர்ப்பு புரோகிராம்களை இதில் பதிந்து இயக்கும் வகையில் கிடைத்தால் நல்ல பயனுடைத்ததாய் இருக்கும் அல்லவா!
நாம் அடிக்கடி பொது மையங்களில், இதுவரை செல்லாத அலுவலகங்களில் உள்ள கம்ப்யூட்டர்களைப் பயன்படுத்தும் கட்டாயத்திற்கு உட்படுத்தப் படுகிறோம். அப்போது அதில் உள்ள வைரஸ் மற்றும் ஸ்பைவேர் புரோம்கிராம்களுக்கு எதிரான தடுப்புகளை நாம் கட்டாயப்படுத்த முடியாது. அப்படிப்பட்ட புரோகிராம்கள் பதிந்து வைக்கப்பட்டிருந்தாலும், அவை அண்மைக் காலத்தில் அப்டேட் செய்யப்பட்டுள்ளனவா என்பதையும் தீர்மானிக்க முடியாது. எனவே நாம் கையில் எடுத்துச் செல்லும் பிளாஷ் ட்ரைவ்களில் இந்த புரோகிராம்களைப் பதித்து இயக்க முடியும் என்றால் நமக்கு நல்லதுதானே! அது போன்ற பல புரோகிராம்கள் இப்போது இணையத்தில் கிடைக்கின்றன. அவற்றில் ஒன்று http://www.freeav.com என்ற முகவரியில் உள்ளது. இதன் பெயர் AntiVir. இதன் சிறப்பு தன்மை, இந்த புரோகிராமினை ப்ளாஷ் ட்ரைவில் இன்ஸ்டால் செய்து பயன்படுத்த முடியும். அடுத்ததாக, இது ஆண்ட்டி வைரஸ் புரோகிராமாக மட்டுமின்றி, ஸ்பைவேர் புரோகிராம்களுக்கு எதிராகவும் செயல்படுகிறது. இதனை ஹார்ட் டிஸ்க்கில் பதியாமல், ப்ளாஷ் ட்ரைவில் பதிந்தே இயக்கவும்.
ஸ்பைவேர்களுக்கு எதிரான இத்தகைய புரோகிராம் ஒன்றும் இணையத்தில் கண்ணில் பட்டது. இதன் பெயர்AdAware SE Personal Edition 1.06.இதனையும் பிளாஷ் ட்ரைவில் வைத்தே பயன்படுத்தலாம். ஆனால் இதனை இன்ஸ்டால் செய்கையில், முதலில் ஹார்ட் டிஸ்க்கில் இன்ஸ்டால் செய்திடவும். பின்னர், ஸ்டார்ட், ஆல் புரோகிராம்ஸ் சென்று அதில் உள்ள AdAware பைலை காப்பி செய்து, பிளாஷ் ட்ரைவில் பேஸ்ட் செய்து இயக்கவும். இந்த புரோகிராமினை http://www.imgsrv.worldstart.com/download/aawsepersonal.exe என்ற முகவரியில் உள்ள இணைய தளத்திலிருந்து இலவசமாக டவுண்லோட் செய்திடலாம்.

சொஉர்செ:டினமலர்

பின்னூட்டமொன்றை இடுக

Filed under Uncategorized

யு-ட்யூப் வீடியோ தானாகத் தொடங்குவதை நிறு த்த

E_1281859833.jpeg
பல வேளைகளில், நாம் ஒன்றுக்கு மேற்பட்ட வீடியோ பைல்களை, யு–ட்யூப் வீடியோ தளத்தில் கிளிக் செய்திடுவோம். அப்போது நம் ஸ்பீக்கரில் அவை அனைத்தின் ஒலி கிடைக்கும். சில வேளைகளில், ஒவ்வொன்றும் இறங்கும் போது, ஸ்ட்ரீமிங் வேகம் குறைவாக இருக்கும் என்பதால், விட்டு விட்டு ஒலி கேட்கும். இதனை நிறுத்த வேண்டும் எனில், ஒவ்வொரு வீடியோ திறந்திருக்கும் பக்கம் உள்ள டேப்பினைக் கிளிக் செய்து, ஆடியோ பட்டனை மொத்தமாகக் குறைக்க வேண்டும். அப்போதுதான், வீடியோ படம் மெமரியில் இறங்கும். பின்னர் எந்தவிதத் தொந்தரவும் இன்றி கேட்டுக் கொள்ளலாம்.
இந்த ஆட்டோ பிளே வசதியை யு–ட்யூப் தளத்தில் நிறுத்த பல ஆட் ஆன் தொகுப்புகள் இணையத்தில் இலவசமாகக் கிடைக்கின்றன. சில இயங்காமல் இருப்பது மட்டுமின்றி, முழு வீடியோ பைலும் இறக்கம் கண்டபின்னரே, இயங்கத் தொடங்கும் வகையிலும் அமைக்கப்பட்டுள்ளன. இவற்றை இங்கு காணலாம்.
கூகுள் குரோம் பிரவுசருக்கென Stop Autoplay என்ற ஆட் ஆன் தொகுப்பு தரப்பட்டுள்ளது. வீடியோ உள்ள தளத்தினைக் கிளிக் செய்தவுடன், அதற்கான விண்டோ கிடைத்தவுடன், அது இயங்குவதனை இந்த ஆட்–ஆன் தொகுப்பு தடுக்கிறது. அதே நேரத்தில் வீடியோ பைல் இறங்குவதைத் தடுப்பதில்லை. இதனால் பின்னணியில் வீடியோ பைல் 100% முழுமையாகக் கம்ப்யூட்டரை வந்தடைய முடிகிறது. அது மட்டுமின்றி, இந்த புரோகிராம் எச்.டி.எம்.எல். மற்றும் பிளாஷ் என இரண்டையும் சப்போர்ட் செய்கிறது.
இந்த ஆட் ஆன் புரோகிராமினைப் பெறhttps://chrome.google.com/ extensions/detail/lgdfnbpkmkkdhgidgcpdkgpdlfjcgnnh?hl=en என்ற முகவரியில் உள்ள தளத்திற்குச் செல்லவும்.
பயர்பாக்ஸ் பிரவுசருக்கான ஆட்டோ பிளே தடை செய்யப்படும் ஆட் ஆன் தொகுப்பு, யு–ட்யூப் மட்டுமின்றி, எந்த வீடியோ பைல் தளத்தில் பதிக்கப்பட்டிருந்தாலும், அது முழுமையாக இறங்காமல் இயக்கவிடுவதில்லை. முதலில் தானாக இயங்குவதனைத் தடுக்கிறது. பின்னர் தளத்தில் வீடியோ பைல் பதிக்கப்பட்டிருந்தால், அந்த இடத்தில் சிகப்பாக ஒரு கட்டத்தினைக் காட்டுகிறது. இதனைப் பெற இணையத்தில்https://addons.mozilla.org/enUS/firefox/addon/1765/ என்ற முகவரிக்குச் செல்லவும்.https://addons.mozilla.org/enUS/firefox/addon/6648/ என்ற முகவரியில் இதே போன்ற இன்னொரு ஆட் ஆன் தொகுப்பும் பயர்பாக்ஸ் பிரவுசருக்கெனக் கிடைக்கிறது

source:dinamalar

பின்னூட்டமொன்றை இடுக

Filed under Uncategorized

இணையப் பயன்பாடு – சில ருசியான தகவல்கள்

உலகில் மொத்தம் 180 கோடிப் பேர் இணையத்தைப் பயன்படுத்துகின்றனர். இதில் 32 நாடுகளில் ஒரு கோடிக்கும் மேல் இணையப் பயனாளர்கள் உள்ளனர். இந்த வரிசையில் முதல் பத்து நாடுகளில் உள்ளவர் களின் எண்ணிக்கை 117 கோடி. அதாவது உலக இணையப் பயனாளர்களில் 65% பேர் இந்த பத்து நாடுகளில் உள்ளனர். அடுத்த பத்து நாடுகளையும் சேர்த்து, 20 நாடுகளில் உள்ள இணையப் பயனாளர் எண்ணிக்கை 147 கோடி. அதாவது மொத்தத்தில் 82%. சீனாவும் அமெரிக்காவும் இணைந்து, முதல் 15 இடங்களில் உள்ள நாட்டின் பயனாளர்களில் பாதிப்பேர் எண்ணிக்கையைக் கொண்டுள்ளன.
ஒரு நாட்டின் மக்கள் தொகை அடிப்படையில், அதிக எண்ணிக்கையில் இன்டர் நெட்டினைப் பயன்படுத்து வோர் உள்ள நாடுகளில் முதல் இடத்தினை பிரிட்டன் (82.5%) கொண்டுள்ளது. அடுத்தது தென் கொரியா (81.1%) மூன்றாவதாக ஜெர்மனி (79.1%), ஜப்பான் 78.2% மக்களுடன் அடுத்த இடத்தில் உள்ளது. அமெரிக்க மக்களின் எண்ணிக்கையில் 76.3% பேர் இன்டர்நெட் பயன்படுத்துகின்றனர்.
முதல் 20 நாடுகளில், 7 நாடுகள் (35%) ஆசியாவைச் சேர்ந்தவை. ஐந்து நாடுகள் ஐரோப்பாவைச் சேர்ந்தவை. முதல் 20ல் ஆங்கிலம் பயன்படுத்தப்படும் நாடுகள் மூன்று. இந்தியாவையும் சேர்த்தால் நான்கு.
அமெரிக்கா, ஜப்பான், ஜெர்மனி மற்றும் பிரிட்டனில் ஏற்கனவே இன்டர்நெட் பயன்பாடு ஏறத்தாழ அதிக பட்சம் உள்ளதால், அடுத்த வளர்ச்சி, சீனா, பிரேசில், இந்தியா, வியட்நாம், பிலிப்பைன்ஸ் மற்றும் ரஷ்யாவில் இருக்கும் என்று கணிக்கப்பட்டுள்ளது.
இந்தியா பற்றிப் பார்ப்போமா! இந்தியாவில் பத்து ஆண்டுகளுக்குச் சற்று முன்னர் தான் இன்டர்நெட் தொடங்கியது. 1995ல் தான் விதேஷ் சஞ்சார் நிகாம் என்னும் பொதுத்துறை நிறுவனம் மூலம் இன்டர்நெட் மக்களுக்கு வழங்கப்பட்டது. 1998ல் இந்தியா இதற்கான கொள்கை முடிவை அறிவித்துத் தனியார்களும் இன்டர்நெட் சேவை வழங்க அனுமதித்தது. இன்றைக்கு இந்திய மக்கள் தொகை 120 கோடி. இதில் இன்டர்நெட் பயன்படுத்துபவர்கள் 8 கோடியே பத்து லட்சம்.
அமெரிக்கப் பத்திரிக்கை ஒன்றில் ஒரு செய்தி வந்தது. அமெரிக்கர்கள் இன்டர் நெட்டைக் கண்டு பிடித்தார்கள். ஜப்பானியர்கள் அதைத் தூக்கிக் கொண்டு ஓடி விட்டார்கள் என்று. ஓடியது மட்டுமல்ல, அதில் பல அதிசயத்தக்க மாற்றங்களையும் கொண்டு வந்தனர். இன்று உலகில் 7.8 Mbps வேகத்தில் இணைய இணைப்பினைக் கொடுக்கும் மூன்று நாடுகளில் ஜப்பானும் ஒன்று. மிகவும் குறைந்த கட்டணத்தில் அதிக டேட்டா வேகத்தைத் தரும் நாடாக ஜப்பான் உள்ளது. மிகப் பெரிய திரை, துல்லியமான படங்கள், ஒலியின் தன்மை எனப் பல பிரிவுகளில் அமெரிக்கர்களை, ஜப்பான் மிஞ்சி விட்டது. ஜப்பான் மக்கள் தொகை 12.68 கோடி. இன்டர்நெட் பயன்படுத்துபவர்கள் 9.91 கோடி.

source:dinamalar

பின்னூட்டமொன்றை இடுக

Filed under Uncategorized

விடுதலைப் புலிகளோடு போரிடுவது போல விளையா ட புதிய வீடியோ கேம் அறிமுகம் !

இலங்கையில் போர் முடிந்துள்ள நிலையில், விடுதலைப் புலிகளுக்கு எதிராக சண்டையிடும் புதிய வீடியோ கேம் ஒன்றை இந்த ஆண்டு நவம்பர் மாதத்தில் பிரெஞ்சு நிறுவனமான உபிசாஃப்ட் வெளிவிடவுள்ளது. இந்த விளையாட்டுக்கு Gகொச்ட் றெcஒன் Pரெடடொர் என்ற தலைப்பிடப்பட்டுள்ளதாம். இதை விளையாடுவோர், காட்டில் உள்ள புலிகளுக்கு எதிராக போராடவேண்டும் ! அதை ஒத்த வடிவில் இது அமைக்கப்பட்டுள்ளதாம் !

இதில் காடுகளுக்குள் செல்லும் விளையாட்டு காரர்கள் புலிகளோடு மிகக் கடினமான சண்டையில் ஈடுபடவேண்டி இருக்கும் என அதன் ஆரம்ப கட்டத்தில் எச்சரிக்கப்படுகிறது. வழக்கமாகவே உலகில் நடக்கும் நிகழ்வுகளை மையமாகக் கொண்டு வீடியோ கேம் நிறுவனங்கள் பல விளையாட்டுகளை அமைத்துள்ளது போல இவ்விளையாட்டும் அமைக்கப்பட்டுள்ளது என அந்த நிறுவனம் தெரிவித்துள்ளது.

காணொளி இணைப்பு

பின்னூட்டமொன்றை இடுக

Filed under Uncategorized

காஷ்மீர் முதல்வர் ஒமர் மீது ஷூ வீச்சு ; சு தந்திர தின விழாவில் பரபரப்பு

large_62760.jpg

ஜம்மு: காஷ்மீர் என்றாலே களேபரம் இல்லாமலா இருக்கும் என்ற நிலைக்கு வந்து விட்டது. கடந்த சில மாதங்களாக கடும் போராட்டம், துப்பாக்கிச்சூடு, வன்முறை, என ஊரடங்கு நிலைகளில் இருந்து வரும் காஷ்மீரில் இன்று நடந்த சுதந்திர தின விழாவில் முதல்வர் ஒமர் அப்துல்லா மீது ஷூ வீசப்பட்டது.

கடந்த சில மாதங்களாக கட்டுக்கு அடங்காமல் இருக்கும் வன்முறை தொடர்பாக எழுந்த துப்பாக்கி சூட்டில் இதுவரை 25 க்கும் மேற்பட்டோர் கொல்லப்பட்டுள்ளனர். பிரதமர் , மற்றும் உள்துறை அமைச்சர்கள் ஆலோசனை நடத்திய வண்ணமாகவே உள்ளனர். இன்று கூட பாதுகாப்பு அதிகாரிகளுடன் ஒமர் ஒரு சந்திப்பு நிகழ்ச்சிக்கும் ஏற்பாடு செய்திருந்தார்.

இந்நிலையில் இன்று காலையில் நாடு முழுவதும் 64 வது சுதந்திரதினம் கோலாகலமாக கொண்டாடப்பட்டது. காஷ்மீரில் முதல்வர் ஒமர் அப்துல்லா கொடியேற்றி வைத்தார்.ஒமர் சல்யூட் அடித்து மரியாதை செலுத்தி கொணடிருக்கையில் சஸ்பெண்ட் செய்யப்பட்ட போலீஸ் ஒருவர் பலத்த சப்தத்துடன் முதல்வரை நோக்கி தனது காலில் இருந்த ஷூவை வீசினார். காஷ்மீருக்கு விடுதலை வேண்டும் என ஆவேசமாக கோஷமிட்டார். ஆனால் அதிர்ஷ்டவசமாக அவர்மீது படவில்லை. இதனையடுத்து விழாவில் திடீரென பரபரப்பு ஏற்பட்டது. தொடர்ந்து போலீசார் அந்த நபரை சுற்றிவளைத்து பிடித்து அப்புறப்படுத்தினர்.

விசாரணையில் இவரது பெயர் அப்துல்ஆகாத் ஜான் என்றும் இவர் முன்னாள் போலீஸ் உதவி சப்.இன்ஸ்பெக்டரும் ஆவார். எனது மீது கல்வீசப்பட்டாமல் ஷூ வீசப்பட்டிருக்கிறது குறித்து நான் கவலைப்படவில்லை. வன்முறை எதற்கும் தீர்வாகாது என்றும் கூறியுள்ளார்.

15 போலீசார் சஸ்பெண்ட் : ஓமர் அப்துல்லா மீது ஷூ வீசப்பட்ட சம்பவம் தொடர்பாக 4 போலீஸ் உயர் அ‌திகாரிகள் உட்பட 15 போலீசார் சஸ்பெண்ட் செய்யப்பட்டுள்ளனர்.

ஷூ வீச்சில் சிக்கியவர்கள் யார் ? யார் ? : கடந்த காலங்களில் ஷூ வீச்சுக்கு பல தலைவர்கள் உள்ளாகியிருக்கின்றனர். சீன பிரதமர் வென்ஜியாபோ, அமெரிக்க முன்னாள் அதிபர் புஷ், பாகிஸ்தான் அதிபர் சர்தாரி ஆவர். இந்த வரிசையில் ஒமர்அப்துல்லாவும் இப்போது.

source:dinamalar

பின்னூட்டமொன்றை இடுக

Filed under Uncategorized

கைகளில் வரையப்பட்ட சிற்ப்பம்: அபூர்வப் ப டங்கள்

மனிதனின் கைகளில் மிகவும் அழகாகவும் நேர்த்தியாகவும் வரையப்பட்ட சிற்பங்கள் இவை. ஆபிரிக்க நாட்டவர் ஒருவரால் வரையப்பட்ட இந்த சிற்பங்களுக்கு ஏற்றால் போல ஒரு நபர் தனது கை விரல்களை அசைவுபடுத்தியுள்ளார்.

art1.jpg

art10.jpg

art5.jpg

art8.jpg

மேலும் படங்களை காண–

http://thamilislam.tk

பின்னூட்டமொன்றை இடுக

Filed under Uncategorized

இலவசமாகப் பயன்படுத்துங்கள்

E_1274527335.jpeg
ஒரு குறிப்பிட்ட வகை வேலையை, கம்ப்யூட்டரில் மேற்கொள்ள, நாம் ஒரே புரோகிராமினையே பயன்படுத்துகிறோம். அதற்குப் பழகிப் போனதால், மற்ற புரோகிராம்களை, அவை கூடுதல் வசதி,எளிமை மற்றும் வேகம் ஆகிய அம்சங்களைக் கொண்டிருந்தாலும், பயன்படுத்துவதில்லை. சில வேளைகளில், பல புரோகிராம்களை, விலைக்கு வாங்கிப் பயன்படுத்துகிறோம். அதே புரோகிராம் செய்து முடிக்கும் வேலையை, இலவசமாய்க் கிடைக்கும் சில புரோகிராம்கள் செய்கின்றன என்று அறியாமல் இருக்கிறோம். இந்த கட்டுரையில் பரவலாகப் பயன்படுத்தப்படும் புரோகிராம்களுக்கு இணையான, இலவச புரோகிராம்களும், அவற்றின் தன்மைகளும் பட்டியலிடப்படுகின்றன. இந்த புரோகிராம்களை அவற்றின் மூலம் மேற்கொள்ளும் வேலைகளின் அடிப்படையில் வகைப்படுத்தப்பட்டு தரப்படுகின்றன.
1. ஆபீஸ் சாப்ட்வேர்: இந்த தலைப்பு மிக எளிமையாக இருந்தாலும், ஆபீஸ் சாப்ட்வேர் மூலம் எந்தவிதமான கற்பனைத் திறன் கொண்ட பணியையும், மேற்கொள்ளலாம் என்பது கம்ப்யூட்டர் பயன்படுத்தும் அனைவருக்கும் தெரியும். டெக்ஸ்ட் அமைக்கலாம்; நம் கற்பனைக்கேற்ப ஆப்ஜெக்ட்களைப் பதிக்கலாம்; கிராபிக்ஸ் மூலம் நம் கருத்துக்களை வெளிப்படுத்தலாம்; இன்னும் பல சிக்கலான பணிகளை மிக எளிதாக மேற்கொள்ளலாம். மைக்ரோசாப்ட் ஆபீஸ் தொகுப்பு நாம் வாங்கும் பதிப்பின் அடிப்படையில் ரூ.3,000 முதல் ரூ. 12,000 வரையிலான விலையில் உள்ளது. இந்த வகையில் மைக்ரோசாப்ட் நிறுவனம்தான் முன்னோடி என்பது அனைவரும் அறிந்ததே. இந்த பிரிவில் உள்ள இலவச சாப்ட்வேர்களைப் பார்க்கலாம்.
1.1 ஓப்பன் ஆபீஸ் (Open Office) : மிக அருமையான இலவச அப்ளிகேஷன் புரோகிராம். வேர்ட் ப்ராசசிங், ஸ்ப்ரெட் ஷீட், பிரசன்டேஷன், கிராபிக்ஸ், டேட்டா பேஸ் மற்றும் இன்னும் பல வகையான வேலைகளை இதிலும் மேற்கொள்ளலாம். இது பல மொழிகளில் கிடைக்கிறது. அனைத்து விண்டோஸ் பதிப்புகளிலும் செயல்படுகிறது. லினக்ஸ் இயக்கத்திலும் செயல்படும். சன் சாப்ட்வேர் நிறுவனம் தயாரித்து அளிக்கும் இந்த சாப்ட்வேர் தொகுப்பினைப் பயன்படுத்திப் பார்த்தால், நிச்சயம் இதனைத் தொடர்ந்து பயன்படுத்தும் எண்ணம் வரும். இதில், டேட்டா, இன்டர்நேஷனல் பார்மட்டில் அமைக்கப்படுவதால், அவற்றை அப்படியே மற்ற புரோகிராம்களிலும் பயன்படுத்தலாம். பல ப்ளக் இன் புரோகிராம்களும் இந்த தொகுப்பிற்குக் கிடைக்கின்றன. இவற்றிற்கான தகவல்களுக்கு http://extensions.services. openoffice.org// என்ற முகவரியில் உள்ள தளத்திற்குச் செல்லவும்.
1.2. ஐ.பி.எம். லோட்டஸ் சிம்பனி (IBM Lotus Symphony) : ஓப்பன் ஆபீஸ் தொழில் நுட்பத்தில் உருவான மிகச் சிறப்பான வசதிகளைத் தரும் இன்னொரு ஆபீஸ் சாப்ட்வேர். இதனை உருவாக்கித் தருவது ஐ.பி.எம். நிறுவனம். ஆனால் ஓப்பன் ஆபீஸ் பயன்படுத்தப் படுவது போல இது பயன்படுத்தப்படுவதில்லை. தரும் வசதிகளில் எந்த விதத்திலும் இது குறைந்ததில்லை. அடிப்படையில் இது Lotus Symphony Documents, Lotus Symphony Spreadsheets, Lotus Symphony Presentations ஆகிய மூன்று வசதிகளைத் தருகிறது. மேலும் தகவல்களுக்கு இணையத்தில் http://symphony .lotus.com/software/lotus/symphony/ plugin.nsf// என்ற முகவரிக்குச் செல்லவும்.
1.3. நியோ ஆபீஸ் (Neo Office) : இது மேக் ஆப்பரேட்டிங் சிஸ்டம் பயன்படுத்து பவர்களுக்கு மட்டுமே. மேக் சிஸ்டத்தில் வேர்ட் ப்ராசசிங், ஸ்ப்ரெட் ஷீட் மற்றும் பிரசன்டேஷன் புரோகிராம்கள் ஆகியவற்றை இந்த தொகுப்பு தருகிறது. இது ஓப்பன் ஆபீஸ் கட்டமைப்பில் வித்தியாசமாக வடிவமைக்கப்பட்டுள்ளது.
2. போட்டோ எடிட்டிங்: மொபைல் போன் பயன்பாடு வேகமாக அதிகரித்து வரும் இந்நாளில், மொபைல் போன் கேமராக்களினால், போட்டோக்கள் எடுப்பது சிறுவர்களுக்குக் கூட ஒரு கலை ஆர்வம் தரும் விஷயமாகிவிட்டது. இதனால், போட்டோ எடிட்டிங் மற்றும் அவற்றை நிர்வகிப்பது ஓர் அன்றாடத் தேவை ஆகிவிட்டது. போட்டோ எடிட்டிங் என்று வருகையில், கம்ப்யூட்டர் உலகில் அடோப் போட்டோ ஷாப் தன்னிகரில்லாத ஒரு அப்ளிகேஷன் சாப்ட்வேராக இடம் பெற்றுள்ளது. ஆனால் இதற்கான விலை ரூ.7,000 மற்றும் மேலாக உள்ளது. இந்த இடத்தில் பதிலியாக இருக்கக் கூடிய இலவச புரோகிராம்களைப் பார்க்கலாம்.
2.1. பெயிண்ட் டாட் நெட் (Paint.net): மைக்ரோசாப்ட் தரும் பெயிண்ட் புரோகிராமிற்கு இணையான வசதிகளை தரும் புரோகிராம் இது என்று கூறலாம். தொடக்கத்தில் இதனை மைக்ரோசாப்ட் ஆதரித்து, உருவாவதற்கு உதவி அளித்தது. போட்டோ எடிட்டிங் மேற்கொள்ள தேவையான அனைத்து ப்ளக் இன் வசதிகளையும் தருகிறது. பெயிண்ட் டாட் நெட் இயங்க, மைக்ரோசாப்ட் தரும் டாட் நெட் புரோகிராம் இன்ஸ்டால் செய்யப்பட்டிருக்க வேண்டும். மேலும் தகவல்களுக்கும், புரோகிராமிற்கும் http://www.getpaint.net/ என்ற முகவரியில் உள்ள தளத்தை நாடவும்.
2.2 ஜிம்ப் (GIMP): இந்த சுருக்குச் சொல் GNU Image Manipulation Program என்பதன் சுருக்கமாகும். போட்டோ டச் செய்வதற்கும், இமேஜ்களை எடிட் செய்வதற்கும் வெளியான முதல் இலவச புரோகிராம் இதுதான். அதிக செலவில் போட்டோ எடிட்டிங் டூல்களை வாங்க முடியாமல், மக்கள் தவித்த போது, இந்த புரோகிராம் வடிவமைக்கப்பட்டு இலவசமாக வழங்கப்பட்டு, பலரால் பயன்படுத்தப்பட்டது. இந்த புரோகிராமில் வழங்கப்பட்ட டூலான "Content Aware Fill" என்பதுதான், பல ஆண்டுகள் கழித்து, இப்போது அடோப் சி.எஸ். 5 சாப்ட்வேர் தொகுப்பில் "Resynth" ப்ளக் இன் டூலாகத் தரப்பட்டுள்ளது. இரண்டையும் ஒப்பிட்டுப் பார்க்க எண்ணினால்http://www.vizworld.com /2010/05/comparingphotoshopcs5contentawarefillgimpresynth/ என்ற முகவரியில் உள்ள தளத்தைப் படிக்கவும். ஜிம்ப் புரோகிராம் பெற http://www.gimp.org/ என்ற முகவரிக்குச் செல்லவும்.
2.3. பிகாஸா (Picasa): உங்களுடைய நோக்கம் போட்டோ எடிட்டிங் என்றால், நிச்சயம் இந்த புரோகிராமினை உங்கள் பார்வையில் இருந்து நீங்கள் தவறவிடக்கூடாது.http://www.picasa.com என்ற முகவரியில் உள்ள தளத்தில் இதனைப் பெறலாம். மிக எளிமையான, அதிகத் திறன் கொண்ட புரோகிராம். இந்த புரோகிராம் கூகுளின் பிகாஸா ஆன்லைன் போட்டோ ஷேரிங் புரோகிராமுடன் இணைக்கப்பட்டுள்ளது. பிகாஸா புரோகிராம் மூலம், எடிட் செய்யப்பட்ட போட்டோக்களை நேரடியாக இணைய தளத்தில் ஏற்றலாம்.
2.4. இர்பான் வியூ (Irfanview): http://www.irfanview.com/ என்ற முகவரியில் கிடைக்கும் இந்த புரோகிராம் மூலமும் போட்டோ எடிட்டிங் பணியை மேற்கொள்ளலாம். பிகாஸா மூலம் மேற்கொள்ள முடியாத சில போட்டோ எடிட்டிங் பணிகளை இதன் மூலம் மேற்கொள்ளலாம்

source:dinamalar

பின்னூட்டமொன்றை இடுக

Filed under Uncategorized

சபல ஆண்களே…………. உடம்பு பத்திரம்

கேரளாவில் "திருப்பி அடிப்போம்’ என்ற டைட்டிலோடு நூற்றுக்கணக்கான பெண்களை உறுப்பினராகக் கொண்டு கலக்கிவரும் ஷெரினாவும் பள்ளி மாணவி அபிராமியும் தலைமையேற்றுள்ள அந்த இயக்கத்தைக் கண்டாலே ஆண்கள் ஓட்டம் பிடிக்கி றார்கள்.

அங்கு சமீபத்தில் தெருக்கோடி முதல் கோட்டை வரை பரபரப்பை ஏற்படுத்திக்கொண்டிருக்கும் அந்த இயக்கத்தைக் கேள்விப்பட்டு வியந்துபோன நாம் ஷெரினாவையும், அபிராமியையும் சந்திக்க கேரள மாநிலம் எர்ணாகுளம் அருகேயுள்ள கொடுங்க லூர் சென்றோம்.

முதலில் ஷெரினாவை சந்தித்தோம். நாம் கேள்விப்பட்ட இயக்கத்துக்கும் அந்த பொண்ணுக்கும் கடுகளவுகூட பொருத்தம் இருக்காதோ… என நமக்குள்ளே எழும்பிய கேள்வி யை அடக்கிவிட்டுப் பேசினோம்.

""பிறப்பு விகிதத்தில் ஒரு ஆணுக்கு மூணு பெண்கள் என்ற விகிதத்தில் உயர்ந்துகொண்டே போகும் இந்த கேரளத்தில் பெண் களின் பாதுகாப்புக்காக அரசு என்னதான் வேலி போட்டாலும் அதையும் தாண்டி முக்கால்வாசி ஆண்கள் தங்களின் வக்கிர புத்தியை எங்களிடம் காட்டத்தான் செய்கிறார்கள்.

அந்த வகையில் பலமுறை நான் பாதிக்கப் பட்டிருக்கிறேன். என் கண் முன்னே பல பெண்கள் மானத்தை இழந்திருக்கிறார்கள். கடைசியாக எனக்கு நடந்த சம்பவம்தான் பல பெண்களுக்கு பாதுகாப்பை ஏற்படுத்தியுள்ளது.

womanactivity1.jpg

ஒரு துணிக்கடையில் வேலை பார்க்கும் நான் பரபரப்பாக இயங்கிக்கொண்டிருக்கும் எர்ணாகுளம் ஐகோர்ட் ஜங்ஷனில் நடந்து சென்றுகொண்டிருந்த போது… ஒருத்தன் என்னுடைய பின்பக்கத்தைத் தட்டி னான். அவனை மோசமாகத் திட்டிய நான், கொஞ்சதூரம் வந்ததும் ஓடிவந்து என் தொடையைப் பிடித்து நசுக்கினான். வலியால் துடித்த நான், ஆவேசத்தில் அவனின் சட்டையைப் பிடித்து இழுத்து அடித்தேன். இதை அந்தப் பகுதியில் நின்ற எல்லா ஆண்களும் வேடிக்கையாகத்தான் பார்த்தார்கள்.

அவனை அடித்ததும் எனக்குள் ஒரு தைரியம் வந்தது. அவனை பிடிச்ச பிடியில் இருந்து நழுவ விடாமல் போலீசில் ஒப்ப டைக்க, வேடிக்கைப் பார்த்த ஆண்களை உதவிக்குக் கூப்பிட்டேன். ஒருத்தர்கூட வரவில் லை. இதைப் பார்த்த கல்லூரி மாணவிகள் 7 பேர் ஓடிவந்து என்னிடம் "நீங்கள் போய் போலீசை கூப்பிட்டு வாருங்கள். நாங்கள் இவனை தப்பவிடாமல் பார்த்துக்குறோம்’ என வளைத்து நின்றார்கள். அதன்பிறகு நான் ஓடிப்போய் போலீசை கூப்பிட்டு வந்து அவனை ஒப்படைத்தேன்.

அவனைத் தாக்கும்போது வேடிக்கை பார்த்த ஆண்கள் ஏன் வர வில்லையென்றால்… அவன் அந்தப் பகுதியில் உள்ள ரவுடியாம். இப்படி ஆண் களைக் கண்டு பயந்து ஓடுவதால்தான் கடை களிலும் தனியார் மற் றும் அரசு நிறுவனங் களில் வேலை பார்க் கும் பெண்களும், சாலைகளில் நடந்து போகும் பெண்களும் தினம், தினம் உடல் ரீதியாக பிரச்சினைகளைச் சந்திக்கிறார்கள்.

இதைத் தடுக்க வேண்டுமென்றால் பெண்களுக்குள் தைரியத்தை ஏற்படுத்த வேண் டும். அதற்கு ஒரு வகுப்பு நடத்தத் தேவை யில்லை. தொந்தரவு செய்யும் ஆண்களை ஒருமுறை திருப்பி அடித்தால் போதும், அதன்பிறகு தைரியம் வந்துவிடும். அதற்காக கொடியின்றி, தோரணமின்றி எங்களுக்குள் ஒரு இயக்கத்தை ஏற்படுத்தியிருக்கிறோம்.

தற்போது "தொடரது ஞங்ஙள் திரிச்ச டிக்கும்’ (தொட்டால் நாங்கள் திருப்பி அடிப்போம்) என ஏராளமான பெண்களும், மாணவிகளும் எங்கள் இயக்கத்தை ஆதரித்து, அவர்களும் களத்தில் தைரியத்தைக் காட்டத் தொடங்கிவிட்டார்கள். இப்படி ஊருக்கு ஒரு பெண் வெகுண்டெழுந்தால் போதும், எந்த ஆணும் ஒரு பெண்ணை தவறான கண் ணோட்டத்துடன் பார்க்கமாட்டார்கள். கிட்ட நெருங்கவும்மாட்டார்கள்” என்ற ஷெரினாவிடம், ""பொது இடங்களில் இது ஓ.கே. வீட்டுக்குள்ளே தாலி கட்டிய கணவ னுக்கு விதிவிலக்கு உண்டா” என்றோம். "தவறு செய்தால் கணவனையும் திருப்பி அடிப்போம்’ என்றார் அருகிலிருந்த கணவர் சலிலும்மை பார்த்துச் சிரித்தபடியே.

மாணவி அபிராமியை சந்தித்துப் பேசியபோது… ""குருவாயூர் ஸ்ரீகிருஷ்ணா விலாசம் பள்ளியில் 9-ம் வகுப்பு படிக்கும் நான் பள்ளிக்குப் போகும்போதே திருடன் ஒருத்தன் என் கழுத்தில் கிடந்த செயினை அறுத்துக்கொண்டு ஓடினான். நான் சைக்கிளில் துரத்திச் சென்று நடுரோட் டில் அவனைப் பிடித்து கீழே தள்ளி அடிக் கொடுத்து செயினைப் பறித்தேன்.

இதை நான் புலியுடன் சண்டை போடுவது போல் பலர் வேடிக்கை பார்த்திட்டுதான் நின்றார்கள். எனக்கு யாரும் உதவி செய்ய வரலை. பின்னர் என் கூடப் படிக்கும் தோழிகள் உதவியுடன் அந்தத் திருடனை போலீஸில் ஒப்படைத்தேன். எனக்குள் ஏற்பட்ட வெறித்தனமான தைரியத்தை சக மாணவிகளுக்கும் ஊட்டினேன்.

தற்போது பள்ளிக்குப் போகும் மாணவி களுக்கு ஆண்களால் எந்த பிரச்சினை ஏற்பட்டாலும் அந்த இடத்தில் ஒவ்வொரு மாணவியும் அந்நியனாக மாறிவிடுகிறாள். இந்த மாற்றத்தை ஏற்படுத் தியது ஷெரினா அக்கா தான். இதை நாங்கள் ஒரு இயக்கமாக நடத்து றோம். தற்போது எந்த மாணவிகளும் தொந்தரவு இல்லாமல் போக முடிகிறது” என்றாள். அழகுக்கு அச்சாரமாக வலம் வரும் கேரளா பெண்களைக் கண்டாலே ஆண்கள் தலையைத் தொங்கவிடும் நிலையில்… எந்த பெண் எப்போது அடிப்பாள் என்ற பயத்தில் நடமாடுகிறார்கள்.

அடிக்கடி பெண்களுக்கு பாலியல் தொந்தரவு, ஈவ்-டீசிங் என மலையாள பத்திரிகைகளில் அதிக மாகப் பார்த்த நாம்… சமீபகாலமாக பெண்ணை சில்மிஷம் செய்த ஆணை அடித்த பெண்ணைப் பற்றிய செய்திதான் அதிகம் காண முடிகிறது.

கேரளாவில் மட்டுமல்ல… நம்மூர் பெண்கள் மத்தியிலும் இது தாக்கத்தை ஏற்படுத்தியுள்ளது. இதுபற்றி மாதர் சங்க தக்கலை ஒன்றியத் தலைவி சந்திரகலா கூறும்போது… ""இந்த தைரியம் கேரளப் பெண்களுக்கு மட்டுமல்ல… தமிழ்நாட்டுப் பெண்களுக்கும் வரவேண்டும். வீட்டில் இருந்து வெளியே வரும் எல்லா பெண்களுக்கும் இது மாதிரி தைரியத்தை உருவாக்கிட வேண்டும். இனிவரும் காலங்களில் ஒரு கன்னத்தில் அறைந்தால் மறு கன்னத்தை யும் காட்டுபவர்களாக பெண்கள் இருக்கக்கூடாது” என்றார்.

சபல ஆண்களே! உடம்பு பத்திரம்!

source:nakkheeran

2 பின்னூட்டங்கள்

Filed under Uncategorized